Filemón 1:9 - Dios Rimashca Shimicunami

⁹ mana mandashpa c'uyaimanta roganilla. Ñucaca, ña yuyaj Pablomi cani. Cunancarin Jesucristomanta prezupishmi cani.

Mushuj Testamento Diospaj Shimi

⁹ cantaca cʼuyashpa yuyachinilla. Ñucaca, ña yuyaj Pablomi cani. Cunancarin Jesucristota huillacushcamanta, preźupishmari tiyacuni.

Filemón 1:9 Iomraidhean Croise

SALMOS 71:18

Taita Dios, ñuca ña yuyaj cajpipish ama shitahuaichu. Yuraj uma cajpipish, ama saquihuaichu. Quiquin tucuita rurai tucuj cashcata, q'uipa huiñaicunaman huillangacama ama saquihuaichu. Quiquin jatun cashcataca, q'uipa huahua huahuacunaman huillangacama ama saquihuaichu.

SALMOS 71:9

Ñuca ña yuyaj cajpipish ama shitangui. Fuerza illaj tucujpipish ama ñucallata saquingui.

PROVERBIOS 16:31

Cashcata rurajcunaca, yuyajcamami causancuna. Chashna yuyajcama causanaca, sumaj coronata churarishca shinami.

ISAÍAS 46:4

Cancuna yuyajyangacamapish ñucallatajmi cuidasha. Cancuna puzujlla uma tucungacamapish ñucallatajmi charirasha. Cancunata ruraj ñucallatajmi cancunataca pushasha. Cancunataca ñucami charirasha. Cancunataca ñucami huaquichisha.

Romanos 12:1

Chaimanta huauquicuna, Dios llaquishcamantami cashna rogani. Cancunapaj cuerpocunataca, ima jucha illajllata, causaj sacrificiota Diosman cuichij. Chashna cashpami Dios munashca shina paita yuyarijcunataj canguichij.

2 Corintios 5:20

Chaimanta ñucanchijca, Cristopaj shutipi huillajcunami canchij. Diosllataj ñucahuan alli tucupaichij nicuj shinami ñucanchijta huillachijpi, Cristopaj shutipi: “Dioshuan alli tucupaichij” nicunchij.

2 Corintios 6:1

Ñucanchijca Diospajta paillahuantaj rurajcuna cashpami, Dios mana c'uyaipajta c'uyashcataca, ama yanga chasquishca caichijchu nishpa cunanchij.

Gálatas 3:26

Cristo Jesuspi crishcamantaca, tucuicunami Diospaj huahuacuna canguichij.

Efesios 3:1

Ñucaca Cristo Jesusmanta mana judiocunapaj allipaj huillacushcamanta prezupi caj Pablomi cani.

Efesios 4:1

Ñucaca, Mandaj Jesuspi shujlla cashcamantami prezupi cani. Cancunataca Dios imapaj cayashca shinataj alli purichunmi cashna rogani:

Efesios 6:20

Paipaj randi huillachun cachashcamantami cadenacunapi huatashca cani. Paimanta ima shina rimana cashcataca, mana manchashpa rimangapaj mañaichij.

1 Timoteo 1:12

Ñucanchijta Mandaj Cristo Jesustaca, ñucata sinchiyachishpa, alli crij cashcata ricushpa paipajta rurachun churashcamantami pagui nini.

Tito 2:2

Yuyaj c'aricunataca, alli yuyaiyuj, mana pugllarij, yuyaisapa, tucui shunguhuan crij, c'uyaj, mana p'iñarijcuna cachun yachachingui.

Hebreos 13:19

Ñucaca cancunahuan cangapaj utca tigranata Diosta mañachunmi ashtahuanca rogani.

1 Pedro 2:11

C'uyashcacuna cancunataca shujtaj llajtamanta pasacujllacuna shina causachunmi cai pachapica ñucaca rogani. Cancunapaj almahuan macanacucuj aicha munaicunataca ama ruraichijchu.

JUECES 21:22

Chaimanta paicunapaj yayacuna cashpa, turicuna cashpa ñucanchijman imata ninaman shamujpica, ñucanchijca cashnami nishun: Cancunapaj ushushicunahuan cazarachun saquipaichijlla. Ñucanchijmi macanacuimantaca mana tucuicunapaj pajtata huarmicunata apamurcanchij. Cancunapaj ushushicunata mana cancunataj cushcamantaca, ima juchachina illajllami canguichij nishunmi” nircacunami.