Filemón 1:20 - Dios Rimashca Shimicunami

²⁰ Ari huauquicu, Mandaj Jesusta crij cashcamanta ñuca nishca allita rurapai. Chashna rurashpaca Mandaj Jesuspaj cashcamanta ñuca shunguta cushichipai.

Mushuj Testamento Diospaj Shimi

²⁰ Chaimanta huauquicu, Apunchij Jesusta crij cashcamanta ñuca nishca allita rurapai. Apunchij Jesuspaj cashcamanta chashna rurashpa, ñucata cushichiari.

Filemón 1:20 Iomraidhean Croise

1 Corintios 16:18

Paicunami ñuca espirituta, cancunapaj espiritutapish cushichircacuna. Chashnacunamanca, paicuna japina cashcataca cupanguichij.

2 Corintios 2:2

Cancunahuan ñuca llaquirinacujpica, ¿pitaj ñucataca cushichingari? Ñucahuan llaquirinacushcacunallatajmari ñucataca cushichingacuna.

2 Corintios 7:13

Chaimanta cancuna cushicushcata yachashpami cushicurcanchij. Ashtahuanca Tito cushicushcamantami ashtahuan cushicurcanchij. Tucui cancunamari, paipaj shungutaca cushichishcanguichij.

Filipenses 1:8

Jesucristopaj c'uyaihuan ñuca tucui shunguhuan, tucui cancunata ñuca ima shina c'uyacushcataca, Diosca ricucunmi.

Filipenses 4:1

Chaimanta ñuca c'uyashca, ñuca munashca huauquicunalla. Ñuca cushicuna coronami canguichij. C'uyashcacuna, Mandaj Jesuspi sinchicuna caichij.

Filemón 1:12

Cambajmanmi cutin tigrachishpa cachani. Canca ñucata chasquij shinallataj chasquipai.

Filemón 1:7

Huauqui, canca c'uyaj cashcamantami jucha illajcunapaj shungutaca achcata cushichishcangui. Chaita yachashpami ñucanchijpish achcata cushicushpa imatapish ashtahuan rurashun ninchij.

Hebreos 13:17

Cancunata michijcunata cazuichij. Paicuna mandashcatapish uyaichij. Diosman imalla rurashcata ricuchina cashcamantami, paicunaca cancunapaj almataca ricuracun. Imalla rurana cashcata cushicuihuan ama llaquirishpa rurachunmi chashna cazuna canguichij. Paicuna llaquirishca rurajpica ima allita mana japinguichijchu.

1 Juan 3:17

Ashtahuanpish cai pachapaj charinacunata charishpapish, maijan huauqui ima illajlla cajta ricushpapish, paipaj shungupi mitsashpa mana cujca, Diospaj c'uyaitaca mana charinchu.

3 Juan 1:4

Ñuca huahuacuna mana llullapi nishca shina puricun nijta uyashpami, tucuimanta yalli jatunta cushicuni.