Gálatas 2:1 - Dios Rimashca Shimicunami

¹ Chunga chuscu huatacuna q'uipami, Bernabehuan Jerusalenman cutin huichiyarcani. Titotapish ñucahuanmi pusharcani.

Mushuj Testamento Diospaj Shimi

¹ Chaimantaca, chunga chuscu huata qʼuipami, Titotapish pushashpa Bernabendij Jerusalenmanca cutin huichiyarcani.

Gálatas 2:1 Iomraidhean Croise

Hechos 11:25

Achcacuna crijpimi Bernabeca, Tarsopi Saulota mashcanaman rirca. Paita japishpaca, Antioquiamanmi pusharca.

Hechos 11:30

Paicuna tandachishpaca Judeapi caj cunaj yuyajcunaman cuchunmi, Bernabeman, Sauloman cacharcacuna.

Hechos 12:25

Bernabepish Saulopish paicunaman rurachun mingashcata pajtachishpami Marcos nishca Juantapish Jerusalenmanta pushashpa Antioquiaman cutin tigrarcacuna.

Hechos 13:2

Shuj punlla paicuna ayunashpa Jatun Diosta mañacujpimi, jucha illaj Espirituca: “Bernabeta Saulotaca ñucapajta ruraj cachunmi ña cayarcani. Chaimanta paicunataca ñucapajta ruranata callarichun ch'icanchichij” nirca.

Hechos 13:50

Ashtahuanpish judiocunaca Taita Dios yuyailla causangapaj judio tucushca alli nishca huarmicunata, chai pueblota mandajcunatapish, chai runacunata llaquichingapaj jatarishunchij nishpa yachachircacuna. Chashna yachachishpaca Pablotapish, Bernabetapish achcata llaquichishpami chai llajtamanta llujshichishpa cacharcacuna.

Hechos 14:12

Chaimantami Bernabetaca, Júpiter diosmi nircacuna. Pablotaca huillaj cashcamanta, Mercurio diosmi nircacuna.

Hechos 15:25

Chaimantami tucuicuna shuj yuyailla tucushpa, ñucanchijpuramanta huauquicunata agllashpa cachana alli yuyachijpi, paicunataca ñucanchij c'uyashca Bernabehuan, Pablohuan cachanchij.

1 Corintios 9:6

¿Ñucahuan Bernabellahuanchu ñucanchij trabajashcallahuantaj huillacushunlla?

2 Corintios 2:13

Shina cajpipish ñuca huauqui Titota mana japishpaca, ñuca espiritupica llaquillami carcani. Chaimantami chaipi cajcunata, cayacama nishpaca Macedoniaman rircanilla.

2 Corintios 8:16

Cancuna yuyailla ñuca cashca shinallataj, Titomanpish yuyaita cushcamantami, Diostaca pagui nini.

2 Corintios 8:23

Titoca ñucahuan purij cashcamanta, cancunapaj allicunata rurajmi. Caishuj huauquicunaca Cristota jatunyachingapaj tandanacushca crijcuna cachashca huillajcunami.

Gálatas 1:18

Quimsa huata q'uipami, Pedrota ricungapaj Jerusalenman huichiyarcani. Paihuanca chunga pichca punllacunatami chaipi carcani.

Gálatas 2:13

Pai mana micucushca shina tucujpica, caishuj judiocunapish chashnallatajmi rurarcacuna. Paicuna chashna mishqui shimi jayaj shungu cajta ricushpaca, Bernabecamami chashna tucurca.

Gálatas 2:3

Chaimi ñucahuan caj Titotaca griego cajpipish, circuncisionta rurachichuntajca, mana ni tucurcacuna.

Gálatas 2:9

Jacobo, Cefas, Juanpish pilarcuna nishca cashcamantami, mana c'uyaipajta c'uyaj canata ñucamanpish cushca cashcata yachashpaca ñucaman, Bernabemanpish chaillatataj rurajcuna cashcata ricuchingapaj alli maquita curcacuna. Paicunaca circuncisionta rurashcacunaman, ñucanchijca mana judiocunaman huillagrichunmi chashna ricuchircacuna.

Colosenses 4:10

Prezupi ñucahuan caj Aristarco, Bernabepaj sobrino Marcospish alli cashca cachun nincunami. Marcos yachachishcacunataca chasquishcami carcanguichij. Paipish ricunaman rijpica chasquipanguichij.

Tito 1:4

Tito, canca ñuca crishca shinallataj crij cashcamanta, ñuca huahuatajmi cangui. Dios Yayapaj, ñucanchijta Quishpichij Mandaj Jesucristopaj mana c'uyaipajta c'uyaj canapish, llaquij canapish, sumaj causaipish canhuan cashca cachun ninimi.