Gálatas 3:11 - Dios Rimashca Shimicunami

¹¹ Caitaca ricunallami. Diospaj ñaupajpica, Mandashcata rurashcamantaca pi mana justificashca tucunchu. Ashtahuanpish: “Cashcata rurajca crishcamantami causanga”.

Mushuj Testamento Diospaj Shimi

¹¹ Chaica, chashnatajmari. Mandashcapi nicushcata rurashpaca, pipish mana Taita Diospaj ñaupajpica, ima juchachina illaj ricuri tucunchu. Chaimantami, Dios Quillcachishcapipish: «Ima juchachina illajta rurashca runaca, crishcamantami causanga» nicun.

Gálatas 3:11 Iomraidhean Croise

1 REYES 8:46

(Juchata mana ruraj runaca mana tiyanchu) Shina cajpipish quiquinta mana cazushpa juchallijpica, quiquinca paicunahuan p'iñarishpami caru llajtaman cashpa, c'uchulla llajtaman cashpapish prezu apachun paicunata p'iñajcunapaj maquipi churangui.

JOB 40:4

“Mandaj Dioslla, ñucaca imapaj mana valij runamari cani. ¿Imatataj canmanca cutichichun ninguiyari? Ashtahuanpish ñucaca maquihuanmi shimita taparipani.

JOB 42:6

Chaimantami ñucallataj manchanayajta llaquirishpa, allpa jahuapi ushpa jahuapi tiyarini” nircami.

JOB 9:3

Paihuan rimanacushpapish, huaranga shimicunamantaca shujllatapish mana cutichi tucungachu.

SALMOS 143:2

Quiquinpajta rurajtaca imallata rurashcata ricuchinaman ama yaicuichu. Quiquinpaj ñaupajpica, pi mana ima juchachina illajmi cani mana ni tucunchu.

SALMOS 19:12

Mana allita rurashcataca ¿pitaj quiquinllatajca ricuri tucungari? Mana ricuri tucushca juchacunataca perdonapailla.

ECLESIASTÉS 7:20

Cai pachapica cashcata ruraj cashpapish, manataj ima juchata rurashpa, allillata rurashpa causajca, shujllapish mana tiyanchu.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

ISAÍAS 6:5

Chaimi ñucaca: “¡Aij, ñucalla ña huañunimi nircani! Ñucaca mapa shimicunata rimaj runamari cani. Mapa shimicunata rimaj runacunapaj chaupipipishmari causani. Chashna runami ñuca ñahuicunahuantaj Jatun Mandajta ricuni. Tucuita Mandaj Diostamari ricuni” nircanimi.

ISAÍAS 64:6

Ashtahuanpish ñucanchijca tucuicunamari mapacuna shina tucushcanchij. Ñucanchij cashcata ruranchij nishcacunapish mapa llachapa shinami tucushca. Tucui ñucanchijca p'angacuna shinami urmarcanchij. Ñucanchij millaita rurashcacunallatajmari huaira shina apashca.

HABACUC 2:4

Riqui mana alli shunguta charijca jatun tucunllami. Ashtahuanpish cashcata rurajca, crishcallamantami causanga.

Romanos 1:17

Taita Diosca crijllapi justificaj cashcatami alli huillaica ricuchin. Crishcallapi catichun. Cashnami quillcashca tiyacun: “Crijpi justificashcamantami causanga” ninmi.

Gálatas 2:16

Runaca Mandashcapi nishcata rurashcamantaca, mana justificashca cashcataca yachanchijmi. Ashtahuanpish Jesucristota crishcamantami justificashca tucun. Ñucanchijpish Cristota crishpa justificashca cangapajmi, Jesucristopi crircanchij. Mana, Mandashcapi nishcata rurashcamantachu, justificashca canchij. Mandashcapi nishcata rurashcamantaca, pi mana justificashca cangachu.

Hebreos 10:38

Cashcata rurajca, crishcamantami causanga. Ashtahuanpish huashaman tigrarijca, mana ñuca munashcachu” ninmi.

Santiago 1:27

Dios Yayata crijtaj cashcata paipaj ñaupajpi ricuchingapajca caitami rurana: Yaya mama illajcunata, llaquihuan caj viudacunatapish ayudana, cai pacha mapacunamantapish huaquichirinami.

Santiago 3:2

Tucuicunami achca cutin pandarinchij. Maijan imata rimashpapish mana pandarijca alli runami. Tucui cuerpotapish jarcari tucujmi.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.