Gálatas 2:4 - Dios Rimashca Shimicunami

⁴ Ashtahuanpish crijmi canchij nij tucujcunami, Mandashcapi huatashca cachun tigrachingapaj Cristo Jesús cacharichishcacuna ima shina cajta ricunga raiculla, ñucanchijpurapi pacalla yaicushca carcacuna.

Mushuj Testamento Diospaj Shimi

⁴ Ñucanchij chaipi cajpica, ‘Crijmi canchij’ nij tucujcunami, Cristo Jesús ñucanchijta cacharichishcata jarcangaraicu, pacalla yaicushca carca. Chashnami paicunaca, ñaupa shinallataj huatashca causanaman tigrachishun yuyarcacuna.

Gálatas 2:4 Iomraidhean Croise

SALMOS 119:45

Quiquin mandashcacunatami mashcani. Pi mana imata nishcami purisha.

SALMOS 51:12

Quiquin quishpichijpi cushicuna cushicuita cutin cuhuayari. Tucuita rurai tucuj espirituhuan charirahuayari.

ISAÍAS 51:23

Canta p'iñajcunaca: Cumuri cambaj jahuata pasangapaj nijpimi canca paicuna ñanta shina pasachun uri singa siririshpa cambaj huashataca pambata shina ruraj carcangui. Cunanca chai llaquicunataca canta p'iñajcunapimi churani” ninmi.

Lucas 5:38

Ashtahuanpish mushuj vinotaca mushuj capachucunapi churajpimi caishujpish, chaishujpish mana chingaringa.

Hechos 15:1

Chai punllacunallatajmi Judeamanta maijan shamujcunaca Jesusta caticujcunataca: “Moisés mandashca shina circuncisionta mana rurachishpaca, mana quishpiri tucunguichijchu” nishpa yachachircacuna.

Hechos 15:24

Ñucanchijpuramanta maijancunami cancunapajman rishcata uyanchij. Paicunami cancunataca circuncisionta ruranami canguichij, Moisés mandashcatapish cazunami canguichij nishpa muspachishcacuna. Paicunataca mana ñucanchijchu cacharcanchij.

Hechos 20:30

Chashna rurangapajca cancunapurallamantatajmi maijancunaca, paicunata catichun crijcunaman imatapish llullashpa huillajcuna ricuringa.

Romanos 8:15

Chaimanta manchaihuan cachunllataj huatashcata charij espiritutaca mana chasquircanguichijchu. Ashtahuanpish quiquin huahuata shina ruraj Espiritutamari chasquircanguichij. Paimantami: “¡Ñuca Yayitu!” nishpa caparicunchij.

2 Corintios 11:13

Chaicunaca nij tucushcalla apostolcunami, umashpa purijcunallami, Cristopaj apostolcuna shina tucujcunallami.

2 Corintios 11:17

Chashna rimashpaca, mana Mandaj Jesús munashca shina rimanichu, ashtahuanpish jatun tucusha nishpatajmi loco shina rimarini.

2 Corintios 11:20

Cancunata maijan huatashcata shina charijpipish, maijan millpusha nicujpipish, maijan cancunapajta quichujpipish, maijan jatun tucushca cajpipish, maijan ch'ajyachijpipish chaicunatarajmi ahuantanguichijlla.

2 Corintios 11:26

Tauca cutinmi ñancunapi, jatun yacucunapi, shuhuacuna manchai, ñuca llajtapi causajcuna manchai, mana judiocuna manchai, pueblocunapipish, shitashca pambacunapipish huañuchina manchai, mama cucha yacupi huañuna manchai, crij canchij nij tucujllacuna manchaipishmi carcani.

2 Corintios 3:17

Mandaj Jesusca Espiritumi. Mandaj Jesuspaj Espíritu maipi canpica, ña cacharichishcami.

Gálatas 1:7

Shujtaj alli huillaica mana tiyanchu. Ashtahuanpish maijancunaca, Cristopaj alli huillaitami shujtajyachishpa pandachisha nicuncuna.

Gálatas 4:25

Agar huarmica, Arabiapi tiyaj Sinaí urcu shinami. Sinaí urcu shinaca, cunan Jerusalenmi. Jerusalenmi cunanca, paipaj huahuacunandij tandalla esclavocuna.

Gálatas 4:3

Ñucanchijpish huahuaraj cashpaca, cai pachapaj yanga yachachishcacunallapimi esclavocuna carcanchij.

Gálatas 5:1

Cristo cacharichishcamanta, quishpichishcapi sinchi caichij. Esclavota rurajpaj yugopica ama cutin huatashca caichijchu.

Gálatas 5:10

Cancuna shujtaj shina yuyanataca, Mandaj Jesusmantami mana manchani. Ashtahuanpish cancunata pandachijca, maijan cashpapish llaquitami apanga.

2 Timoteo 3:6

Chaicunaca huasicunaman yaicushpa, ima millaitapish ruraj, juchasapa, umarijlla huarmicunatami umancuna.

Santiago 1:25

Ashtahuanpish cashcata ruraj mandashcaca, huatashcamanta cacharijmi. Chaita ricurashpa, uyarashpa, mana cungarishpa chaitataj rurashpa catirajca, pai imata ruracunpi cushichishcami canga.

1 Pedro 2:16

Huatashca shinamantaca cacharichishcami canguichij. Cacharichishcami canchij nij tucushpa, ñataj millaita ruranguichijman. Ashtahuanpish Diospajta rurajcuna shinataj causaichij.

2 Pedro 2:19

Paicunaca huatashca shinamantaca cacharichishcami canguichij nincunami. Shina nishpapish paicunallatajmi millai munaicunahuan huatashca shina. Maijanpish mishachijca, chai mishajpajta huatashca shina rurajmi tucun.

1 Juan 4:1

C'uyashcacuna, cai pachapica achca llulla profetacunami ricurishca. Chaimanta ama tucui huillajcunata crichijllachu, Diospaj Espirituhuanchu nishpa alli ricuichij.

Judas 1:4

Maijancunaca ñamari ñucanchijpurapi crichingapaj pacalla yaicushcacuna. Chaicunataca Diosca ñaupamanmi jatun llaquiman rinapaj cajcunami nishca. Paicunaca Diosta mana manchajcunami. Paicunaca cacharishcacuna shina millaita rurangapajllami, Diosca mana c'uyaipajtapish c'uyajmi nij tucuncuna. Mandaj shujlla Diostapish, ñucanchijta Mandaj Jesucristotapish mana tiyanchu nincunami.