ÉXODO 8:6 - Dios Rimashca Shimicunami

⁶ Chashna nijpica Aaronca, Egipto llajtapi tiyaj tucui yacucuna jahuata paipaj caspita chutajpica, chai yacucunamantaca sapocuna llujshishpami, tucui Egipto llajtapi jundarirca.

ÉXODO 8:6 Iomraidhean Croise

2 SAMUEL 7:22

Chaimantami Mandaj Dioslla tucuicunata yalli jatun nishca cangui. Can shinaca shujtajca mana tiyanchu. Can imallata rurashcata ñucanchij uyashca shina shujtaj Diosca mana tiyanchu.

2 CRÓNICAS 6:14

“Israelcunata Mandaj Taita Dios, canhuan ari ninacushca shina causaj, cambajta rurajcunata llaquishpa chaitataj pajtachijca jahua pachapipish, cai pachapipish can Dios shinaca pi mana tiyanchu.

SALMOS 105:30

Chai llajtapica sapocunatami jundachirca. Jatun mandajcunapaj mandana huasicunacamami jundarca.

SALMOS 78:45

Israelcunata p'iñajcunapajmanca ima tiyajta micuchunmi p'iña chuspicunata cacharca. Chingachij sapocunatapishmi cacharca.

SALMOS 86:8

Jatun Dios, dioscunapaj chaupipica quiquin shinaca pi mana tiyanchu. Quiquinpaj rurashcacunahuanca pi rurashcacunataj igualangari.

SALMOS 90:2

Urcucunapish manaraj huacharijpimi ña tiyashcangui. Allpatapish, cai pachatapish manaraj rurashpami huiñaimanta huiñaicama ña tiyaj Dios cangui.

ÉXODO 10:2

Egipto llajtapi imallata rurashcata, paicunapurapi milagrocunata rurashcata cambaj churicunaman, cambaj nietocunaman huillachunmi chashna rurarcani. Chaita ricushpami cancunapish ñucataca Mandaj Dios cashcata yachanguichij– nircami.

ÉXODO 15:11

Mandaj Dioslla, dioscunapaj chaupipica ¿pitaj can shinaca tiyangari? ¿Can shina jucha illaj, tucuita rurai tucujca pitaj tiyangari? Canca pi mana rurai tucushca jatun mancharinacunata rurajmi cangui. Milagrocunata rurajmi cangui.

ÉXODO 7:19

Mandaj Diosca, Moisestaca cashnapishmi nirca: –Aarontaca: Egiptopica jatun yacupish, huaicuta rij yacupish, tandashca tanque yacupish, maillapi yacuta tandashcacunapish, caspimanta, rumimanta rurashcacunapi tiyaj yacucunapish yahuar tucushpa Egipto llajtapica, yahuarhuan junda cachun cambaj caspita japishpa tucui chai yacucuna jahuata chutai ni– nircami.

ÉXODO 9:14

Ñuca tucui llaquichinacunatami cambaj shungutapish, cambajta rurajcunapaj, can mandacun gentecunapaj shungutapish nanachichun cachasha. Tucui cai pachapi ñuca shinaca pi shujtaj mana tiyashcata can yachachunmi cachasha.

ÉXODO 9:29

Shina nijpi Moisesca: –Cunantaj cai pueblomanta llujshishpa Mandaj Diospajman ñuca maquita chutajpica, culun nicuica pararingallami. Rundupish ña mana ashtahuan urmangachu. Cai pachayujca Mandaj Dios cashcata can yachachunmi chashna ruranga.

ISAÍAS 43:10

Mandaj Diosca cashnami nin: “Ñucaca ñaupamantapacha ñucallatajmi cani. Pi shujtaj dios mana ñucapaj ñaupa tiyarcachu, q'uipatapish pi shujtaj dios mana tiyangachu. Ñucaca cancunataca chaita yachachun, ñucapi shunguta churashpa causachunmi agllarcani. Chaimanta cancunami ñucamanta uyashcata, ricushcata huillajcuna, ñucapajta rurajcuna canguichij.

LEVÍTICO 11:12

Yacupi causaj animalcunataca mana alasyuj, mana escamayujcunataca tucuita millanana cashcata yuyanguichij.

DEUTERONOMIO 32:31

Paicunapaj rumica mana ñucanchij Rumi shinachu. Chaitaca ñucanchijta p'iñajcunallataj allimi yachancuna.

DEUTERONOMIO 33:26

Jesurunpaj Taita Dios shinaca pi mana tiyanchu. Paica canta ayudangapajca jahua pachapi tiyarishcami puricun. Pai tucuita rurai tucuj cashcahuanca p'uyu jahuapimi puricun.

DEUTERONOMIO 4:35

Mandaj Diosca Diostaj cashcata, pi shujtaj pai shinaca mana tiyashcata yachachunmi tucui chaicunataca canpi ricuchirca.

Apocalipsis 16:13

Chai q'uipaca, dragonpaj shimimanta, jatun animalpaj shimimanta, llullashpa huillajpaj shimimantapish, sapocunaman rijchaj quimsa millai espiritucuna llujshijtami ricurcani.