Gálatas 1:7 - Dios Rimashca Shimicunami

⁷ Shujtaj alli huillaica mana tiyanchu. Ashtahuanpish maijancunaca, Cristopaj alli huillaitami shujtajyachishpa pandachisha nicuncuna.

Mushuj Testamento Diospaj Shimi

⁷ Shujtaj alli huillaica mana tiyanchu, Cristomanta alli huillaita cancuna yachacushcatami pandachishun nishpa, taucacuna shujtajta yachachishpa puricuncuna.

Gálatas 1:7 Iomraidhean Croise

JEREMÍAS 23:26

Chai huillajcunaca ¿ima horascamachari paicunapaj shungu chashna panda yuyashcallata huillashpa, umashpa puringacuna?

JEREMÍAS 23:36

Cunanmantaca: Mandaj Diosmi huillaj cachan ninataca, ña ama yuyanguichijllapishchu. Maijan cutintaj chashna nijpica, chai shimicunallatatajmi cancunapaj llaquiman tigrachisha ninmi. Cancunallatajmari tucuita Mandaj, ñucanchij causaj Diospaj shimitaca yangacunata rimangapaj japishcanguichij.

Mateo 24:24

Chai punllacunaca: “Ñucami Cristo cani” nishpa llullajcunapish, profetami canchij nishpa llullajcunapish tiyangami. Chai llullajcunaca jatun ricuchinacunata, milagrocunata rurashpami, umangacuna. Dios agllashcacunatapish crichi tucushpaca crichingacunami.

Hechos 13:10

cashna nirca: –¡Diablopaj huahua, umana yuyaillahuan junda, mana allita ruranata munaj, imatapish cashcata ruranata p'iñaj! Jatun Diospaj alli ñanmanta ladoyachinataca ¿ima nishpataj mana saquisha ningui?

Hechos 15:24

Ñucanchijpuramanta maijancunami cancunapajman rishcata uyanchij. Paicunami cancunataca circuncisionta ruranami canguichij, Moisés mandashcatapish cazunami canguichij nishpa muspachishcacuna. Paicunataca mana ñucanchijchu cacharcanchij.

Hechos 20:30

Chashna rurangapajca cancunapurallamantatajmi maijancunaca, paicunata catichun crijcunaman imatapish llullashpa huillajcuna ricuringa.

2 Corintios 11:13

Chaicunaca nij tucushcalla apostolcunami, umashpa purijcunallami, Cristopaj apostolcuna shina tucujcunallami.

2 Corintios 2:17

Ñucanchijca, mana shujtaj achcacuna shina imata japingaraiculla chagrushpa Diospaj Shimita huillajcunachu canchij. Ashtahuanpish Dios cachashca cashpami mana nij tucushpalla Cristohuanca Diospaj ñaupajpi huillacunchij.

2 Corintios 4:2

Ashtahuanpish tucui ima pacalla pinganayaj ruranataca saquircanchijmi. Mana umashpa purishpami, Diospaj Shimitaca mana chagrushpa ashtahuanpish tucuita mana llullashpa huillarcanchij. Diospaj ñaupajpi ñucanchij ima shina cashcata, cancunapaj yuyaillapitaj ricuchunmi mingarinchij.

Gálatas 1:6

Mana c'uyaipajta c'uyaj Cristomanta Dios cayashcamantaca, ña maita anchurishpa alli huillaitaca shujtaj shina caticujpimi mancharini.

Gálatas 2:4

Ashtahuanpish crijmi canchij nij tucujcunami, Mandashcapi huatashca cachun tigrachingapaj Cristo Jesús cacharichishcacuna ima shina cajta ricunga raiculla, ñucanchijpurapi pacalla yaicushca carcacuna.

Gálatas 4:17

Mana cancunapaj allipajchu cancunataca munancuna. Ashtahuanpish cancunataca ñucanchijmanta ch'icanyashpa paicunata catijcuna cachunllami munancuna.

Gálatas 5:10

Cancuna shujtaj shina yuyanataca, Mandaj Jesusmantami mana manchani. Ashtahuanpish cancunata pandachijca, maijan cashpapish llaquitami apanga.

