Filemón 1:16 - Dios Rimashca Shimicunami

¹⁶ Cunanca ña mana cambajta ruraj shinallachu. Ashtahuanpish cambajta rurajtapish yalli c'uyashca huauquimari. Ashtahuantajca ñucapajmi chashna cambajcarin cambajta ruraj cashcamantapish, Mandaj Jesusta crij cashcamantapish ashtahuan allimari.

Mushuj Testamento Diospaj Shimi

¹⁶ Paica cunanca, ña mana cambaj randishca runallachu, ashtahuanpish cambaj cʼuyashca, quiquin huauquimari. Chaimanta, ña mana randishca shinallachu charina cangui. Ñucapish achcatami paitaca cʼuyani. Cancarin ñucata yallimari cʼuyana cangui. Ña ama cambaj randishca runata shinalla cʼuyaichu. Apunchij Jesusta crij huauqui cashcamantaca, ashtahuanmari cʼuyana cangui.

Filemón 1:16 Iomraidhean Croise

Mateo 23:8

Ashtahuanpish cancunaca: “Yachachij” nichunca, ama munanguichij. Cancunata Yachachijca shujllami tiyan, paica Cristomi. Cancunaca tucuicunami huauquindijcuna canguichij.

Hechos 9:17

Ananiasca Saulo shuyacun huasiman rishpa yaicushpa Saulopaj jahuapi maquita churashpaca: –Huauqui Saulo, can caiman shamucujpi ricurij Mandaj Jesusmi can cutin ricuchun, Taita Diospaj Espirituta chasquichunpish ñucataca cacharca– nircami.

1 Corintios 7:22

Maijanpajta ruraj cajpi Mandaj Jesús cayashca cajpica, Mandaj Jesús cacharichishcami tucun. Chashnallataj maijanpajta mana ruraj cajpi cayashca cashpaca, Cristopajta rurajmi tucun.

Colosenses 3:22

Amopajta rurajcuna cai pacha cancunapaj amocunata tucuipi cazuichij. Ama paicuna ricucujllapi, alli ricuringaraiculla alli ruraj tucuichijchu. Ashtahuanpish Diosta manchashpa, tucui shunguhuan alli ruraichij.

1 Timoteo 6:2

Crij amota charijcunaca, huauquillami nishpa ama mana cazuchun. Ashtahuanpish alli servichun. Paicunaca alli rurashcata chasquijcuna, c'uyashca crij huauquicunami. Chaita yachachi, yuyachishpa rimai.

Hebreos 3:1

Chaimanta jucha illaj huauquicuna, paipajlla cachun Dios cayashcacunami canguichij. Cristo Jesustaca apóstol, curacunata jatun pushaj, ñucanchij crishpa catina cashcata yuyaichij.

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.