ÉXODO 8:8 - Dios Rimashca Shimicunami

⁸ Chaimi faraonca Moisesta, Aaronta cayashpaca: –Ñucamantapish, ñuca mandacun gentecunamantapish, sapocunata anchuchichun Mandaj Diosta mañaichij. Chaipimi israelcunataca Mandaj Diosman sacrificiocunata cunaman richun saquisha– nirca.

ÉXODO 8:8 Iomraidhean Croise

1 REYES 13:6

Chashna tucujpimi jatun mandajca, Taita Diospaj runataca: –Ñuca maqui alli tucuchun canta Mandaj Taita Diosta ñucamanta rogashpa mañai– nijpi Diospaj runa, Mandaj Diosta mañajpica, jatun mandajpaj maquica ñaupa shinallataj alli saquirircallami.

SALMOS 66:3

Taita Diostaca: “Quiquin rurashcacunaca jatun mancharinamari. Quiquin tucuita rurai tucuj cashcamanta, quiquinta p'iñajcunaca quiquinpaj ucupimari tucungacuna.

ÉXODO 10:16

Chaimi faraonca Moisesta, Aaronta utca cayaj cachashpaca: –Ñucaca mana allita rurashpami, cancunata Mandaj Diostapish, cancunatapish p'iñachishpa juchallishcani.

ÉXODO 10:17

Shina cajpipish, ñuca mana allita rurashcataca cunanllahuan perdonahuaichij. Ashtahuanpish cai huañuchij llaquica ñucallamantapish anchurichun cancunata Mandaj Diosta mañahuaichij– nirca.

ÉXODO 10:18

Shina nijpi faraonpaj ñaupajmanta Moisés llujshishpa, Mandaj Diosta mañajpica,

ÉXODO 14:5

Egipto llajtapi causajcunaca, paicunata jatun mandajmanca: “Israelcunaca ñami cai llajtamanta llujshishpa rincuna” nishpa huillajpimi, faraonpish, paipajta rurajcunapish cutin p'iñarishpaca: “Israelcuna ñucanchijta ama ashtahuan ruraj cachun paicuna richun saquishpaca ¿imatataj rurashcanchijchu imamí?” ninacurcacuna.

ÉXODO 32:11

Chaimi Moisesca paita Mandaj Taita Diospaj ñaupajpi: –Mandaj Dioslla, cambaj tucuita rurai tucuj maquihuan, cambaj poderhuan Egiptomanta llujshichimushca israelcunahuanca ama chashna jatunta p'iñarihuaichu– nishpa mañarca.

ÉXODO 5:2

Ashtahuanpish faraonca: –¿Pitaj chai Mandaj Diosca pai nishcata uyashpa israelcunata richun ñuca saquingapajca? Mandaj Diosca pipishchari, mana rijsinichu. Israelcunatapish richun mana saquishachu– nircami.

ÉXODO 8:15

Ashtahuanpish faraonca ña ima llaquicuna illajpica, Mandaj Dios nishca shinallataj rumi shungu tucushpami mana uyarca.

ÉXODO 8:29

Moisesca: –Caimanta llujshishpami, canmantapish, cambajta rurajcunamantapish, can mandacun gentecunamantapish tucui laya chuspicuna cayataj anchuchun Mandaj Diosta mañasha. Ashtahuanca Mandaj Diosman animalcunata cushpa rupachinaman ñucanchij rijta can jatun mandaj ama jarcangui. Ñataj umashpalla chashna nicunguiman– nirca.

ÉXODO 8:32

Faraonca cai cutinhuanpish rumi shungu tucushpami israelcuna richunca mana saquirca.

ÉXODO 8:9

Shina nijpi Moisesca, faraontaca: –Canmantapish, cambajta rurajcunamantapish, can mandacun gentecunamantapish, cambaj huasimantapish sapocuna anchushpa jatun yacullapi tiyachunca ¿ima punllataj mañachun ninguiyari?– nircami.

ÉXODO 9:27

Chaimi faraonca Moisesta Aaronta cayanaman cachashpaca: –Cunantajca juchallishcanimi. Mandaj Diosca cashcata rurajmi. Ashtahuanpish ñucapish, ñuca mandacun gentecunamari Diosta mana manchajcuna cashcanchij.

ÉXODO 9:28

Taita Dios c'ulun nichicushcapish, runduchicushcapish pararichun Mandaj Diosta mañai. Cancuna richun saquishallami. Ña mana ashtahuan caipi charicushallachu– nirca.

ÉXODO 9:33

Faraonpaj ñaupajmanta Moisés llujshishpa pueblomanta canllaman maquicunata Mandaj Diospajman chutajpica, culun nicushcapish, runducushcapish pararishpami Egipto llajtataca ña mana ashtahuan tamyarca.

NÚMEROS 21:7

Chaimi israelcunaca Moisespajman rishpa cashna nircacuna: –Ñucanchijca Mandaj Diostapish, cantapish juchachishpa rimashpaca, juchallishcanchijmari. Cunanca chai culebracunata ñucanchij c'uchumanta anchuchichun Mandaj Diosta mañapai– nijpimi israelcunamanta Moisés mañajpica,

Hechos 8:24

Simonca: –Cancuna nishca shina ama tucungapaj ñucamanta Jatun Diosta rogashpa mañaichij– nirca.

1 SAMUEL 12:19

Tucui israelcunami Samueltaca: –Cambajta rurajcuna ama huañuchun Mandaj cambaj Diosta mañapaiyari. Tucui ñucanchijmari juchata rurashca jahua ñucanchijta mandachun jatun mandajta churai nishpa mañashpaca millaita rurashcanchij– nircacuna.