ÉXODO 9:23 - Dios Rimashca Shimicunami

²³ Shina nijpi Moisés paipaj caspita jahua pachaman huichi chutajpica, Mandaj Diosca culun nishcahuanmi runduchirca. Ninaca cai pachataca achij nicurcami. Chashnami Mandaj Diosca Egiptopica runduta tamyachirca.

ÉXODO 9:23 Iomraidhean Croise

GÉNESIS 19:24

Chai q'uipami Mandaj Diosca Sodoma, Gomorra pueblocunapica azufrehuan rupacuj ninata jahua pachamanta tamyachirca.

JOB 37:13

Taita Diosca chai tucuitaca huaquinpica llaquichingapaj, huaquinpica pai rurashca allpata c'uyashcamanta, huaquinpica llaquishcata ricuchingapajmi cachan.

SALMOS 147:17

Paimi razutaca mirga mirgata urmachin. Chai chiripica, ¿pitaj ahuantai tucungari?

SALMOS 148:8

Taita Dios mandashcata ruraj rayopish, rundupish alabaichigari. Rasupish p'uyupish, jatun huairandij tamyapish alabaichigari.

SALMOS 18:13

Mandaj Diosca jahua pachapimi c'ulun nirca. Jahua pacha Dios rimashcami chashna uyarirca. Chaica rundumi, lunyacuj nina brazusmi carca.

SALMOS 29:3

Mandaj Diospaj rimaica yacucuna jahuapimari uyarin. Tucuita rurai tucuj sumaj Taita Diosca c'ulun nishpamari uyarin. Mandaj Diosca achca yacucuna jahuapimari.

SALMOS 77:18

Quiquinpaj rimashcaca jatun acapanapimi c'ulun nishca uyarirca. Quiquinpaj relampacunapish tucui cai pachatami achijyachirca. Allpapish chujchushpami cuyurirca.

ÉXODO 19:16

Quimsa punllapaj pacarimujpica culun nishpa, achij nishpa amsa p'uyu chai urcuta tapajpica, cornetapi sinchita tocashcami uyarirca. Chaita uyashpaca carpa huasicunapi caj tucui israelcunami chujchushpa mancharircacuna.

ÉXODO 20:18

Tucui israelcunami culun nicujtapish, achij nicujtapish, bocinapi tocashcatapish, chai urcu cushnicujtapish imalla tucujta alli ricuracurcacuna. Chaita ricushpa manchaihuan cashpami israelcunaca carullamanta chaparacurcacuna.

ÉXODO 9:18

Cunanca Egiptota callarichishca punllamanta cunan punllacama nunca mana urmashca llashaj rundutami caya cai horasllataj tamyachisha.

ÉXODO 9:24

Chai runduca ninahuan runduhuan chagrumi carca. Egiptopi causai callari pachamanta chashna runduca Egiptopica nunca mana tiyashcachu carca.

ISAÍAS 30:30

Mandaj Diosca tucuita rurai tucuj caparishcahuanmi uyaringa. Paipaj maquita uri chutashcatapishmi ricuchinga. Yallitaj p'iñarishca ñahuihuan tucuchij lunyacuj nina shinami ricuringa. Jatun acapana, huairandij tamya, rumi vali runduhuanmi ricuringa.

EZEQUIEL 38:22

Paitaca jatun ungüihuan, yahuarhuanmi jatunta llaquichisha. Shinallataj paitapish, paipaj soldadocunatapish, paihuan caj achca runacunatapish manchanayaj tamyahuan, rumi vali runduhuan, nina rupacuj azufrehuanmi jatunta llaquichisha.

JOSUÉ 10:11

Israelcuna ama japichun miticushpa callpacuj amorreocunaca, Bet-horón pueblo ñan urita ricujpimi, Mandaj Diosca jahua pachamanta jatun runducunata paicunapaj jahuapi shitarca. Azeca pueblocamami shitarca. Chai runducunaca israelcuna espadahuan huañuchishcatapish yallitami huañuchirca.

Apocalipsis 16:18

Chai q'uipaca, relampacunapish, huajiashcacunapish, c'ulun nishcacunapish, yallitaj allpa chujchushpa t'imburipishmi tiyarca. Chashna yallitaj allpa t'imburica gentecuna allpa pachapi causai callarimantapacha manataj tiyarcachu.

Apocalipsis 16:21

Chashnallatajmi cielomantaca jatun rundupish, gentecunapaj jahuapi urmarca. Chai runduca, quimsa arroba shina llashajmi carca. Runduhuan achcata llaquichijpica, gentecunaca Diosta p'iñashpami c'amircacuna. Chaipica yallitaj jatun llaquimi carca.

Apocalipsis 8:7

Punta ángel trompetapi tocajpica, rundupish, ninapish yahuarhuan chagrushcami carca. Chaita allpa pachaman shitajpica, quimsapi chaupishca shuj parte allpatami yuracunandij, tucui q'uihuacunandij rupachirca.