ÉXODO 8:13 - Dios Rimashca Shimicunami

¹³ Moisés mañashca shinallataj Mandaj Dios rurajpimi, huasicunapi, huasi canllacunapi, chagracunapi tiyaj sapocunaca huañurca.

ÉXODO 8:13 Iomraidhean Croise

1 CRÓNICAS 23:28

Paicunaca Mandaj Diospaj huasipica caicunata rurangapajmi saquirijcuna carca. Mandaj Diospaj huasi canllapi, Mandaj Diospaj huasi canllapi tiyaj ucucunapi, imapish Diospajlla cajcunata chuyayachinapi, Diospaj huasi ucupi imalla rurana cashcata ruranapimi saquirijcuna carca. Paicunataca Aaronpaj huahua huahuacunami mandaj carca.

SALMOS 105:31

Taita Dios rimajpica yallitaj achca chuspicunami shamurcacuna. Tucui chai llajtatami piliscunapish taparca.

ÉXODO 8:11

Sapocunaca canmantapish, cambaj huasicunamantapish, cambajta rurajcunamantapish, can mandacun gentecunamantapish anchushpami jatun yacucunallapi saquiringa– nircami.

ÉXODO 8:12

Moisespish, Aaronpish faraonpaj ñaupajmanta llujshirishpaca, faraonpaj jahuaman cachashca sapocunata anchuchichunmi, Moisesca Mandaj Diosta caparishpa mañarca.

ÉXODO 8:14

Chai sapocunataca montón montontami tandachirca. Chai llajtaca ashnacujmi tucurca.