Gálatas 1:6 - Dios Rimashca Shimicunami

⁶ Mana c'uyaipajta c'uyaj Cristomanta Dios cayashcamantaca, ña maita anchurishpa alli huillaitaca shujtaj shina caticujpimi mancharini.

Mushuj Testamento Diospaj Shimi

⁶ Diosmari cancunataca, Cristo mana cʼuyaipajta cʼuyashcamanta cayarca. Cancunaca ña maita paimanta caruyashpa, shujtaj “alli huillaita” caticujpimi, ñucaca achcata mancharini.

Gálatas 1:6 Iomraidhean Croise

SALMOS 106:13

Chashna cashpapish pai imalla rurashcacunataca utcami cungarircacuna. Paipaj munaitaca mana shuyasha nircacunachu.

ISAÍAS 29:13

Chaimantami Jatun Diosca: “Cai gentecunaca ñucataca jahua shimillami yuyarincuna. Jahua shimillahuanmi ñucataca allimari cangui nincuna. Ashtahuanpish paicunapaj shunguca ñucamanta carupimari. Ñucata manchanchij nishpapish, gentecuna yachachishpa mandashcacunallatami rurancuna.

Marcos 6:6

Paicuna mana crisha nishcamantami Jesusca achcata llaquirishpaca, chai muyundij llajtacunallapi yachachishpa purirca.

Juan 9:30

Chaimi chai runaca: –Ñuca ñahuita alliyachijtaca cancunaca maimanta cashcata mana yachajpica chaica mancharinami.

Hechos 15:11

Ñucanchijtaca Mandaj Jesusca mana c'uyaipaj cajpipish crijllapimi quishpichirca. Paicunatapish chashnallataj crijllapimi quishpichin– nircami.

Romanos 10:3

Paicuna munashca shinapi justificashca cashun nishpami, Dios justificashca canataca mana yachashun nircacuna. Chashnami Dios justificashca canataca mana cazurcacuna.

Romanos 5:2

Paita crishcamantami, mana c'uyaipajta c'uyashcata chasquishcanchij. Chaipimi sinchicuna canchij. Chaimantami Diospaj sumaj cashcata chasquina yuyailla cushicucunchij.

Romanos 8:28

Diosta c'uyajcunapajca tucui ima llaquicunaca, paicunapaj allipajllataj shamuj cashcatami yachanchij. Chaicunaca, Dios imapaj cayashca shina cajcunapajllami.

Romanos 8:30

Chai ch'icanchishcacunatami cayarca. Chai cayashcacunataca justificarcami, justificashcacunataca jatunyachircapishmi.

1 Corintios 4:15

Cancunaca, Cristomanta chunga huaranga yachachijcunata charishpapish, mana tauca yayacunataca charinguichijchu. Alli huillaita ñuca huillacujpi cancuna Cristo Jesuspi crishcamantaca, ñucallami cancunapaj yaya cani.

2 Corintios 11:4

Ñucanchij huillashca q'uipa, maijanpish Jesusmanta shujtaj shina huillaj shamujtaca sumajta uyanguichijllami. Espirituta chasquishca jahuamari, shujtaj espirituta chasquinguichij. Alli huillaita uyashca jahuamari, shujtaj shina huillashcatapish sumajta uyanguichij.

2 Corintios 2:17

Ñucanchijca, mana shujtaj achcacuna shina imata japingaraiculla chagrushpa Diospaj Shimita huillajcunachu canchij. Ashtahuanpish Dios cachashca cashpami mana nij tucushpalla Cristohuanca Diospaj ñaupajpi huillacunchij.

Gálatas 1:11

Ashtahuanpish huauquicuna, cancunamanca caitami yachaj chayachini. Ñuca huillashca alli huillaica, mana runacunapaj yuyaimantachu.

Gálatas 1:15

Ashtahuanpish mamapaj huijsapi cajpirajmi, Diosca pai munashcamanta ch'icanchirca. Paipaj mana c'uyaipajta c'uyaihuanmi ñucataca cayarca.

Gálatas 1:7

Shujtaj alli huillaica mana tiyanchu. Ashtahuanpish maijancunaca, Cristopaj alli huillaitami shujtajyachishpa pandachisha nicuncuna.

Gálatas 2:14

Ashtahuanpish mana llulla alli huillai nishca shinataj mana catijta ricushpami, tucuicunapaj ñaupajpi Pedrotaca: “Canca judío cashca jahuachu, mana judiocuna shina causangui. ¿Ima nishpataj mana judiocunataca, judío tucuchun ningui?” nircanimi.

Gálatas 2:2

Chaimanca, Dios ricuchijpimi huichiyarcani. Ñuca huillashca ama yanga cachunmi, mana judiocunaman huillacushcataca, alli nishcacunallaman huillarcani.

Gálatas 2:5

Mana llulla alli huillaipi caticushcata cancuna ama pandarichunmi, paicuna yachachichunca ashallatapish manataj saquircanchij.

Gálatas 2:7

Chaipaj randica, circuncisionta rurashcacunaman alli huillaita huillachun Pedroman mingashca shinallataj, ñucatapish circuncisionta mana rurashcacunaman huillachun mingashca cashcatami yuyarcacuna.

Gálatas 5:14

Tucui Mandashcami: “Quiquin c'uyarij shinallataj shujtajcunatapish c'uyangui” nishca shimipi pajtan.

Gálatas 5:4

Mandashcata rurashcamanta justificashca tucusha nijcunaca Cristomanta anchurishpami, mana c'uyaipajta c'uyashca canamanta anchurishcanguichij.

2 Tesalonicenses 2:14

Chashna cashcamantami ñucanchij huillashca alli huillaita crijpica, ñucanchijta Mandaj Jesucristo shina sumaj tucuchun Taita Diosca cancunataca agllarca.

1 Timoteo 1:14

Ñucanchij Jatun Diosca paipaj mana c'uyaipajta c'uyaj canata, crinata, c'uyaitapishmi, Cristo Jesushuan shujlla tucujpi ñucapica yallijta tallirca.

1 Timoteo 1:3

Macedoniaman sarun rishpa, canta Efesopi saquiripai nishca shina, cunanpish chaillapitaj saquiripangui. Chaipi saquirishpaca, shujtaj shina yachachinataca ama yachachichijchu nishpa mandangui.

2 Timoteo 1:9

Diosmi ñucanchijta jucha illaj cachun cayashpa quishpichirca. Mana ñucanchij imata rurashcamantachu chashna rurarca. Ashtahuanpish pai munashca shinami mana c'uyaipajta c'uyashpa Cristo Jesushuan shujllata rurashpa chashna rurarca. Chaitaca huiñai, huiñaimantami Diosca chashna rurasha nishca.

2 Timoteo 2:1

Ñuca huahua Timoteo, Cristo Jesushuan shujlla cashcamanta mana c'uyaipajta c'uyaj canahuan sinchiyai.

1 Pedro 1:15

Ashtahuanpish cancunata agllajca, ima jucha illajllami. Shinallataj cancunapish tucui causaipi ima jucha illajlla caichij.

2 Pedro 1:3

Diosca jatun mancharinacunata ruraj cashpami, ñucanchijta agllashpa alli sumaj Jesucristota rijsichishpaca, pai tucuita rurai tucuj cashcahuan ñucanchij causaipaj tucui ima illashcata pai yuyailla alli causanatapish cushca.

Apocalipsis 22:21

Ñucanchijta Mandaj Jesucristopaj mana c'uyaipajta c'uyaj canaca tucui cancunahuan cashca cachun. Chashna cachun.