Gálatas 1:4 - Dios Rimashca Shimicunami

⁴ Ñucanchij Dios Yayapaj munaita rurashpami, cai millai pachamanta llujshichingapaj ñucanchij juchacunamanta paillataj curirca.

Mushuj Testamento Diospaj Shimi

⁴ Apunchij Jesucristoca, Taita Diospaj munaita rurashpami, ñucanchij juchacunamanta paipaj quiquin causaita curca. Paica, cai millai pachamanta ñucanchijta quishpichingapajmi, chashnaca huañurca.

Gálatas 1:4 Iomraidhean Croise

SALMOS 40:8

Ñuca Dioslla, ñuca cushicunaca quiquinpaj munaita ruranami. Quiquin mandashcaca ñuca shungu ucupimari” nircanimi.

ISAÍAS 65:17

Riquichij, ñucaca mushuj jahua pachata, mushuj cai pachatami ruragrini. Ñaupaman imapish tucushcataca mana yuyaringacunachu. Pipaj yuyaimanpish chaicunaca ña mana shamungachu.

Mateo 13:22

Cashalla allpapi tarpushca shinaca, Diospaj Shimita huillashcata uyashpapish cai pachapi ima shinalla rurajcuna rurashca shina charijyana yuyaicunahuan umarishpami, huillashca Shimitaca chai yuyaicuna tapajpi, paicunapaj causaipica imata mana granon.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Mateo 26:28

caica achcacunapaj juchacunata perdonangapaj mushuj ruranata callarichishcata ricuchij ñuca jichana yahuarmi.

Mateo 26:42

Cutin rishpaca: “Ñuca Yayitu, ima shinamanta jayaj ubyana shina cai llaquita ñuca apanallataj cajpica, cambaj munaita rurapai” nishpami, caihuanca ishqui cutin Diosta mañarca.

Mateo 6:9

Chaimanta cancunaca cashna mañanguichij: “Jahua pachapi caj ñucanchij Yaya, cambaj jucha illaj shutitaca, alli nishca cachun.

Marcos 10:45

Runa Aichayujca servishca cangapajca, mana shamurcachu, ashtahuanpish servingapaj. Paipaj causaita cushpa tucuicunata randishpa cacharichingapajmi shamurca– nircami.

Lucas 22:19

Tandata japishpapish Taita Diosta pagui nishpa, chaupishpa yachacujcunaman cushpaca: –Caica, cancunamanta llaquichishca cana ñuca cuerpomi. Chaimanta caitaca, ñucata yuyarishpa ruracunguichijlla– nircami.

Lucas 22:42

Chaipica: –Ñuca Yayitu, ima shinamanta cai jayajta ubyana shina llaquita mana apana cajpica, ñucamanta anchuchipai. Ñuca chashna nijpipish ama ñuca munashcata rurapaichu, ashtahuanpish can munashca shina rurapai– nircami.

Juan 10:11

Ñucaca alli michijmi cani. Alli michij cashcamanta ñuca ovejacunamantaca huañushami.

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Juan 5:30

Ñucaca ñuca yuyaillamantaca imata mana rurai tucunichu. Alli cashcata, mana alli cashcata ima shina ricuchinataca ñuca Yaya ricuchichun mandashca shinami ricuchini. Chaimanta alli cashcata mana alli cashcata ñuca ricuchishcaca mana pandachu. Ñuca munaita ruranataca mana mashcanichu. Ashtahuanpish ñucata cachaj Yayapaj munaitami rurani.

Juan 6:38

Ñucaca jahua pachamantaca, mana ñuca munaita rurangapaj shamurcanichu. Ashtahuanpish ñucata cachaj Yayapaj munaita rurangapajmi shamurcani.

Romanos 1:7

Romapi tucui cajcuna, Dios c'uyashpa jucha illaj cachun cayashcacuna: Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninimi.

Romanos 12:2

Cai pachapaj cajcuna shina rurashpa ama cushicuichijchu. Ashtahuanpish cancunapaj yuyaita mushujyachirashpa, shujtaj causaita causaichij. Chashna cashpami Diospaj munai ima cashcata, ima mana paipaj munai cashcata, ima shina cashcatataj alli agllai tucunguichij.

Romanos 4:25

Paitaca ñucanchij juchacunamantami curca. Ñucanchijta justificangapajmi causachirca.

Romanos 8:27

Ashtahuanpish shungucuna yuyashcata callarishpa ricuj Diosca, paipaj Espíritu imata yuyacushcataca yachanmi. Espiritumi, Dios munashca shina jucha illajcunamantaca mañaracun.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

Romanos 8:32

Diosca paipaj quiquin Churitapish mana mitsashpami, tucui ñucanchijmanta curca. ¿Manachu chashnallataj tucui imatapish paillahuantaj ñucanchijman cunga?

