Gálatas 2:8 - Dios Rimashca Shimicunami

⁸ (Circuncisionta rurashcacunaman apóstol Pedrota huillachijllatajmi, ñucatapish mana judiocunaman huillachirca).

Mushuj Testamento Diospaj Shimi

⁸ Charishca aicha punta carata pʼitichishcacunaman huillachun Pedrota mingaj Diosllatajmari, ñucatapish mana israelcunaman huillagrichun mingarca.

Gálatas 2:8 Iomraidhean Croise

Hechos 1:25

Paica can imalla rurai nishcata ñucanchijhuan rurachun, apóstol canatapish japichun. Judasca millaita rurashpa urmashcamantami pai maiman rina cashcaman rin” nircacunami.

Hechos 1:8

Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij– nircami.

Hechos 15:12

Chaita uyashpa chaipi caj achcacuna upallashpaca Bernabepish, Pablopish imalla parlashcatami uyarcacuna. Paicunaca pi mana ruraipajcunatapish, mancharinacunatapish mana judiocunapaj ñaupajpi paicunata Taita Dios rurachishcatami parlarcacuna.

Hechos 19:26

Chai Pablo ima shina nishpa puricujtaca cancunallataj ricunguichijmi, uyanguichijmi. Maquihuan rurashcalla dioscunaca mana Taita Diostajchu nishpami achcacunata crichishpa puricun. Chashna nishpaca mana cai Efesollapichu, tucui Asia llajtapimari achcacunata crichishca.

Hechos 21:19

Paicunata allillachu canguichij nishca q'uipaca, Diosca mana judiocunapurapi imallata paihuan rurashcatami callarishpa tucuita alli parlarca.

Hechos 22:21

Chashna nijpimi Jesusca: “Ri, ñucami cantaca caru llajtacunapi caj mana judiocunapajman cachagrini” nircami nishpami parlarca.

Hechos 4:4

Chashna rurajpipish paicuna huillashcata uyajcunaca achcacunami crircacuna. C'aricunallami pichca huaranga shina carca.

Hechos 8:17

Chaimantami paicunapaj jahuapi maquita churajpi, jucha illaj Espirituta chasquircacuna.

Hechos 9:15

Chaimi Mandaj Jesusca: –Rilla, paitaca mana israelcunamanpish, jatun mandajcunamanpish, israelcunamanpish ñucamanta huillaj cachunmi agllarcani.

1 Corintios 15:10

Ashtahuanpish Diospaj mana c'uyaipaj c'uyaimantaca ima shinami cani, chaimi cani. Diospaj mana c'uyaipajta c'uyaica, ñucapajca mana yanga cashcachu. Ashtahuanpish ñucaca, tucui caishujcunata yallimi trabajashcani. Chaitaca mana ñucallatajchu, ashtahuanpish Diospaj mana c'uyaipajta c'uyai ñucahuan cashpami chashna rurachishca.

1 Corintios 9:2

Shujtajcunapaj mana apóstol cashpapish, cancunapajca apostoltajmi cani. Cancuna Mandaj Jesuspi shujlla tucushpami ñucaca apóstol cashcata ricuchij selloca canguichij.

Gálatas 3:5

Diosca cancunaman Espirituta cushpami, cancunapurapica mancharinacunata ruracun. ¿Mandashcapi nishcata rurashcamantachu, mana cashpaca uyashpa crishcamantachu chashnaca ruracun?

Colosenses 1:29

Chaipajca Cristo ima shina fuerzata cushcahuanmi macanacucuj shina trabajacuni. Chai fuerzami ñucapica poderhuan rurachicun.

1 Tesalonicenses 2:13

Taita Diospaj Shimita cancunaman ñucanchij huillajpi uyashpaca, mana runacunapaj shimita shinallachu chasquircanguichij. Ashtahuanpish Taita Diospaj Shimitaj cashcatami chasquircanguichij. Chaimi crij cancunapica rurachicun. Chaimantami ñucanchijca mana samashpa, Taita Diostaca pagui nicunchijlla.