Gálatas 2:2 - Dios Rimashca Shimicunami

² Chaimanca, Dios ricuchijpimi huichiyarcani. Ñuca huillashca ama yanga cachunmi, mana judiocunaman huillacushcataca, alli nishcacunallaman huillarcani.

Mushuj Testamento Diospaj Shimi

² Diosllataj rina yuyaita cujpimi, chaiman rircani. Mana israelcunaman alli huillaita ñuca huillashca, pambapi urmanatami mancharcani. Chaimantami crijcunata pushajcunapuralla tandanacushcamanca, ñuca ima shinalla huillashpa puricushcataca tucuita alli huillarcani.

Gálatas 2:2 Iomraidhean Croise

ECLESIASTÉS 10:1

Mishquijllata ashnaj jambicunata ruraj runa rurashca jambicunapi shuj chuspilla urmashpa huañushpapish, tucuipi mapa ashnaita churanllami. Tucuicuna alli nishca runapish chashnallataj imapi ashata pandarishpaca, yallitaj mana allimi ricurin.

Mateo 10:16

Cancunataca ovejacunata atujcunapaj chaupiman cachaj shinami cachani. Culebra shina yachaj, paloma shina manso caichij.

Hechos 15:12

Chaita uyashpa chaipi caj achcacuna upallashpaca Bernabepish, Pablopish imalla parlashcatami uyarcacuna. Paicunaca pi mana ruraipajcunatapish, mancharinacunatapish mana judiocunapaj ñaupajpi paicunata Taita Dios rurachishcatami parlarcacuna.

Hechos 15:2

Chaimi Pabloca Bernabendij chai yachachijcunahuan rimanacushpa, jatunta p'iñarinacurcacuna. Mana allichipaj cajpimi, apostolcunahuan, cunaj yuyajcunahuan parlanacushpa allichichun Pablotapish Bernabetapish caishuj crijcunandij Jerusalenman cachanata yuyarircacuna.

Hechos 15:4

Jerusalenman chayajpica, tandanacushca crijcunapish, apostolcunapish, cunaj yuyajcunapish allimi chasquircacuna. Pablopish Bernabepish Taita Dios paicunata imallata rurachishcatami parlarcacuna.

Hechos 18:9

Shuj tutami Mandaj Jesusca, Pablomanca muscuipi shina ricurishpa cashna nirca: “Ama manchaichu, ama upallashpa huillacunguilla.

Hechos 23:11

Mandaj Jesús chai tuta ricurishpami Pablotaca: “Pablo, ama manchaichu. Ima shinami cai Jerusalenpi ñucamanta huillacungui, chashnallatajmi Romapipish huillana cangui” nirca.

Hechos 5:34

Mandajcunapuralla tandanacushcapica, Gamaliel nishca fariseomi tiyacurca. Paica Mandashcata jatun yachachij, tucuicuna alli nishcami carca. Pai shayarishpaca, apostolcunata ashacama canllaman llujshichichishpaca,

Romanos 9:16

Chashna cajpica maijanpish mana pai munashcamantachu, mana pai ima allita rurashcamantachu agllan, ashtahuanpish Dios llaquij cashcallamantami agllan.

1 Corintios 1:23

Ashtahuanpish ñucanchijca, Cristota chacatashcatami huillacunchij. Chaica judiocunapajca ñitcanapajmi, mana judiocunapajca musparishca huillashca shinallami.

1 Corintios 2:2

Cancunapurapi cashpaca, ima shujtajta mana yuyashpami, ashtahuanca Jesucristota, paita chacatashcata huillana yuyailla carcani.

1 Corintios 9:24

Estadiopi callpajcunaca tucuicunami callpantaj, shina cashpapish japina cashcataca shujllami japin. Chaitaca ¿manachu yachanguichij? Chashna japingapajca callpaichijtagari.

1 Corintios 9:26

Chashnami ñucaca mishanataj yuyaihuan callpani. Macanacushpapish, mana huairallapi huajtaj shina huajtanichu.

2 Corintios 12:1

Ñucallamantataj jatun tucushpaca imata mana surcushachu. Ashtahuanpish muscuipi shina Mandaj Jesusmanta ricushcata pai ricuchishcacunamantami rimasha nini.

Gálatas 1:12

Caitaca mana maijan runamanta ñucaca chasquircanichu, yacharcanichu. Ashtahuanpish Jesucristo ricuchijpimi chasquircani.

Gálatas 1:16

Mana judiocunapurapi huillachunmi, paipaj Churita ñucaman ricuchirca. Chaimi pita mana tapurcani.

Gálatas 1:6

Mana c'uyaipajta c'uyaj Cristomanta Dios cayashcamantaca, ña maita anchurishpa alli huillaitaca shujtaj shina caticujpimi mancharini.

Gálatas 2:6

Ashtahuanpish ñaupa imamanta alli nishcacuna cashca cashpapish (ñucapajca ima mana canchu. Diosca pita ñahuita ricushpalla mana alli ninchu). Alli nishcacuna cashpapish ñucamanca, ima mushujta mana huillarcacunachu.

Gálatas 2:9

Jacobo, Cefas, Juanpish pilarcuna nishca cashcamantami, mana c'uyaipajta c'uyaj canata ñucamanpish cushca cashcata yachashpaca ñucaman, Bernabemanpish chaillatataj rurajcuna cashcata ricuchingapaj alli maquita curcacuna. Paicunaca circuncisionta rurashcacunaman, ñucanchijca mana judiocunaman huillagrichunmi chashna ricuchircacuna.

Gálatas 5:7

Cancunaca allitami ruracurcanguichij. Mana llullata ama cazuchunca ¿pitaj jarcarcari?

Filipenses 2:16

Ñuca purishca, ñuca trabajashca ama yanga cachun. Cristo shamui punllapi ñuca cushicungapaj, causaipaj shimita chariraichij.

Filipenses 2:29

Paitaca tucui cushicuihuan Mandaj Jesuspi chasquichij. Pai shinacunahuapish c'uyaita charichij.

1 Tesalonicenses 3:5

Chai llaquicunahuan cajta yachashpa mana cungari tucushpami, cancuna crishcapi ima shina caticujta yachangapaj Timoteota cacharcani. Umaj diablo cancunata umajpica, ñucanchij trabajo yanga tucunatami mancharcani.

2 Timoteo 4:7

Macanacuipica allimi mishashcani, callpashpa mishanacuitapish tucuchishcanimi, crishcatapish allimi cuidashcani.

Hebreos 12:1

Chashna cajpica, crijtaj cashcata ricuchijcunataca achca p'uyuta shinami achcacunata ñucanchij muyundijpica charinchij. Chaimanta ñucanchijpish llashacuj shinatapish, urmachisha nij juchatapish tucui saquishpa, chayana cashcamanca mana p'iñarishpa ñaupajman catishunchijlla.