ÉXODO 9:14 - Dios Rimashca Shimicunami

¹⁴ Ñuca tucui llaquichinacunatami cambaj shungutapish, cambajta rurajcunapaj, can mandacun gentecunapaj shungutapish nanachichun cachasha. Tucui cai pachapi ñuca shinaca pi shujtaj mana tiyashcata can yachachunmi cachasha.

ÉXODO 9:14 Iomraidhean Croise

2 SAMUEL 7:22

Chaimantami Mandaj Dioslla tucuicunata yalli jatun nishca cangui. Can shinaca shujtajca mana tiyanchu. Can imallata rurashcata ñucanchij uyashca shina shujtaj Diosca mana tiyanchu.

1 REYES 8:38

maijan runa cashpa, mana cashpaca tucui israelcuna cashpa chai llaquicunahuan cashpa paipaj shungupi llaquirishpa, cai huasiman paicunapaj maquicunata chutashpa mañajpi, rogajpica uyanguimi.

1 CRÓNICAS 17:20

Mandaj Dioslla, can shinaca pi mana tiyanchu. Can imallata rurashcata ñucanchij uyashca shina shujtaj Diosca mana tiyanchu.

SALMOS 86:8

Jatun Dios, dioscunapaj chaupipica quiquin shinaca pi mana tiyanchu. Quiquinpaj rurashcacunahuanca pi rurashcacunataj igualangari.

ÉXODO 15:11

Mandaj Dioslla, dioscunapaj chaupipica ¿pitaj can shinaca tiyangari? ¿Can shina jucha illaj, tucuita rurai tucujca pitaj tiyangari? Canca pi mana rurai tucushca jatun mancharinacunata rurajmi cangui. Milagrocunata rurajmi cangui.

ÉXODO 8:10

Shina nijpi faraonca: –Cayataj mañapangui– nijpimi, Moisesca: –Ñucanchij Mandaj Dios shinaca, pi shujtaj mana tiyashcata can yachachunca can nishca punllapitajmi ruranga.

ÉXODO 8:6

Chashna nijpica Aaronca, Egipto llajtapi tiyaj tucui yacucuna jahuata paipaj caspita chutajpica, chai yacucunamantaca sapocuna llujshishpami, tucui Egipto llajtapi jundarirca.

ÉXODO 9:15

Ñucaca cantapish, can mandacun gentecunatapish llaquichingapaj ñuca maquita chutajpica ñami tucuicuna cai pachamanta illanguichijman.

ISAÍAS 45:5

Mandaj Diosca ñucami cani, pi shujtaj mana tiyanchu. Ñucamanta shujtaj Diosca mana tiyanchu. Ñucata mana rijsij cajpipish, ñucami cantaca chumbillichisha.

ISAÍAS 46:9

Ñaupa huatacunamanta ñuca imallata rurashcata yuyarichij. Ñucallami Dios cani, shujtaj Diosca mana tiyanchu. Ima shujtajca ñuca shinaca mana tiyanchu.

JEREMÍAS 10:6

Mandaj Dioslla, can shina tucuita rurai tucujca, pi shujtaj mana tiyanchu. Canca jatun Diosmari cangui.

JEREMÍAS 10:7

Tucui llajtacunata Jatun Mandajlla, ¿cantaca pitaj mana manchangari? Tucui cai pacha llajtacunapi causaj jatun yachajcunapurapipish, tucui jatun mandajcunapurapipish can shina jatunca mana tiyanchu.

JEREMÍAS 19:8

Cai pueblotaca tucuicuna mancharinatapish, chanzata rurashpa asinatapishmi rurasha. Pipish caita pasacushpa, cai pueblo tucui urmashca siricujta ricushpaca mancharingapish, chanzata rurashpa asingacunapishmi.

DANIEL 5:21

Gentecunapuramanta anchuchishcami carca. Paipaj yuyaitaca animalcunapaj yuyaita shinami rurarca. Sacha burrocunahuanmi causarca. Huagraman shinami q'uihuata cararca. Paipaj cuerpopish jahua pacha garhuahuanmi shutujyarca. Runacuna mandacun jahuapica jahua pacha Taita Dios mandacushcata, mandaj cachunca Taita Dios pita pai churasha nishcata churaj cashcata yachangacamami chashna rurarca.

LEVÍTICO 26:18

Chashna llaquichijpipish mana uyajpica, ñucaca canchis cutinhuanmi cancunapaj juchamantaca llaquichisha.

LEVÍTICO 26:21

Chashna llaquichijpipish ashtahuan yallitaj mana allita rurashpa catijpica, ima shina ashtahuan millaita rurashca shinallatajmi shujtaj canchis cutinhuan llaquichisha.

LEVÍTICO 26:28

ñucapish cancunahuan yallitaj p'iñarishpami, cancunapaj juchamantaca canchis cutinhuan llaquichisha.

MIQUEAS 6:13

Chaimantami cantaca chugrichishpa irquiyachircani. Cambaj juchacunamantami llaquinayajta saquircani.

DEUTERONOMIO 3:24

Mandaj Jatun Dios quiquinpajta ruraj ñucamanmi quiquinpaj tucuita ruraj cashcata, quiquinpaj maquica tucuita rurai tucuj cashcata ricuchi callarircangui. Quiquin rurashcacuna shinata ruraj, mancharinacunata ruraj shujtaj diosca jahua pachapipish, cai pachapipish mana tiyanchu.

DEUTERONOMIO 4:35

Mandaj Diosca Diostaj cashcata, pi shujtaj pai shinaca mana tiyashcata yachachunmi tucui chaicunataca canpi ricuchirca.

Apocalipsis 18:8

Chashna niricujpipish shuj punllallapimi paitaca huañuipish, huacaipish, yaricaipish chashna jatun llaquicunaca japinga. Tucuita Rurai Tucuj Mandaj Taita Diosca, pai ima shinalla rurashcata ricuchishpami ninapi rupachinga.

Apocalipsis 22:18

Imalla tucuna cashcata huillashcata cai libropi quillcashcacunata uyajcunataca cashnami nini: Maijanpish cai huillashcacunata mirachijpica, Diosca cai libropi pai quillcachishca tiyacuj llaquicunatami paipajmanca cachanga.

1 SAMUEL 4:8

¡Aij ñucanchijlla! Tucuita rurai tucuj chai dioscunapaj maquimantaca ñucanchijtaca ¿pitaj quishpichingari? Chai dioscunamari egiptocunataca, shitashca pambapi tucui laya llaquicunahuan huañuchircacuna.