ÉXODO 8:25 - Dios Rimashca Shimicunami

²⁵ Chaimi faraonca Moisesta, Aaronta cayashpaca: –Cancunapaj Diosmanca cai llajtallapitaj sacrificiocunata cunaman richij– nirca.

ÉXODO 8:25 Iomraidhean Croise

ÉXODO 10:16

Chaimi faraonca Moisesta, Aaronta utca cayaj cachashpaca: –Ñucaca mana allita rurashpami, cancunata Mandaj Diostapish, cancunatapish p'iñachishpa juchallishcani.

ÉXODO 10:24

Chaimi faraonca Moisesta cayachishpaca: –Cancunapaj huahuacunatapish pushashpa Mandaj Diospajta ruragrichijlla. Cancunapaj ovejacunata, vacacunallata saquishpa richij– nirca.

ÉXODO 10:8

Faraonca Moisestapish, Aarontapish paipaj ñaupajman cutin cayashpaca: –Mandaj cancunapaj Diospajta rurangapaj richijlla. Chaiman pilla rina cashcallata huillaichij– nirca.

ÉXODO 12:31

Chai tutallataj Moisesta, Aaronta cayachishpami faraonca: –Cancunapish, tucui israelcunapish cai llajtapi causaj ñuca runacunapaj chaupimanta llujshishpa cancuna nishca shinallataj cancunata Mandaj Diospajta ruranaman richij.

ÉXODO 8:8

Chaimi faraonca Moisesta, Aaronta cayashpaca: –Ñucamantapish, ñuca mandacun gentecunamantapish, sapocunata anchuchichun Mandaj Diosta mañaichij. Chaipimi israelcunataca Mandaj Diosman sacrificiocunata cunaman richun saquisha– nirca.

ÉXODO 9:27

Chaimi faraonca Moisesta Aaronta cayanaman cachashpaca: –Cunantajca juchallishcanimi. Mandaj Diosca cashcata rurajmi. Ashtahuanpish ñucapish, ñuca mandacun gentecunamari Diosta mana manchajcuna cashcanchij.

ÉXODO 9:28

Taita Dios c'ulun nichicushcapish, runduchicushcapish pararichun Mandaj Diosta mañai. Cancuna richun saquishallami. Ña mana ashtahuan caipi charicushallachu– nirca.

ISAÍAS 28:22

Cancunata huatashcacunata ama ashtahuan quichquichun cunanca ama ashtahuan chanzata ruraichijchu. Tucuita Mandaj Jatun Diosca, tucui cai llajtatami tucuchisha nirca. Chaitaca ñucamantajmi huillarca.

Apocalipsis 3:9

Maijancunaca manapish judiocuna cashpa, judiocunami canchij nishpa llullashpami Satanaspaj sinagoga tucuncuna. Paicunataca ñuca canta c'uyashcata yachachunmi cambaj ñaupajpi cungurichisha.