ÉXODO 8:11 - Dios Rimashca Shimicunami

¹¹ Sapocunaca canmantapish, cambaj huasicunamantapish, cambajta rurajcunamantapish, can mandacun gentecunamantapish anchushpami jatun yacucunallapi saquiringa– nircami.

ÉXODO 8:11 Iomraidhean Croise

ÉXODO 4:21

Mandaj Diosca Moisestaca: –Egiptoman tigrashpaca, jatun mancharinacunata rurachun ñuca cambaj maquipi churashcataca faraonpaj ñaupajpi tucuita rurashpa ricuchingui. Ashtahuanpish paipaj shunguta ñuca sinchiyachijpimi, israelcuna richunca mana saquinga.

ÉXODO 7:13

Ashtahuanpish faraonpaj shunguca Mandaj Dios nishca shinallataj rumi tucushpami mana uyasha nirca.

ÉXODO 7:14

Chai q'uipami Mandaj Diosca, Moisestaca: –Faraonca sinchi shungu tucushpami, israelcuna rishun nijpica mana saquisha nin.

ÉXODO 8:12

Moisespish, Aaronpish faraonpaj ñaupajmanta llujshirishpaca, faraonpaj jahuaman cachashca sapocunata anchuchichunmi, Moisesca Mandaj Diosta caparishpa mañarca.

ÉXODO 8:13

Moisés mañashca shinallataj Mandaj Dios rurajpimi, huasicunapi, huasi canllacunapi, chagracunapi tiyaj sapocunaca huañurca.

ÉXODO 8:3

Jatun yacumantaca yallitaj t'imbucuj sapocuna llujshishpami, cambaj huasipi, can causana ucupi, can dormina camapi, cambajta rurajcunapaj huasicunapi, tucui cai pueblopi, cambaj hornocunapi, tandapaj masana artesacunapipish yaicushpa jundaringacuna.

ÉXODO 8:9

Shina nijpi Moisesca, faraontaca: –Canmantapish, cambajta rurajcunamantapish, can mandacun gentecunamantapish, cambaj huasimantapish sapocuna anchushpa jatun yacullapi tiyachunca ¿ima punllataj mañachun ninguiyari?– nircami.