Filemón 1:1 - Dios Rimashca Shimicunami

¹ Jesucristomanta prezu caj Pablo, huauqui Timoteondijmi, ñucanchijta ayudaj c'uyashca Filemonman quillcanchij.

Mushuj Testamento Diospaj Shimi

¹ Pablomi, huauqui Timoteondij, ñucanchijhuan huillaj, cʼuyashca can Filemonman quillcanchij. Ñucaca Jesucristota huillacushcamantami caipi preźu tiyacuni.

Filemón 1:1 Iomraidhean Croise

Hechos 16:1

Chai q'uipami Pabloca Silasndij Derbe puebloman, Listra puebloman chayarcacuna. Chaipica Jesusta catij Timoteo shuti runami causarca. Paica, Jesusta catij judía huarmipaj churimi carca. Paipaj yayaca griegomi carca.

1 Corintios 3:9

Ñucanchijca, Diospajta paihuan rurajcunami canchij. Cancunaca Diospaj chagrami canguichij, Dios huasichicun huasipishmi canguichij.

2 Corintios 1:1

Dios munashcamanta Jesucristopaj apóstol Pablomi cani. Huauqui Timoteondijmi, Corintopi caj Diospaj tandanacushca crijcunaman quillcanchij. Acaya llajtapi caj jucha illajcunamaca tucuicunamanmi quillcanchij.

Gálatas 3:26

Cristo Jesuspi crishcamantaca, tucuicunami Diospaj huahuacuna canguichij.

Efesios 3:1

Ñucaca Cristo Jesusmanta mana judiocunapaj allipaj huillacushcamanta prezupi caj Pablomi cani.

Efesios 4:1

Ñucaca, Mandaj Jesuspi shujlla cashcamantami prezupi cani. Cancunataca Dios imapaj cayashca shinataj alli purichunmi cashna rogani:

Efesios 6:20

Paipaj randi huillachun cachashcamantami cadenacunapi huatashca cani. Paimanta ima shina rimana cashcataca, mana manchashpa rimangapaj mañaichij.

Filipenses 1:1

Pablopish, Timoteopish Jesucristopajta rurajcunami canchij. Filipospi caj obispocunahuan, diaconocunahuan Cristo Jesushuan shujlla caj tucui jucha illajcunahuanca:

Filipenses 2:25

Chashna yuyacushpapish Epafroditota cancunapajman ña cachanami, ñucapajca allitaj yuyachirca. Paica ñucata ayudaj, alli huillanapi tandalla macanacuj ñuca huauquimi. Paitami cancunaca ñucapaj ima illashcacunata ayudachun cachashca carcanguichij.

Filipenses 4:3

Shinallatajmi ñucahuan tandalla pajtachij, cantapish rogani. Chai panicunata ayudangui. Paicunaca Clementendij, shujtaj huauquicunandij alli huillaita ñucahuan tandalla macanacuj shina huillajcunami. Paicunapaj shuticunaca, causaipaj libropimi.

Colosenses 1:1

Dios munashcamanta, Jesucristopaj apóstol Pablomi, huauqui Timoteondij quillcanchij.

Colosenses 4:11

Justo nishca Jesús shuti huauquipish, cancunataca alli cashca cachun ninmi. Paicunallami circuncisionta rurachishcapuramantaca, Dios mandacunpi ñucataca ayudacuncuna. Paicunaca ñucata achcata cushichijcunapishmi.

1 Tesalonicenses 3:2

ñucanchij huauqui Timoteota cancunapajman cacharcanchij. Paica Taita Diospajta ruraj, Cristomanta alli huillaipi ñucanchijta ayudajmi. Paimi cancuna crishcapi sinchiyashpa alli catina yuyaita cushpa cunanga.

2 Tesalonicenses 1:1

Pablohuan, Silvanohuan, Timoteohuanmi ñucanchij Dios Yayapi, Mandaj Jesucristopi shujlla tucushca tesalonicapi tandanacushca crijcunaman quillcanchij:

2 Timoteo 1:8

Chaimanta, ñucanchijta Mandaj Jesusmanta huillanatapish, ñucapish paimanta huillacushcamanta prezu cashcata huillanataca ama pingaringui. Ashtahuanpish alli huillaita huillacushcamanta llaquichijpipish Dios llaquita apai tucunata cushcahuanca canpish ñuca shinallataj llaquita apailla.

Filemón 1:23

Cristo Jesusmanta, ñucahuan prezu caj Epafras,

Filemón 1:24

ñucata ayudajcuna Marcos, Aristarco, Demas, Lucaspishmi alli cashca cachun nincuna.

Filemón 1:9

mana mandashpa c'uyaimanta roganilla. Ñucaca, ña yuyaj Pablomi cani. Cunancarin Jesucristomanta prezupishmi cani.