ÉXODO 8:10 - Dios Rimashca Shimicunami

¹⁰ Shina nijpi faraonca: –Cayataj mañapangui– nijpimi, Moisesca: –Ñucanchij Mandaj Dios shinaca, pi shujtaj mana tiyashcata can yachachunca can nishca punllapitajmi ruranga.

ÉXODO 8:10 Iomraidhean Croise

2 SAMUEL 7:22

Chaimantami Mandaj Dioslla tucuicunata yalli jatun nishca cangui. Can shinaca shujtajca mana tiyanchu. Can imallata rurashcata ñucanchij uyashca shina shujtaj Diosca mana tiyanchu.

1 CRÓNICAS 17:20

Mandaj Dioslla, can shinaca pi mana tiyanchu. Can imallata rurashcata ñucanchij uyashca shina shujtaj Diosca mana tiyanchu.

SALMOS 83:18

Chaipimi quiquinpaj shutica Mandaj Dios cashcata yachangacuna. Jahua pachapi caj Taita Diosca quiquinlla cashcata, quiquinlla tucui cai pachata mandaj cashcata yachangacuna.

SALMOS 86:8

Jatun Dios, dioscunapaj chaupipica quiquin shinaca pi mana tiyanchu. Quiquinpaj rurashcacunahuanca pi rurashcacunataj igualangari.

SALMOS 9:16

Mandaj Diosca paicunataca paicuna ima shina cashcatataj ricuchishpami llaquichin. Chashnami paica Diostaj cashcata ricuchin. Millaicunaca shujtajcunata urmachingapaj paicunapaj maquihuan churashcallapitajmi urmancuna. Higaión. Selah

ÉXODO 15:11

Mandaj Dioslla, dioscunapaj chaupipica ¿pitaj can shinaca tiyangari? ¿Can shina jucha illaj, tucuita rurai tucujca pitaj tiyangari? Canca pi mana rurai tucushca jatun mancharinacunata rurajmi cangui. Milagrocunata rurajmi cangui.

ÉXODO 8:9

Shina nijpi Moisesca, faraontaca: –Canmantapish, cambajta rurajcunamantapish, can mandacun gentecunamantapish, cambaj huasimantapish sapocuna anchushpa jatun yacullapi tiyachunca ¿ima punllataj mañachun ninguiyari?– nircami.

ÉXODO 9:14

Ñuca tucui llaquichinacunatami cambaj shungutapish, cambajta rurajcunapaj, can mandacun gentecunapaj shungutapish nanachichun cachasha. Tucui cai pachapi ñuca shinaca pi shujtaj mana tiyashcata can yachachunmi cachasha.

ÉXODO 9:29

Shina nijpi Moisesca: –Cunantaj cai pueblomanta llujshishpa Mandaj Diospajman ñuca maquita chutajpica, culun nicuica pararingallami. Rundupish ña mana ashtahuan urmangachu. Cai pachayujca Mandaj Dios cashcata can yachachunmi chashna ruranga.

PROVERBIOS 27:1

Caya punllaca chashna rurasha nishpa ama jatun tucunguichu. Caya ima tucunataca manamari yachanguichu.

ISAÍAS 40:18

Taita Diostaca ¿imahuantaj ch'imbapurai tucunguichigari? Mana cashpaca paiman rijchajtapish imata mana rurai tucunguichijchu.

ISAÍAS 40:25

Jucha illaj Diosca: “Ñucaman rijchajtaca ¿imatataj ruranguichigari? ¿Ñucataca imahuantaj ch'imbapuranguichigari?” ninmi.

ISAÍAS 46:9

Ñaupa huatacunamanta ñuca imallata rurashcata yuyarichij. Ñucallami Dios cani, shujtaj Diosca mana tiyanchu. Ima shujtajca ñuca shinaca mana tiyanchu.

DEUTERONOMIO 3:24

Mandaj Jatun Dios quiquinpajta ruraj ñucamanmi quiquinpaj tucuita ruraj cashcata, quiquinpaj maquica tucuita rurai tucuj cashcata ricuchi callarircangui. Quiquin rurashcacuna shinata ruraj, mancharinacunata ruraj shujtaj diosca jahua pachapipish, cai pachapipish mana tiyanchu.

DEUTERONOMIO 32:31

Paicunapaj rumica mana ñucanchij Rumi shinachu. Chaitaca ñucanchijta p'iñajcunallataj allimi yachancuna.

DEUTERONOMIO 33:26

Jesurunpaj Taita Dios shinaca pi mana tiyanchu. Paica canta ayudangapajca jahua pachapi tiyarishcami puricun. Pai tucuita rurai tucuj cashcahuanca p'uyu jahuapimi puricun.

DEUTERONOMIO 4:35

Mandaj Diosca Diostaj cashcata, pi shujtaj pai shinaca mana tiyashcata yachachunmi tucui chaicunataca canpi ricuchirca.

DEUTERONOMIO 4:39

“Cunanca chaita alli yachashpa cancunapaj shungupi alli yuyaringuichij. Jahua pachapipish, cai pachapipish Taita Diosca Mandaj Dios cashcata yuyaringuichij. Pi shujtajca mana tiyanchu.

Santiago 4:14

Caya punlla ima tucuna cashcata mana yachashpami chashna ninguichij. ¿Cancunapaj causaica imataj? P'uyu ashacama ricurishpa, ñapish chingarij shinallami.