ÉXODO 8:22 - Dios Rimashca Shimicunami

²² Chai punllacunapica ñuca agllashcacuna causacun Gosén llajtataca ñucapajllami ch'icanchisha. Chaimanta chai llajtapica nima laya chuspicuna mana yaicungachu. Mandaj Dios ñucataj israelcuna causacunpi cashcata yachachunmi chashna rurasha.

ÉXODO 8:22 Iomraidhean Croise

GÉNESIS 46:34

cancunaca: Cambajta ruraj ñucanchijca ñucanchij ñaupa yayacuna shinallataj huambramantapacha animalcunata michishpa huiñachishpa causajcunami canchij nishpa huillanguichij. Chashna nishpallami, Gosenpica causai tucunguichij. Egipciocunapajca ovejacunata michij canaca yallitaj millananami– nishpami yachachirca.

SALMOS 110:2

Quiquin mandai tucuna varataca Mandaj Diosmi Sionmanta cachanga. Quiquinta p'iñajcunapaj chaupipimi cazuchishpa mandacungui.

SALMOS 74:12

Shina cashpapish Taita Dioslla, ñaupamantamari ñucapaj Jatun Mandaj cangui. Quiquinmari cai pachapi, quishpirinata ruraj Taita Dios cangui.

ÉXODO 10:23

Chaimantami caishuj chaishuj mana ricui tucurcacuna. Paicuna maipi canmantaca quimsa punllacama mana jatari tucurcacunachu. Ashtahuanpish israelcunapaj huasicunapica achijllami carca.

ÉXODO 12:13

Chai yahuarca israelcuna mai huasipi cashcata ricuchijmi canga. Chai yahuarta ricushpami cancunapaj huasi ñaupajtaca pasashpa rishalla. Chashnami egipciocunata huañuchishpa llaquichicujpica cancunapurapica huañui llaquica mana tiyanga.

ÉXODO 19:5

Ñuca imalla nishcata uyashpa ñucahuan ari ninacushcata pajtachishpaca, tucui cai pachapi causajcunamanta yalli sumaj huaquichishcacunami canguichij. Tucui cai pachaca ñucapajmi.

ÉXODO 20:11

Mandaj Diosca jahua pachatapish, cai pachatapish, mama cuchatapish, tucui chaicunapi imalla tiyajcunatapish sujta punllacunapimi tucuita rurarca. Canchis punllapica samarircami. Chaimantami Mandaj Diosca chai punllataca paipajlla cachun ch'icanchirca.

ÉXODO 7:17

Mandaj Diosca: Mandaj Diostaj ñuca cashcataca caita ricushpami rijsingui ninmi: Chaimanta cunan ñuca maquipi charicun caspihuan jatun yacupi huajtajpica, chai yacuca yahuarmi tucunga.

ÉXODO 7:5

Egipto llajta jahuapi ñuca maquita chutashpa paicunapaj chaupimanta israelcunata llujshichijpimi, egipciocunaca ñucataca Mandaj Dios cashcata yachangacuna– nircami.

ÉXODO 8:10

Shina nijpi faraonca: –Cayataj mañapangui– nijpimi, Moisesca: –Ñucanchij Mandaj Dios shinaca, pi shujtaj mana tiyashcata can yachachunca can nishca punllapitajmi ruranga.

ÉXODO 8:21

Ñuca agllashcacuna richun can mana saquijpica, ñucaca cambaj jahuamanpish, cambajta rurajcunapaj jahuamanpish, can mandacun gentecunapaj jahuamanpish, cambaj huasicuna jahuamanpish, tucui laya chuspicunatami cachasha. Egipciocunapaj huasicunapipish, paicuna causan llajtapipish tucui laya chuspicunami jundanga.

ÉXODO 8:23

Chashnami ñuca agllashcacunaca shujcuna cashcata, cancunaca shujtajcuna cashcata ricuchisha. Cayami chashna cashcataca ricuchisha ninmi ningui– nircami.

ÉXODO 9:26

Israelcuna causan Gosén llajtallapimi runduca mana urmarca.

ÉXODO 9:29

Shina nijpi Moisesca: –Cunantaj cai pueblomanta llujshishpa Mandaj Diospajman ñuca maquita chutajpica, culun nicuica pararingallami. Rundupish ña mana ashtahuan urmangachu. Cai pachayujca Mandaj Dios cashcata can yachachunmi chashna ruranga.

ÉXODO 9:4

Mandaj Diosca israelcunapaj animalcunatapish, Egiptopi causajcunapaj animalcunatapish ch'icanchingami. Israelcunapaj animalcunaca shujllapish ama huañuchunmi ch'icanyachinga ninmi” nigri– nircami.

ÉXODO 9:6

Cayandij punllaca Mandaj Diosca, pai nishca shinallatajmi rurarca. Tucui Egipto llajtapi causajcunapaj animalcunami huañurca. Ashtahuanpish israelcunapaj animalcunaca shujllapish mana huañurcachu.

EZEQUIEL 30:19

Egipto llajtataca llaquichishallatajmi. Chashna rurajpimi ñucataca, Mandaj Diostaj cashcataca yachangacuna” ninmi.

MALAQUÍAS 3:18

Ñucapajman cutirishpami cashcata rurajtapish, millaita mana rurajtapish, Diosta servijtapish, Diosta mana servijtapish yachaj chayanguichij” ninmi.