ÉXODO 8:15 - Dios Rimashca Shimicunami

¹⁵ Ashtahuanpish faraonca ña ima llaquicuna illajpica, Mandaj Dios nishca shinallataj rumi shungu tucushpami mana uyarca.

ÉXODO 8:15 Iomraidhean Croise

ÉXODO 14:5

Egipto llajtapi causajcunaca, paicunata jatun mandajmanca: “Israelcunaca ñami cai llajtamanta llujshishpa rincuna” nishpa huillajpimi, faraonpish, paipajta rurajcunapish cutin p'iñarishpaca: “Israelcuna ñucanchijta ama ashtahuan ruraj cachun paicuna richun saquishpaca ¿imatataj rurashcanchijchu imamí?” ninacurcacuna.

ÉXODO 4:21

Mandaj Diosca Moisestaca: –Egiptoman tigrashpaca, jatun mancharinacunata rurachun ñuca cambaj maquipi churashcataca faraonpaj ñaupajpi tucuita rurashpa ricuchingui. Ashtahuanpish paipaj shunguta ñuca sinchiyachijpimi, israelcuna richunca mana saquinga.

ÉXODO 7:4

Chaipipish faraonca cancunataca mana uyangachu. Ashtahuanpish Egipto llajta jahuapi ñuca maquita churashpa yallitaj llaquichishpami, ñuca agllashca israelcunataca soldadocunata shina cada mirgapi churashpa Egiptomantaca llujshichimusha.

ÉXODO 8:14

Chai sapocunataca montón montontami tandachirca. Chai llajtaca ashnacujmi tucurca.

ÉXODO 8:16

Chaimi Mandaj Diosca Moisestaca: –Aarontaca: Tucui Egipto llajtapi caj ñutu allpa pilis tucuchun, cambaj caspita chutashpa ñutu allpata huajtai ni– nirca.

ÉXODO 8:28

Chaimi faraonca: –Cancunata Mandaj Diosman shitashca pambapi animalcunata cushpa rupachinaman richun ñucaca saquinimi. Ashtahuanca ama yalli caruta ringuichijchu. Ñucamantapish mañapanguichij– nirca.

ÉXODO 8:29

Moisesca: –Caimanta llujshishpami, canmantapish, cambajta rurajcunamantapish, can mandacun gentecunamantapish tucui laya chuspicuna cayataj anchuchun Mandaj Diosta mañasha. Ashtahuanca Mandaj Diosman animalcunata cushpa rupachinaman ñucanchij rijta can jatun mandaj ama jarcangui. Ñataj umashpalla chashna nicunguiman– nirca.

ÉXODO 8:32

Faraonca cai cutinhuanpish rumi shungu tucushpami israelcuna richunca mana saquirca.

ÉXODO 8:8

Chaimi faraonca Moisesta, Aaronta cayashpaca: –Ñucamantapish, ñuca mandacun gentecunamantapish, sapocunata anchuchichun Mandaj Diosta mañaichij. Chaipimi israelcunataca Mandaj Diosman sacrificiocunata cunaman richun saquisha– nirca.

PROVERBIOS 26:11

Allcuca pai shungu tigrashcallatataj cutin tigrachishpa micunllami. Rumi shungu runapish paipaj rumi shungu yuyashcataca cutin cutin ruranllami.

PROVERBIOS 29:1

Jarcacushca jahua mana cazuj runaca, ñapish chingaringallami. Paipajca ima jambi mana tiyangachu.

ECLESIASTÉS 8:11

Millaita rurajpi mana utca llaquipi churajpica, shungupica ashtahuan millaita rurana yuyaillami purincuna.

ISAÍAS 26:10

Yallitaj millaita rurajta paita llaquishpa mana imata rurajpica, cashcata ruraj canataca mana yachangachu. Cashcata rurajcunapaj llajtapi cashpapish millaita rurangallami. Mandaj Dios jatun mandaj cashcataca mana ricungachu.

OSEAS 6:4

Efraín cantaca ¿imatataj rurashari? Judá cantaca ¿imatataj rurashari? Cancunapaj c'uyaica tutamanta p'uyu ricurishpa chingarij shinallamari chingarin. Tutamanta garhua urmashpa chingarij shinallamari chingarin.

Hebreos 3:15

Quillcachishcapica: “Dios rimashcata cunan uyashpaca, paita p'iñachijcuna shina cancunapaj shungucunataca ama sinchiyachichijchu” ninmi.

Hebreos 3:8

shitashca pambapi ahuantaj mana ahuantajta ricuna llaqui shamujpi, Diosta paicuna p'iñachishca shina cancunapaj shungucunataca ama sinchiyachichijchu.

Apocalipsis 16:9

Chaimi intica ashtahuan rupashpa gentecunataca rupachirca. Chashna rupachijpipish, chai tucuita llaquichi tucuj Diosta jatunyachingapajca paipajmanca mana cutirircacunachu. Ashtahuanpish paipaj shutitaca c'amircacunami.

1 SAMUEL 6:12

Chai vacacunaca alli ladomanpish lluqui ladomanpish mana anchushpami Bet-semes puebloman rina ñanta huacarihuan rircacuna. Filisteocunata mandajcunaca Bet-semes pueblohuan paicunapaj llajtahuan tupacuncamami chai vacacunata catishpa ricugrircacuna.

1 SAMUEL 6:3

Chaimi paicunaca: –Israelcunapaj Diospaj arcata tigrachishpa cachashpaca ama chushajllata cachanguichij. Ashtahuanpish cancuna chai arcata quichumushpa mana allita rurashcamanta cuna cashcata cushpa cachashpami, cancunapaj ungüimantaca alliyanguichij. Mandaj Dios paipaj maquihuan imamanta cancunata llaquichinata mana saquicushcatapish yachanguichij– nircacunami.

1 SAMUEL 6:6

¿Ima nishpataj cancunaca egipciocuna shina, Faraón shina rumi shungucuna tucunguichij? Paicunatapish cunan llaquichij shinallataj llaquichijpimi, israelcunata richun saquijpi israelcunaca rircacuna.

1 SAMUEL 6:9

maita rijta ricuichij: Bet-semes puebloman rina ñanta Israel llajtaman rijpica, paicunapaj Dios llaquichicushcatami yachashun. Mana chaita rijpica, manapish pai llaquichicujpi ñucanchij mana cuidarishcallamanta chai llaquicuna cashcatami yachashun– nircacuna.