ÉXODO 9:21 - Dios Rimashca Shimicunami

²¹ Ashtahuanpish Mandaj Dios rimashcata paicunapaj shungupi mana crijcunaca paicunapajta rurajcunatapish, animalcunatapish canllaman saquircallacunami.

ÉXODO 9:21 Iomraidhean Croise

1 CRÓNICAS 22:19

Chaimanta cunanca tucui shunguhuan, tucui almahuan cancunata Mandaj Taita Diosta mashcaichij. Mandaj Dioshuan ari ninacushca quillcata huaquichina arcatapish, Diospajlla ch'icanchishca charinacunatapish Mandaj Taita Diospaj shutipi shayachishca huasipi churangapaj Mandaj Taita Diospaj huasita utca shayachichij” nircami.

JOB 34:14

Runapi causaita cuj samaita pai churashcataca, paillataj chai causaita cuj samaita quichujpica,

JOB 7:17

Runaca ima cajpitaj jatunyachinguiyari, ¿ima cajpitaj paipica, cambaj shungutaca churanguiyari?

ÉXODO 7:23

Moisespish Aaronpish milagrocunata rurashcaca, faraonpajca ima mana cashca shina cajpimi paipaj huasiman rircalla.

ÉXODO 9:20

Faraonpajta rurajcunaca Mandaj Dios rimashcata maijanlla manchajcunaca paicunapajta rurajcunatapish, animalcunatapishmi huasicunaman yaicuchircacuna.

ÉXODO 9:22

Mandaj Diosca Moisestaca: –Egipto llajtapi causaj gentecunapaj, animalcunapaj, tucui chagracuna jahuapi rundu urmachun cambaj maquita jahua pachaman chutai– nircami.

PROVERBIOS 22:3

Alli yuyaiyuj runaca, ima llaqui japina cajpica anchurinmi. Ashtahuanpish yachai illaj runaca, quiquin chaquihuan llaquipi yaicunllami.

PROVERBIOS 24:32

Chaita ricushpami ñuca shungupi aparircani. Chaihuanca cashna yuyaitami japircani:

EZEQUIEL 40:4

Chaimantaca chai runaca ñucataca cashnami nirca: “Huañujlla aichayuj runalla, cambaj ñahuicunahuantaj ricui, cambaj rinrincunahuantaj uyai, ñuca imata ricuchishcatapish cambaj shungupi huaquichi. Cantaca ñucami caiman pushamurcani. Can imalla ricushcataca, tucuita israelcunaman huillai” nircami.

DANIEL 10:12

Paica ñucataca cashnami nirca: “Daniel, ama manchaichu. Pi mana yachai tucuipajcunata yachasha nishpa, cambaj Taita Diospaj ñaupajpi cumurij shungu tucushca punllamantami paica can mañashcata uyarca. Can mañashcamantami cambajman shamurcani.

1 SAMUEL 4:20

Pai ña huañunalla cajpimi paihuan caj huarmicunaca: “C'ari huahuata huachashca jahuaca, ama manchaichu” nijpipish paica imata mana nircachu, imata nicushcata mana yacharcachu.