Gálatas 3:10 - Dios Rimashca Shimicunami

¹⁰ Mandashcapi nishcata rurashpa alli ricurishun nijcunaca, tucuicunami llaquichishca canapaj. Cashnami quillcashca tiyacun: “Mandashcata quillcashca libropi imalla tiyacujta tucuita mana pajtachijcunaca, llaquichinapajllatajmi” ninmi.

Mushuj Testamento Diospaj Shimi

¹⁰ Mandashcapi nishcata rurana yuyailla causajcunaca, jatunta llaquichingapaj chʼicanyachishcami. Chaimantami, Dios Quillcachishcapica: «Mandashca libropi tucui imalla quillcashcata mana tucui pajtachijcunaca, jatunta llaquichingapaj chʼicanchishcami» nicun.

Gálatas 3:10 Iomraidhean Croise

GÉNESIS 4:11

Cunanca cambaj huauquita huañuchishpa yahuarta jichachijpi chai yahuarta millpuj allpallatajmi can millai runa cashcataca huillacun.

ISAÍAS 43:28

Chaimantami ñucapajlla ucupi mandajcunatapish yangata rurarcani. Jacobpaj huahua huahuacunataca llaqui tucushca cachunmi churarcani. Israelcunataca c'amishca asishca cachunmi saquircani” nircami.

JEREMÍAS 11:3

Can Jeremiasca cashna ni: Israelcunata Mandaj Diosca cashnami nin: Ñucahuan ari ninacushca cai shimicunata mana cazujcunaca, llaqui tucushca cachun.

JEREMÍAS 32:23

Cai llajtata japishpaca, caipi p'ucushcata micushpa cushicurcacunami. Shina cashpapish can rimashcataca mana uyarcacunachu, can mandashcatapish imata mana pajtachishpa causancunachu. Imallata rurachun can mandashcataca, imata mana rurarcacunachu. Chaimantamari cai tucui llaquicunata paicunapaj jahuapi cacharishcangui.

EZEQUIEL 18:4

Tucuicunami ñucapaj. Yayapish, churipish ñucapajmari. Maijanpish juchallishpaca, chaillami huañunga.

Mateo 25:41

Chai q'uipaca, lluqui ladoman cajcunatapish: “Ñuca ñaupajmanta anchuichij llaquiman rinapaj cajcuna. Cancunaca, diablopaj paipaj angelcunapajpish allichishca huiñaita rupacuj ninaman richij.

Romanos 4:15

Mandashcaca Diospaj p'iñaitami apamun. Ashtahuanpish Mandashca mana tiyanpica, Mandashcata p'aquinapish mana tiyanchu.

Romanos 6:23

Juchaca huañuitami cun. Ashtahuanpish Taita Dios c'uyashpalla cushcaca, ñucanchij Mandaj Cristo Jesuspi huiñai causaimi.

Romanos 8:7

Aicha munashcata ruranaca, Diosta p'iñachinami. Chashnacunaca Dios Mandashcataca mana cazuncunachu, manataj cazui tucuncunapishchu.

2 Corintios 3:7

Tablajlla rumicunapi quillcashca huañuchij mandashcacunapish, achij nicuj sumajmi carca. Moisespaj ñahuipish achij nicuj cajpimi, israelcunaca paipaj ñahuitaca mana ricui tucurcacuna. Chai achij nicujca chingarijllami carca.

Gálatas 2:16

Runaca Mandashcapi nishcata rurashcamantaca, mana justificashca cashcataca yachanchijmi. Ashtahuanpish Jesucristota crishcamantami justificashca tucun. Ñucanchijpish Cristota crishpa justificashca cangapajmi, Jesucristopi crircanchij. Mana, Mandashcapi nishcata rurashcamantachu, justificashca canchij. Mandashcapi nishcata rurashcamantaca, pi mana justificashca cangachu.

DEUTERONOMIO 27:26

Maijanpish cai mandashcacunata chaitataj tucuita mana pajtachijca llaqui tucushca cachun nijpica, tucuicuna: Chashnataj cashca cachun ninguichij.

DEUTERONOMIO 29:20

Chashna ruraj runataca, Mandaj Diosca mana perdonana tucushpa manataj perdonangachu. Ashtahuanpish paihuanca nina lunyacuj shina yallitajmi p'iñaringa. Chaimanta cai libropi tiyaj tucui llaquicunaca paipaj jahuapimi urmanga. Mandaj Diosca chai runapaj shutitaca cai pachamanta anchuchingami.