Filemón 1:22 - Dios Rimashca Shimicunami

²² Ñuca samarinatapish allichipai. Cancuna Diosta mañacushcamantaca, cancunapajman cachana cashcatami shuyacuni.

Mushuj Testamento Diospaj Shimi

²² Ñuca maipi samaripaj poźadatapish allichicupai. Cancuna Diosta mañacushcamanta, Pai uyashpa ñucata cancunapajman cachachunmi shuyacuni.

Filemón 1:22 Iomraidhean Croise

Hechos 27:24

Chai angelmi ñucataca: “Pablo, ama manchaichu. Canca Cesarpajman chayanatajmi cangui. Canmantaca tucui canhuan rijcunatami Taita Diosca, huañuimanta quishpichisha ninmi” nirca.

Hechos 28:23

Shujtaj punlla tandanacungapaj nishpa yuyarinacushca punllapi shamushpaca, pai pozacun huasimanmi achcacuna shamurcacuna. Chaipimi Pabloca tutamantamanta chishicama Dios mandacunta paicunamanca alli huillarca. Moisés Mandashcatapish, profetacuna huillashcatapish entendinallatami paicunamanca huillarca. Chaitaca paicunapish Jesusta crichunmi chashna huillarca.

Romanos 15:24

Españaman ricushpami cancunata ricushpandij pasana yuyailla cani. Cancunahuan tandanacushpa cushicushca q'uipa ñucata ayudashpa cachajpica, chaimanta rishallami.

2 Corintios 1:11

Cunanpish ñucanchijmanta Diosta mañapanguichij ninchijmi. Achcacuna mañashcamanta, Dios ñucanchijman rurai tucunata cushcamantaca, achcacunallatajmi Diostaca pagui ningacuna.

Filipenses 1:19

Cancuna Diosta mañashcamanta, Jesucristopaj Espíritu ayudashcamanta alli cana cashcataca yachanimi.

Filipenses 2:24

Ñucapish cancunapajman utca rinatami Mandaj Jesuspi shunguta churashpa shuyacuni.

Hebreos 13:19

Ñucaca cancunahuan cangapaj utca tigranata Diosta mañachunmi ashtahuanca rogani.

Hebreos 13:23

Ñucanchij huauqui Timoteota, prezumanta cacharishca cashcata yachachunmi munani. Pai utca shamujpica paihuanmi cancunata ricunamanca shamusha.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.

2 Juan 1:12

Achca quillcanacunatami cancunapajca charini. Papelpi, tintallahuanca mana quillcasha ninichu. Ashtahuanpish cushicuna shinataj cancunapish ñucanchijpish ñahui ñahui parlanacushpa cushicungapajmi, cancunapajman rinata shuyacuni.

3 Juan 1:14

Chaipaj randica, ñahui ñahui parlanacungapajmi, utca ricunata shuyacuni.