ÉXODO 8:27 - Dios Rimashca Shimicunami

²⁷ Ñucanchijca shitashca pambaman quimsa punllata rishpami, ñucanchijta Mandaj Dios mandashca shinallataj animalcunata paiman cushpa rupachishun– nirca.

ÉXODO 8:27 Iomraidhean Croise

ÉXODO 10:26

Ñucanchijca ñucanchij animalcunataca apashpami rina canchij. Shuj sillullapish mana saquiringachu. Chai animalcunamanta agllashpa japishpami, ñucanchijta Mandaj Diospajta rurana canchij. Chaiman chayashpa Mandaj Diospajta rurana punllacama maijan animalta agllashpa cuna cashcataca mana yachanchijchu– nircami.

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ÉXODO 3:18

Paicunaca can nishcatami uyanga. Egiptota jatun mandajpajmanca canpish cunaj yuyajcunapish rishpaca: Hebreocunapaj Mandaj Diosmi ñucanchijhuan tuparca. Chaimantami caimantaca quimsa punllata shitashca pambata rishpa, ñucanchijta Mandaj Diosman animalcunata cushpa huañuchigrishun ninchij ninguichij nircami.

ÉXODO 34:11

Cunan ñuca mandashcacunata can huaquichijpica ñucapish amorreocunata, cananeocunata, heteocunata, ferezeocunata, heveocunata, jebuseocunataca cambaj ñaupajmanta anchuchishami.

ÉXODO 5:1

Chai q'uipami Moisespish, Aaronpish faraonpaj ñaupajman rishpaca: –Israelcunata Mandaj Diosca cashnami nin: Ñuca agllashca israelcuna shitashca pambaman rishpa ñucata yuyarishpa fiestata ruragrichun saqui ninmi– nircacuna.

ÉXODO 5:3

Chaimi paicunaca: –Hebreocunapaj Taita Diosmari ñucanchijhuan tuparca. Ñucanchijta Mandaj Dios jatun ungüihuan, mana cashpaca espadahuan ama huañuchichunmi, cunanca quimsa punllacunata shitashca pambaman rishpa, chaipi ñucanchijta Mandaj Diosman animalcunata cushpa rupachina canchij– nircacunami.

LEVÍTICO 10:1

Nadab, Abiú Aaronpaj churicunaca inciensota rupachinacunata cada quiquinpajta japishpa chaicunapica ninata churashpa, chai jahuapica inciensota churashpami, Mandaj Diosman manapish cuna cashca ninahuan rupachircacuna. Mandaj Diosca chai ninahuan cuchunca nunca mana mandashcachu carca.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.