ÉXODO 9:25 - Dios Rimashca Shimicunami

²⁵ Chai runduca Egipto llajtapica tucui canllaman cajcunataca gentecunata, animalcunatapish tucuicunatami huañuchirca. Tucui maipi tiyaj q'uihuacunatapish tucuitami ñutucurca. Chai llajtapi tiyaj yuracunatapish tucuitami ñuturca.

ÉXODO 9:25 Iomraidhean Croise

SALMOS 78:47

Paicunapaj uva chagracunataca, runduhuanmi tucuchirca. Higo chagratapish casahuanmi tucuchirca.

SALMOS 78:48

Paicunapaj animalcunataca, runduhuanmi tucuchirca. Paicunapaj animalcunataca rayohuanmi chingachirca.

ÉXODO 9:19

Canllaman cajcunataca animalcunatapish, tucui imalla charishcacunatapish, tucuita tandachichishpa ucuman yaicuchichij. Gentecuna cashpa, animalcuna cashpa canllaman saquirishpa mana huasi ucupi cajtaca rundu paipaj jahuapi urmajpi tucuicunami huañunga ninmi” ningui– nircami.

ÉXODO 9:24

Chai runduca ninahuan runduhuan chagrumi carca. Egiptopi causai callari pachamanta chashna runduca Egiptopica nunca mana tiyashcachu carca.

ÉXODO 9:6

Cayandij punllaca Mandaj Diosca, pai nishca shinallatajmi rurarca. Tucui Egipto llajtapi causajcunapaj animalcunami huañurca. Ashtahuanpish israelcunapaj animalcunaca shujllapish mana huañurcachu.

EZEQUIEL 13:13

Chaimantami Mandaj Diosca cashna nini: Ñuca p'iñarishpami chai patata urmachichunca, jatun acapanata cachasha. Jatunta p'iñarishpami, manchanayaj tamyatapish cachasha. Shinallataj p'iñarishpa tucuchingapajmi, rumitajlla rundutapish cachasha.

JOSUÉ 10:11

Israelcuna ama japichun miticushpa callpacuj amorreocunaca, Bet-horón pueblo ñan urita ricujpimi, Mandaj Diosca jahua pachamanta jatun runducunata paicunapaj jahuapi shitarca. Azeca pueblocamami shitarca. Chai runducunaca israelcuna espadahuan huañuchishcatapish yallitami huañuchirca.