ÉXODO 9:29 - Dios Rimashca Shimicunami

²⁹ Shina nijpi Moisesca: –Cunantaj cai pueblomanta llujshishpa Mandaj Diospajman ñuca maquita chutajpica, culun nicuica pararingallami. Rundupish ña mana ashtahuan urmangachu. Cai pachayujca Mandaj Dios cashcata can yachachunmi chashna ruranga.

ÉXODO 9:29 Iomraidhean Croise

1 REYES 8:22

Chai q'uipaca Salomonca, Mandaj Diospaj altar ñaupajpi, tucui israelcuna tandanacushcacunapaj ñaupajpi shayarishpa paipaj maquicunata jahua pachaman chutashpami,

1 REYES 8:38

maijan runa cashpa, mana cashpaca tucui israelcuna cashpa chai llaquicunahuan cashpa paipaj shungupi llaquirishpa, cai huasiman paicunapaj maquicunata chutashpa mañajpi, rogajpica uyanguimi.

ESDRAS 9:5

Chishi sacrificiota cuna horaspi, ñuca yallitaj llaquilla cashca ashata pararijpimi, ucu churanapish, jahua churanapish lliquillataj cungurishpa ñucata Mandaj Diosman ñuca maquicunata chutashpa,

JOB 11:13

Cambaj shunguta alli allichirishpa, ishqui maquita paiman churangui.

SALMOS 135:6

Mandaj Diosca tucui pai rurasha nishcatami ruran. Jahua pachapipish, cai pachapipish, mama cuchapipish, yacu ucujman cajcunapipish pai rurasha nishcatami ruran.

SALMOS 143:6

Quiquinpajmanmi ñuca maquicunataca chutarcani. Ñuca almaca chaquishca allpa yacunaihuan caj shinami quiquinta shuyacun. Selah

SALMOS 50:12

Ñucaca yaricaihuan cashpapish, mana canta ñucaman carai nimanchu. Cai pachapish, tucui chaipi imalla tiyajcunapish ñucapajmari.

ÉXODO 19:5

Ñuca imalla nishcata uyashpa ñucahuan ari ninacushcata pajtachishpaca, tucui cai pachapi causajcunamanta yalli sumaj huaquichishcacunami canguichij. Tucui cai pachaca ñucapajmi.

ÉXODO 20:11

Mandaj Diosca jahua pachatapish, cai pachatapish, mama cuchatapish, tucui chaicunapi imalla tiyajcunatapish sujta punllacunapimi tucuita rurarca. Canchis punllapica samarircami. Chaimantami Mandaj Diosca chai punllataca paipajlla cachun ch'icanchirca.

ÉXODO 8:22

Chai punllacunapica ñuca agllashcacuna causacun Gosén llajtataca ñucapajllami ch'icanchisha. Chaimanta chai llajtapica nima laya chuspicuna mana yaicungachu. Mandaj Dios ñucataj israelcuna causacunpi cashcata yachachunmi chashna rurasha.

ÉXODO 8:6

Chashna nijpica Aaronca, Egipto llajtapi tiyaj tucui yacucuna jahuata paipaj caspita chutajpica, chai yacucunamantaca sapocuna llujshishpami, tucui Egipto llajtapi jundarirca.

ÉXODO 9:33

Faraonpaj ñaupajmanta Moisés llujshishpa pueblomanta canllaman maquicunata Mandaj Diospajman chutajpica, culun nicushcapish, runducushcapish pararishpami Egipto llajtataca ña mana ashtahuan tamyarca.

ISAÍAS 1:15

Cancunapaj maquicunaca yahuarhuan jundamari. Chashna cashca cashpa ñucaman maquicunata chutajpipish ñuca ñahuitaca shujmanmi churani. Cancuna achcata mañacujpipish, manataj uyanichu.

1 Corintios 10:26

Cai pachapish, chaipi tucui ima tiyajcunapish Jatun Diospajmi.

1 Corintios 10:28

Ashtahuanpish cancunaman maijan: “Caica rurashcalla dioscunaman rupachinapaj cushcami carca” nijpica, ama micunguichijchu. Huillajmantapish, yuyai mapayanamantapish ama micunguichijchu. Cai pachapish, chaipi tucui imalla tiyajcunapish Jatun Diospajmi.

DEUTERONOMIO 10:14

Jahua pachapish, jahua pachamanta ashtahuan jahuaman caj jahua pachapish, cai pachapish chaipi tucui imalla tiyajcunapish Mandaj Dios cancunapaj Taita Diospajmi.