ÉXODO 8:18 - Dios Rimashca Shimicunami

¹⁸ Chai piliscunaca gentecunatapish, animalcunatapish jatuntami llaquichicurca. Brujocunapish brujocuna ruraj cashca shinallataj ñutu allpamanta piliscunata rurashun nishpapish mana rurai tucurcacunachu.

ÉXODO 8:18 Iomraidhean Croise

GÉNESIS 41:8

Ashtahuanpish chai tutamantaca paipaj espiritupica llaquillami carca. Chaimi Egiptopi causaj jatun yachajcunata, yumbucunata cayachishpa pai imallata muscushcata parlarca. Paicunaca chai imata nisha nishcataca faraonmanca pi mana huillai tucurcachu.

ÉXODO 10:23

Chaimantami caishuj chaishuj mana ricui tucurcacuna. Paicuna maipi canmantaca quimsa punllacama mana jatari tucurcacunachu. Ashtahuanpish israelcunapaj huasicunapica achijllami carca.

ÉXODO 7:11

Chaimi faraonca Egiptopi caj adivinocunata, brujocunata tandachichun cachajpi paicuna shamushpaca brujocuna rurana cashcata rurashpa Moisespish, Aaronpish milagrota rurashca shinallataj rurarcacuna.

ÉXODO 7:12

Paicunapaj caspicunata pambapi shitajpica, chai caspicunapish culebracuna tucurcallami. Ashtahuanpish Aaronpaj caspica, paicunapaj caspicunatami millpurca.

ÉXODO 8:7

Chai llajtapaj brujocunapish Moisés, Aarón milagrota rurashca shinallatajmi brujocuna ruraj cashca shina rurashpa sapocunataca tucui Egipto llajtapi jundachirca.

ÉXODO 9:11

Brujocunapish caishuj egipciocuna shinallataj carachayashpa chupuhuan cashcamantami Moisespaj ñaupajpica mana cai tucurcacuna.

ISAÍAS 19:12

Cambaj yachaisapacunaca cunanca ¿maipitagari? Tucuita Mandaj Dios Egiptota ima shinalla llaquichina cashcata canman huillangapaj, canman yachaj chayachingapajca paicunaca ¿maipitagari?

DANIEL 4:7

Chaipica jatun yachajcunapish, luzerocunamanta yachajcunapish, caldeocunapish, adivinocunapishmi ñucapajman shamurcacuna. Paicunaman ñuca muscushcata parlajpipish chai imata nisha nishcataca, mana huillai tucurcacunachu.

DANIEL 5:8

Jatun mandajpaj adivinajcuna tucuicuna paipajman yaicushpaca, chai quillcataca mana rezai tucurcacunachu, chai imata nisha nishcatapish mana huillai tucurcacunachu.

Lucas 10:18

Chaimi Jesusca cashna nirca: –Satanastaca, jahua pachamanta rayo shina urmajtami ñucaca ricurcani.