ÉXODO 8:3 - Dios Rimashca Shimicunami

³ Jatun yacumantaca yallitaj t'imbucuj sapocuna llujshishpami, cambaj huasipi, can causana ucupi, can dormina camapi, cambajta rurajcunapaj huasicunapi, tucui cai pueblopi, cambaj hornocunapi, tandapaj masana artesacunapipish yaicushpa jundaringacuna.

ÉXODO 8:3 Iomraidhean Croise

2 CRÓNICAS 22:11

Chaimi jatun mandaj Jorampaj ushushi Josabetca, jatun mandaj Ocoziaspaj caishuj churicunata Atalía huañuchicujpi Ocoziaspaj churi Joastaca pacalla llujshichirca. Chai huahuataca, huahuata huiñachicuj huarmindijmi ishquitataj jahua altopi tiyaj shuj ucupi pacajpi Atalía huarmica, chai huahuataca mana huañuchirca. Josabetca Ocoziaspaj yaya, jatun mandaj Jorampaj ushushimi carca. Paica Joiada curapaj huarmimi carca.

SALMOS 105:30

Chai llajtapica sapocunatami jundachirca. Jatun mandajcunapaj mandana huasicunacamami jundarca.

ÉXODO 10:6

Langostacunaca cambaj huasipipish, cambajta rurajcunapaj huasicunapipish, tucui egipciocunapaj huasicunapipishmi jundanga. Cancunapaj ñaupa yayacuna, cancunapaj abuelocuna causai callari punllamanta cunan punllacama cai allpapi nunca mana ricushcatami ricunguichij ninmi– nircacunami. Moisesca chashna nishcahuanmi faraonpaj ñaupajmantaca muyurishcahuan rirca.

ÉXODO 12:34

Israelcunaca tandata rurangapaj masacushcataca levadurata manaraj churashpami, linsocunapi quipishpa rigra jahuapi churashpa aparcacuna.

ÉXODO 7:11

Chaimi faraonca Egiptopi caj adivinocunata, brujocunata tandachichun cachajpi paicuna shamushpaca brujocuna rurana cashcata rurashpa Moisespish, Aaronpish milagrota rurashca shinallataj rurarcacuna.

ÉXODO 8:11

Sapocunaca canmantapish, cambaj huasicunamantapish, cambajta rurajcunamantapish, can mandacun gentecunamantapish anchushpami jatun yacucunallapi saquiringa– nircami.

ÉXODO 8:2

Paicuna richun can mana saquijpica, ñucaca tucui Egiptotami sapocunahuan llaquichisha.

ÉXODO 8:4

Sapocunaca cambaj jahuapipish, cai llajtapi causajcunapaj jahuapipish, tucui cambajta rurajcunapaj jahuapipishmi jundaringacuna ninmi” ningui– nircami.