Filemón 1:14 - Dios Rimashca Shimicunami

¹⁴ Ashtahuanpish can manaraj imata nijpica, imata mana rurasha ninichu. Can allita rurasha nishpaca, ama ñuca nishcallamanta, ashtahuanpish cambaj quiquin munaimanta rurangui.

Mushuj Testamento Diospaj Shimi

¹⁴ Shina cajpipish can manaraj imata nijpica, ñuca quiquin munaimantaca, imata mana rurasha ninichu. Can ima allita ñucapaj rurasha nishpaca, ama ñuca mañachun shuyaichu, cambaj yuyaillamantataj rurapailla.

Filemón 1:14 Iomraidhean Croise

1 CRÓNICAS 29:17

Ñuca Dioslla, canca ñucanchij shungupi yuyashcataca callarishpami ricucungui. Alli cajllatami munangui, chaitaca yachanimi. Chaimantami ñuca tucui shunguhuan cunata munashcamanta tucui caicunataca canman curcani. Shinallataj cunan caipi tandanacushca can agllashcacunapish mana llaquishpa, tucui shunguhuan cai tucuita canman cujta ricushpaca cushicunimi.

SALMOS 110:3

Quiquinpaj cajcunaca quiquin mandacui punllapica, paicuna quiquinllatajmi quiquinman curingacuna. Quiquin jucha illaj sumaj cashcapimi curingacuna. Pacari shullahuan cada tutamanta mushujyaj shinami punllanta mushujllataj canguilla.

1 Corintios 9:17

Chaimanta ñuca munaihuantaj rurashpaca, japina cashcatami charisha. Ashtahuanpish mana ñuca munaihuantaj rurashpaca, rurachun nishpa mingashcallatami pajtachini.

1 Corintios 9:7

¿Maijantaj quiquin charishcallahuantaj soldado tucushca? ¿Maijantaj uva chagrata tarpushpaca, p'ucujpi mana micun? ¿Maijan michijtaj paipaj canllamanta lecheta capishpa mana ubyan?

2 Corintios 1:24

Cashna chashna crishpami catina canguichij nishpaca, mana mandanchijchu ashtahuan cushicuchun nishpallami, chashnaca ninchij. Cancunaca crishcamantami sinchicuna canguichij.

2 Corintios 8:12

Maijanpish tucui shunguhuan ima charishcata cujpica, Diosca chasquinllami. Diosca imata mana charishcataca mana mañanchu.

2 Corintios 9:5

Chaimantami cai huauquicunataraj cancunapajman cachana alli yuyachijpi ripaichij nishpa cacharcani. Cancuna ñaupaman cuna tucushcata tandachishpa ayudachun, ña cunallata ruracuchunmi cacharcani. Mana mitsashpa tucui shunguhuan cujpimi, ñucanchij cuchun nishcallamanta cushcaca mana ricuringa.

2 Corintios 9:7

Tucuicuna quiquin shungupi yuyarishca shina cuichij. Ama llaquirishpa, ama cuichij nishcallamanta cuichijchu. Cushicushpa cujtamari, Diosca c'uyan.