1 Corintios 15:3

Ima shina chasquishca shinallatajmi, cancunamanca chaitaraj yachachircani: Cristoca, Quillcachishcacunapi nishca shinallataj ñucanchij juchacunamantami huañurca.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

Gálatas 2:20

Ñucaca, Cristohuan shuj shinalla chacatashcami cani. Ña mana ñucachu causani, ashtahuanpish Cristomi ñucapica causan. Cunan aichahuan causacushpapish Diospaj Churita crishpami causani. Paimi ñucata c'uyashpa, paillataj curishpa ñucamanta huañurca.

Gálatas 6:14

Chaipica ñucaca mana jatunyarinichu. Ashtahuanpish ñucanchijta Mandaj Jesucristopaj cruzpimi jatunyarini. Ñucapajca paimantaca cai pachaca, cruzpimi huañurca. Ñucapish cai pachapajca, huañushcami cani.

Efesios 1:11

Ñaupaman agllashca cashcamantami, Cristomantaca japina cashcata charircanchij. Tucui imatapish rurajca, pai munashpa yuyarishca shinallatajmi pajtachicun.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

Efesios 5:16

Mana alli punllacunapi cashcamanta, allita rurana tiyajpica, allita ruraichij.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

Efesios 6:12

Ñucanchijca yahuaryuj, aichayujhuanca mana macanacucunchijchu. Ashtahuanpish jahua huairapi purishpa mandacuj millai supaicunahuanmi macanacucunchij. Chaicunami cai pacha amsapaj cajcunata mandashpa mana allita rurachicun.

Filipenses 4:20

Chaimanta Dios ñucanchij Yayataca, huiñai huiñaita jatunyachishca cachun. Chashna cachun.

1 Tesalonicenses 1:3

Cancunaca crishcamantami allicunata rurashpa, c'uyaihuan trabajashpa, ñucanchijta Mandaj Jesucristopi shunguta churashpa paita shuyacunguichij. Chaimantami cancunata yuyarishpaca, ñucanchij Yaya Diosta mañanataca mana shaicunchij.

1 Tesalonicenses 3:11

Ashtahuanpish ñucanchij Yaya Diosllataj, ñucanchijta Mandaj Jesucristollataj cancunapajman ñucanchij rinata allichichunmi mañacunchij.

1 Tesalonicenses 3:13

Ñucanchijta Mandaj Jesucristo paipaj tucui jucha illajcunandij shamuipica, ñucanchij Dios Yayapaj ñaupajpi mana juchachipaj, jucha illaj canapi cancunapaj shunguta paillataj sinchiyachichunmi mañacunchij.

2 Tesalonicenses 2:16

Jesucristo ñucanchijta Mandaj, Taita Dios ñucanchij Yayami mana c'uyaipajta c'uyashpa, ñucanchijmanca huiñaita cushicunata, pai yuyailla canatapish curca.

1 Timoteo 2:6

Paillataj curishpami, tucuicunata randishpa cacharichirca. Chaitaca Taita Dios rurasha nishca punlla pajtajpimi ricuchirca.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Hebreos 2:5

Ñucanchij parlacushca mushuj pachata q'uipa punllapi mandachunca, Diosca mana angelcunamanchu curca.

Hebreos 6:5

Diospaj sumaj Shimitapish shamuj punllapi Diosca tucuita rurai tucushcahuan imallata rurana cashcatapish yacharcacunami.

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.

1 Juan 2:2

Paica ñucanchij juchacunamanta huañushpa Dioshuan alli tucunacuchijmi. Mana ñucanchij juchacunallamantachu, ashtahuanpish tucui cai pachapi causajcunapaj juchacunamantapishmi huañurca.

1 Juan 3:16

Ñucanchijmanta Cristo paipaj causaita cujpimi, c'uyai ima cashcataca rijsircanchij. Chai shinallatajmi huauquicunamantaca, ñucanchijpish causaita cuna canchij.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.

Apocalipsis 7:9

Chaita ricushca q'uipaca, pi mana yupaipaj yallitaj achcacunatami ricurcani. Paicunaca tucui llajtacunamanta, ch'ican ch'ican aillucunamanta, ch'ican ch'ican pueblocunamanta, ch'ican ch'ican rimaicunamantami jatun tiyarinapi tiyacujpaj ñaupajpi, Ovejapaj ñaupajpipish shayacurcacuna. Paicunaca yuraj churanacunata churashca, maquicunapipish ramacunata aisashcami carca.