Filemón 1:5 - Dios Rimashca Shimicunami

⁵ Cantaca Mandaj Jesusta alli crij cashcata, jucha illaj tucuicunatapish alli c'uyaj cashcatami uyani.

Mushuj Testamento Diospaj Shimi

⁵ Apunchij Jesusta alli crij, alli cʼuyaj, tucui Diospajlla cajcunatapish alli cʼuyaj cashcatami uyani.

Filemón 1:5 Iomraidhean Croise

SALMOS 16:3

Cai allpapi caj dioscunaca imatapish rurai tucunmi nincunami. Ñucaca cashcata rurajcunahuan cashpami cushicuni.

Hechos 20:21

Judiocunaman, mana judiocunamanpish mana allita ruracushcata saquishpa cutirichij, ñucanchijta Mandaj Jesucristota crichij nishpami huillacurcani.

Romanos 12:13

Jucha illajcuna ima illajlla cajpica cuichij, huasipipish pozachij caichij.

1 Corintios 16:1

Jucha illajcunaman ofrendata cachangapajca, Galaciapi tandanacushca crijcunata ñuca mandashca shinallataj cancunapish ruraichij.

Gálatas 5:6

Cristo Jesushuan shujlla tucushca cajpica, circuncisionta rurachishca cashpapish, mana rurachishca cashpapish ima mana canchu. Ashtahuanpish crishcamanta c'uyaihuan ruranami alli.

Efesios 1:15

Mandaj Jesusta crishcamanta cancunaca, jucha illaj tucuicunata c'uyacun nijta uyashpami ñucapish,

Colosenses 1:4

Cancuna Cristo Jesusta crishcatapish, tucui jucha illajcunata c'uyacun nijtapish uyarcanchijmi.

1 Tesalonicenses 3:6

Ashtahuanpish Timoteo tigramushpaca, cancuna crishpa, c'uyaihuan caticujtaca alli cashcatami huillarca. Ñucanchijtaca c'uyaihuan yuyarishpami ricunachicushcanguichij. Ñucanchijpish cancuna shinallatajmi ricunaihuan canchij.

Filemón 1:7

Huauqui, canca c'uyaj cashcamantami jucha illajcunapaj shungutaca achcata cushichishcangui. Chaita yachashpami ñucanchijpish achcata cushicushpa imatapish ashtahuan rurashun ninchij.

1 Juan 3:23

Diosca: Paipaj Churi Jesucristopi crichun, ñucanchijpish pai mandashca shina caishuj chaishuj c'uyanacuchunmi mandarca.