ÉXODO 9:24 - Dios Rimashca Shimicunami

²⁴ Chai runduca ninahuan runduhuan chagrumi carca. Egiptopi causai callari pachamanta chashna runduca Egiptopica nunca mana tiyashcachu carca.

ÉXODO 9:24 Iomraidhean Croise

JOB 38:23

Ñucaca llaqui punllacunapajmi chaicunataca huaquichishpa charini. Ñucaca jatun macanacui, huañunacui punllapajmi huaquichishpa charini.

SALMOS 105:32

Tamyapaj randica, rundutami cacharca. Tucui chai llajtamanca lunyacuj ninatami cacharca.

SALMOS 18:13

Mandaj Diosca jahua pachapimi c'ulun nirca. Jahua pacha Dios rimashcami chashna uyarirca. Chaica rundumi, lunyacuj nina brazusmi carca.

ÉXODO 10:6

Langostacunaca cambaj huasipipish, cambajta rurajcunapaj huasicunapipish, tucui egipciocunapaj huasicunapipishmi jundanga. Cancunapaj ñaupa yayacuna, cancunapaj abuelocuna causai callari punllamanta cunan punllacama cai allpapi nunca mana ricushcatami ricunguichij ninmi– nircacunami. Moisesca chashna nishcahuanmi faraonpaj ñaupajmantaca muyurishcahuan rirca.

ÉXODO 9:18

Cunanca Egiptota callarichishca punllamanta cunan punllacama nunca mana urmashca llashaj rundutami caya cai horasllataj tamyachisha.

ÉXODO 9:23

Shina nijpi Moisés paipaj caspita jahua pachaman huichi chutajpica, Mandaj Diosca culun nishcahuanmi runduchirca. Ninaca cai pachataca achij nicurcami. Chashnami Mandaj Diosca Egiptopica runduta tamyachirca.

ÉXODO 9:25

Chai runduca Egipto llajtapica tucui canllaman cajcunataca gentecunata, animalcunatapish tucuicunatami huañuchirca. Tucui maipi tiyaj q'uihuacunatapish tucuitami ñutucurca. Chai llajtapi tiyaj yuracunatapish tucuitami ñuturca.

ISAÍAS 30:30

Mandaj Diosca tucuita rurai tucuj caparishcahuanmi uyaringa. Paipaj maquita uri chutashcatapishmi ricuchinga. Yallitaj p'iñarishca ñahuihuan tucuchij lunyacuj nina shinami ricuringa. Jatun acapana, huairandij tamya, rumi vali runduhuanmi ricuringa.

EZEQUIEL 1:4

Ñucaca, janaj ladomanta jatun acapana shamucujtapish, achca p'uyu jahuata nina pillurishca shamucujtapishmi ricurcani. Chai p'uyu muyundijtaca, achij nicurcami. Shinallataj nina chaupipica, bronceman rijchajmi achij nicurca.

EZEQUIEL 13:13

Chaimantami Mandaj Diosca cashna nini: Ñuca p'iñarishpami chai patata urmachichunca, jatun acapanata cachasha. Jatunta p'iñarishpami, manchanayaj tamyatapish cachasha. Shinallataj p'iñarishpa tucuchingapajmi, rumitajlla rundutapish cachasha.

Mateo 24:21

Chai punllacunaca jatun llaquimi canga. Cai pacha callarimanta cunancama chashna llaquica mana tiyashcachu, cutinpish manataj tiyangachu.