Filemón 1:17 - Dios Rimashca Shimicunami

¹⁷ Chaimanta can shinallataj ñucapish cashcata yuyashpaca, ñucata chasquij shinallataj paitaca chasquipai.

Mushuj Testamento Diospaj Shimi

¹⁷ Ñucatapish canpurallataj cashcata yuyashpaca, ñucata chasquij shinallataj paitaca chasquipai.

Filemón 1:17 Iomraidhean Croise

Mateo 10:40

Maijanpish cancunata chasquishpaca, ñucatami chasquin. Ñucata chasquijca, ñucata cachajtami chasquin.

Mateo 18:5

Maijanpish cai huahua shina caj ñuca Shutipi shamujta chasquijca, ñucatami chasquin nircami.

Mateo 25:40

Chaipica jatun Mandajpish: “Tucuimanta yalli uchilla ñuca huauquicunapaj ima allita rurashpaca, ñucapajmari rurarcanguichij” ningami. Chashnatajmi canga.

Hechos 16:15

Chaimi paipaj tucui familiandij bautizarishpa ñucanchijtaca: –Cancuna ñucata ña Mandaj Jesusta crijtaj cashcata ricushpaca, jacuchij ñuca huasipi pozanguichij– nishpaca saquichircatajmi.

2 Corintios 8:23

Titoca ñucahuan purij cashcamanta, cancunapaj allicunata rurajmi. Caishuj huauquicunaca Cristota jatunyachingapaj tandanacushca crijcuna cachashca huillajcunami.

Efesios 3:6

Chaica cashnami: Alli huillaimantaca mana judiocunaca, judiocunahuan herenciata japijcuna, ishquindijtaj chai cuerpopajlla miembrocuna, Cristo Jesusmanta Dios cusha nishcatapish paicunahuan japijcuna canami.

Filipenses 1:7

Tucui cancunamanta ñuca chashna yuyanaca allitajmari. Prezupi ñuca cashpa, alli huillaimanta shayarishpa chashnataj cashcata huillacushpaca, cancuna rurashcatami shungupi yuyarini. Tucui cancunapish mana c'uyaipajta c'uyaipimi ñucahuan canguichij.

1 Timoteo 6:2

Crij amota charijcunaca, huauquillami nishpa ama mana cazuchun. Ashtahuanpish alli servichun. Paicunaca alli rurashcata chasquijcuna, c'uyashca crij huauquicunami. Chaita yachachi, yuyachishpa rimai.

Filemón 1:10

Ñuca huahua Onesimomantami rogani. Paica prezupi ñuca cajpimi, Jesucristota crishpa ñuca huahua tucurca.

Filemón 1:12

Cambajmanmi cutin tigrachishpa cachani. Canca ñucata chasquij shinallataj chasquipai.

Filemón 1:18

Pai ima mana allita rurashca cajpi, mana cashpaca debeshca cajpica, ñucami pagasha.

Hebreos 3:1

Chaimanta jucha illaj huauquicuna, paipajlla cachun Dios cayashcacunami canguichij. Cristo Jesustaca apóstol, curacunata jatun pushaj, ñucanchij crishpa catina cashcata yuyaichij.

Hebreos 3:14

Cristohuan japijcunata rurashcacunami canchij. Chaimanta callaripi shunguta churashpa sinchi, caticushcataca tucuringacama caticunallami canchij.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.

1 Pedro 5:1

Cancunapaj ancianocunatami yuyachisha nini. Ñucapish paicuna shinallataj ancianomi cani. Cristo llaquita apashcata ricushcata huillajmi cani. Ñucapish shamuj punlla sumaj ricurinapica, tucui cancunahuanmi alli sumaj ricurisha:

1 Juan 1:3

Cancunapish ñucanchijhuan shujlla cachunmi, imata ricushcata, uyashcataca chaitataj huillacunchij. Ñucanchijca Yayahuan, paipaj Churi Jesucristohuanmi shujlla canchij.