ÉXODO 8:29 - Dios Rimashca Shimicunami

²⁹ Moisesca: –Caimanta llujshishpami, canmantapish, cambajta rurajcunamantapish, can mandacun gentecunamantapish tucui laya chuspicuna cayataj anchuchun Mandaj Diosta mañasha. Ashtahuanca Mandaj Diosman animalcunata cushpa rupachinaman ñucanchij rijta can jatun mandaj ama jarcangui. Ñataj umashpalla chashna nicunguiman– nirca.

ÉXODO 8:29 Iomraidhean Croise

SALMOS 66:3

Taita Diostaca: “Quiquin rurashcacunaca jatun mancharinamari. Quiquin tucuita rurai tucuj cashcamanta, quiquinta p'iñajcunaca quiquinpaj ucupimari tucungacuna.

ÉXODO 8:15

Ashtahuanpish faraonca ña ima llaquicuna illajpica, Mandaj Dios nishca shinallataj rumi shungu tucushpami mana uyarca.

ÉXODO 8:8

Chaimi faraonca Moisesta, Aaronta cayashpaca: –Ñucamantapish, ñuca mandacun gentecunamantapish, sapocunata anchuchichun Mandaj Diosta mañaichij. Chaipimi israelcunataca Mandaj Diosman sacrificiocunata cunaman richun saquisha– nirca.

ÉXODO 9:30

Chashna rurajpipish canpish, cambajta rurajcunapish Mandaj Dios chashna ruracushcataca manaraj manchanguichijchu– nircami.

JEREMÍAS 42:4

Shina nijpimi Dios ima nishcata huillaj Jeremiasca: –Cancuna nishcata ruragrinimi. Cancunata Mandaj Diostaca cancuna nishca shinallataj mañagrinimi. Pai Mandaj Dios cancunaman imata huillachun nijpipish, imata mana pacashpa chaitatajmi cancunamanca huillasha– nircami.

Gálatas 6:7

Ama umarichijchu. Diostaca pi mana chanzata rurai tucunchu. Maijan imata tarpujca, chaillatatajmi tandanga.