Gálatas 1:10 - Dios Rimashca Shimicunami

¹⁰ Chashna nishpaca ¿runacuna alli nishcata, mana cashpaca Dios alli nishca canatachu mashcacuni? Mana cashpaca ¿runacunatachu cushichisha nicuni? Runacunallata cushichicushpaca, mana Cristopajta rurajchu caiman.

Mushuj Testamento Diospaj Shimi

¹⁰ ¿Cunanca, runacuna alli nichun nishpa, mana cashpaca Dios alli nichun mashcashpa chashna nicushcatachu yuyanguichij? ¿Shujtajcuna alli nichun nishpallachu chashnaca nicuni imashi? Shujtajcunapi alli ricurinallata mashcacushpaca, mana Cristota servicuimanchu.

Gálatas 1:10 Iomraidhean Croise

Mateo 22:16

paicunapaj yachacujcunataca, Herodespura caj maijancunandij cashna nichun cacharcacuna: –Yachachij, canca imatapish ima shina cashcatataj yachachijmi cangui. Diosta ima shina cazunatapish chaitataj yachachijmi cangui. Pita mana manchashpa paicunapi alli ricuringa raicullaca mana yachachijchu cangui.

Mateo 28:14

Mandaj Pilato caita yachajpica, cancunata ama imata nichun, ñucanchij paihuan rimashunllami” nircacunami.

Mateo 6:24

Ishqui amopajtaca pi mana rurai tucunchu. Shujtaca p'iñanmanmi, caishujtaca c'uyanmanmi. Shujtaca alli ninmanmi, caishujtaca yanganchinmanmi. Taita Diostapish, charinacunatapish ishquipajtaca mana rurai tucunchu.

Hechos 12:20

Herodesca Tiropi, Sidonpi causajcunahuanmi p'iñarirca. Chashna p'iñarishpami chai llajtapi causajcunamanca Herodesca paicuna imalla randina cashcata ña mana c'aturca. Chaimantami chai pueblopi causajcunaca Herodes churashca mandaj Blastohuan shuj yuyailla tucushpa, sumajlla causanata Herodestaca mañarcacuna.

Hechos 5:29

Chaimi Pedropish, caishuj apostolcunapish cashna nirca: –Runacunata cazunapaj randica, Taita Diostami cazuna canchij.

Romanos 1:1

Jesucristopajta ruraj, apóstol cachun cayashca, Taita Diospaj alli huillaita huillachun ch'icanchishca Pablomi cani.

Romanos 2:29

Ashtahuanpish shungumantataj judiomi, judiotajca, circuncisiontapish shungupimi rurachishca. Chaitaca Espiritumi ruran, mana quillcashca Mandashcachu ruran. Chashna cajtaca mana runacunachu alli nin, ashtahuanpish Taita Diosmi alli nin.

Romanos 2:8

Ashtahuanpish mana llullata mana cazushpa c'ariyajcunata, millaita ruranallata cazujcunataca Taita Diosca jatunta p'iñarishpami llaquichinga.

1 Corintios 10:33

Ñucapish chashnallatajmi tucui imapipish tucuicunata cushichini. Achcacuna quishpirishca cachunmi, mana ñucapajlla mashcashpa, ashtahuanpish paicunapaj allipaj mashcani.

2 Corintios 12:19

¿Cancunaca ñucanchijta ama imata nichunmi chashna nicun yuyanguichijchu? Yallitaj c'uyashcacuna, Dios ricucunpimi Cristomanta cancuna sinchiyachun chashna rimanchij.

Efesios 6:6

Amopi ricuringa raiculla rurajcuna shina, pai ricucujllapi ama ruraichijchu. Ashtahuanpish Cristopajta ruracujcuna shina, Diospaj munaita shungumanta ruraichij.

Filipenses 1:1

Pablopish, Timoteopish Jesucristopajta rurajcunami canchij. Filipospi caj obispocunahuan, diaconocunahuan Cristo Jesushuan shujlla caj tucui jucha illajcunahuanca:

Colosenses 3:22

Amopajta rurajcuna cai pacha cancunapaj amocunata tucuipi cazuichij. Ama paicuna ricucujllapi, alli ricuringaraiculla alli ruraj tucuichijchu. Ashtahuanpish Diosta manchashpa, tucui shunguhuan alli ruraichij.

1 Tesalonicenses 2:4

Ashtahuanpish Taita Diosmari ñucanchijtaca, ima shina cajta ricushpa alli huillaita huillachun churarca. Chaimantami runacunataca mana cushichishun ninchij, ñucanchij shunguta yachaj Taita Diosllatami cushichishun ninchij.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.

1 Juan 3:9

Maijanpish Diosmanta huacharishca cajca, Diospaj mushuj causaita charishcamanta juchallishpallaca mana causai tucunchu. Diosmanta huacharishcataj cashcamantami juchallishpallaca mana causai tucun.

1 SAMUEL 21:7

Chai punllaca Saulpajta rurajcunamanta shujmi, Mandaj Diospajta rurashpa mana ri tucushca carca. Paica Saulpaj ovejacunata michijcunata mandaj, Edommanta caj Doeg shutimi carca.