ÉXODO 9:15 - Dios Rimashca Shimicunami

¹⁵ Ñucaca cantapish, can mandacun gentecunatapish llaquichingapaj ñuca maquita chutajpica ñami tucuicuna cai pachamanta illanguichijman.

ÉXODO 9:15 Iomraidhean Croise

2 SAMUEL 7:23

¿Maijan llajtataj cambaj Israel llajta shinaca tiyanri? Cambaj israelcunallamari cai pachapica cambajlla llajtaca tiyan. Cambajlla cachunmi paicunataca huatashcamanta llujshichinaman rircangui. Cambaj shutita paicunapi churangapajmi chashna rurarcangui. Paicunapaj allita rurangapajmi chashna rurarcangui. Ñucanchij llajtapica mancharinacunatami rurarcangui. Cambaj israelcunata c'uyashcamantami Egiptomantapish chai shujtaj llajtacunamantapish, paicunapaj dioscunapajmantapish llujshichimurcangui.

1 REYES 13:34

Jeroboam juchata rurashcamantaca paipaj huahua huahuacunapish chashnallatajmi juchallircacuna. Chaimi cai pachamantaca paipaj huahua huahuacunataca sapimanta llujshichij shina chingachirca.

2 REYES 17:36

Ashtahuanpish Egiptomanta jatun poderhuan, paipaj maquihuan cancunata llujshichimuj pai Mandaj Diosllata manchanguichij, paillata adoranguichij, paillaman sacrificiota cunguichij.

2 REYES 19:35

Chai tutallatajmi Mandaj Diospaj ángel, Asiria llajta soldadocunapaj carpa huasicunaman rishpaca, 185.000 soldadocunata huañuchirca. Cayandij tutamanta jatarishpa ricunapajca tucuimi huañushca aichacunalla siricurca.

ÉXODO 14:28

Chai cucha ñaupaman cashca shinallataj tucujpica, faraonpaj carrocunapish, caballopi tiyarishca soldadocunapish, tucui soldadocunami israelcunata caticujcunaca chai cuchapi millpurishpa shujllapish mana saquirircacuna.

ÉXODO 3:20

Ashtahuanpish Egiptopi causajcunataca, ñuca maquita chutashpa chai llajtapi mancharinacunata rurashpa paicunata llaquichijpimi, israelcunataca richun saquinga.

ÉXODO 9:14

Ñuca tucui llaquichinacunatami cambaj shungutapish, cambajta rurajcunapaj, can mandacun gentecunapaj shungutapish nanachichun cachasha. Tucui cai pachapi ñuca shinaca pi shujtaj mana tiyashcata can yachachunmi cachasha.

ÉXODO 9:16

Ñucaca imatapish rurai tucuj cashcata canpi ricuchishpa, tucui cai pachapi ñuca shuti huillashca cachunmi cantaca churarcani.

ÉXODO 9:3

Mandaj Diosca can mandacun llajtapi caj caballocunata, burrocunata, camellocunata, vacacunata, ovejacunatami paipaj maquihuan yallitaj jatun ungüihuan huañuchinga.

ÉXODO 9:6

Cayandij punllaca Mandaj Diosca, pai nishca shinallatajmi rurarca. Tucui Egipto llajtapi causajcunapaj animalcunami huañurca. Ashtahuanpish israelcunapaj animalcunaca shujllapish mana huañurcachu.

PROVERBIOS 2:22

Ashtahuanpish Diosta mana manchajcunaca, cai llajtamanta llujshichishpa cachashcami canga. Mana cazujcunapish, sapimantami aisashpa shitashca cangacuna.