ÉXODO 8:32 - Dios Rimashca Shimicunami

³² Faraonca cai cutinhuanpish rumi shungu tucushpami israelcuna richunca mana saquirca.

ÉXODO 8:32 Iomraidhean Croise

ÉXODO 4:21

Mandaj Diosca Moisestaca: –Egiptoman tigrashpaca, jatun mancharinacunata rurachun ñuca cambaj maquipi churashcataca faraonpaj ñaupajpi tucuita rurashpa ricuchingui. Ashtahuanpish paipaj shunguta ñuca sinchiyachijpimi, israelcuna richunca mana saquinga.

ÉXODO 8:15

Ashtahuanpish faraonca ña ima llaquicuna illajpica, Mandaj Dios nishca shinallataj rumi shungu tucushpami mana uyarca.

ÉXODO 8:31

Mandaj Diosca, Moisés mañashca shina rurashpami, faraonmantapish, paipajta rurajcunamantapish, pai mandacun gentecunamantapish shuj chuspillatapish mana saquishpa tucuita anchuchirca.

ÉXODO 8:8

Chaimi faraonca Moisesta, Aaronta cayashpaca: –Ñucamantapish, ñuca mandacun gentecunamantapish, sapocunata anchuchichun Mandaj Diosta mañaichij. Chaipimi israelcunataca Mandaj Diosman sacrificiocunata cunaman richun saquisha– nirca.

ÉXODO 9:7

Israelcunapaj animalcuna huañushcata mana huañushcata ricuchun faraón cachajpica, shujllapish mana huañushcatami ricurcacuna. Chaita yachashpapish paica rumi shungu tucushpami, israelcuna richunca manataj saquisha nirca.

ISAÍAS 63:17

Mandaj Dioslla, ¿ima nishpataj quiquinpaj ñanmanta anchurichun saquircanguiyari? ¿Imamantataj canta ama cazuchun ñucanchij shunguta sinchiyachircanguiyari? Ñucanchijca cambajta rurajcunamari canchij. Can cushca allpacunapi causaj aillucunamari canchij. Ñucanchijta llaquishpa ña alli tucupayari.

Romanos 2:5

Ashtahuanpish cambaj rumiyashca, mana cutirisha nij shungumantami, Taita Dios p'iñarishpa ima shina rurashcatataj ricuchishpa llaquichina punllapaj cambajllataj huaquichicungui.

1 SAMUEL 6:6

¿Ima nishpataj cancunaca egipciocuna shina, Faraón shina rumi shungucuna tucunguichij? Paicunatapish cunan llaquichij shinallataj llaquichijpimi, israelcunata richun saquijpi israelcunaca rircacuna.