Gálatas 5:12

¡Cancunata pandachijcunaca paicunallataj tucui p'itirishpachari alli canman!

Gálatas 6:17

Cunanmanta pacha ñucataca, pi ama p'iñachichun. Ñuca aichapica, Mandaj Jesusmanta chugrichishcacuna alliyashcatami charini.

2 Timoteo 2:18

Paicunaca mana llullamanta anchurishpami, ñami causarircanchij nishpa puricuncuna. Chashnami maijancunapaj crishcata muspachircacuna.

1 Juan 2:26

Caitaca, umajcuna ima shina cancunata umasha nicushcamantami quillcarcani.

1 Juan 4:1

C'uyashcacuna, cai pachapica achca llulla profetacunami ricurishca. Chaimanta ama tucui huillajcunata crichijllachu, Diospaj Espirituhuanchu nishpa alli ricuichij.

2 Juan 1:10

Maijanpish cancunapajman shamushpa, cai yachachina shinallatataj mana apamujpica, ama huasipi chasquinguichij: “¡Allimi shamushcangui!” nishpallapish ama ninguichij.

2 Juan 1:7

Cai pachapica, achca umajcunami ricurishca. Paicunaca Jesucristoca aichayuj tucushpami shamurca nishpaca, mana huillancunachu. Chashna nijcunaca umajcunami, Cristota p'iñajcunami.

Judas 1:4

Maijancunaca ñamari ñucanchijpurapi crichingapaj pacalla yaicushcacuna. Chaicunataca Diosca ñaupamanmi jatun llaquiman rinapaj cajcunami nishca. Paicunaca Diosta mana manchajcunami. Paicunaca cacharishcacuna shina millaita rurangapajllami, Diosca mana c'uyaipajtapish c'uyajmi nij tucuncuna. Mandaj shujlla Diostapish, ñucanchijta Mandaj Jesucristotapish mana tiyanchu nincunami.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 13:14

Punta animal jatun mancharinacunata rurai tucunata q'uipa animalman cujpimi, chaita rurashpa allpa pachapi causajcunataca umarca. Chaimantami q'uipa animalca allpa pachapi causajcunataca, espadahuan huañujta chugrichishca cashpapish causacuj animalman rijchajta ruraichij nirca.

Apocalipsis 19:20

Jatun animaltapish, llullashpa huillajtapish prezumi japirca. Chai llullashpa huillajca jatun animalpaj ñaupajpi pi mana rurai tucuipaj mancharinacunata rurashpami jatun animalpaj sellota churachijcunatapish, chai animalman rijchajta rurashcata adorajcunatapish umashpa crichirca. Jatun animaltapish llullashpa huillajtapish causajtami ishquindijtataj azufrehuan rupacuj nina cuchapi shitarca.

Apocalipsis 2:2

Ñucaca can imalla rurashcata, shaicuita trabajashcata, mana p'iñarij alli shungu cashcatapish yachanimi. Millaicunata can mana ricunachij cashcatapish yachanimi. Ñucanchijca apostolcunami canchij nijcunatapish paicuna imata rurashcata ricushpa llullacunalla cashcata ricushcatapish yachanimi.

Apocalipsis 2:20

Shina cajpipish can rurashcacunataca caitami mana munani. Chai Jezabel huarmitamari mana jarcashpa saquinguilla. Paica profetami cani nishpamari umashpa, ñucapajta rurajcunataca huainayachun, rurashcalla dioscunaman cushcata micuchun, yachachicun.

Apocalipsis 2:6

Chashna cashpapish nicolaita nishcacunapaj mana alli rurashcacunataca p'iñanguimi, chai rurashcacunataca ñucapish p'iñanimi.

Apocalipsis 20:3

Chaipi huatashpaca tucui llajtacunapi causajcunata ama umachunmi huaranga huatacuna pajtangacama ucujta jutcupi huichcashpa, chai pungutaca sellashpa churarca. Huaranga huatacuna q'uipaca ashacama cacharishcami canga.