ÉXODO 7:7 - Dios Rimashca Shimicunami

⁷ Faraonhuan rimacui punllacunapica, Moisesca pusaj chunga huatata, Aaronca pusaj chunga quimsa huatatami charirca.

ÉXODO 7:7 Iomraidhean Croise

GÉNESIS 41:46

Joseca Egiptota jatun mandaj faraonpaj ñaupajman pushanapajca quimsa chunga huatayujmi carca. Paica faraonpajmanta rishpaca, Egiptopi tiyaj tucui pueblocunatami ricushpa purirca.

SALMOS 90:10

Ñucanchij causana punllacunaca canchis chunga huatallami. Ashtahuan sinchicunapish pusaj chunga huatallatami causan. Unita causaj sinchi runa nishca cashpapish, llaquita, c'uyaillatami causan. Tucuicunami ñucanchij shinallataj utca tucurinllacuna.

ÉXODO 2:23

Ña tauca huatacuna q'uipaca Egiptota jatun mandajca huañurcami. Israelcunaca yallitaj sinchi trabajocunapi cashpami, aij nishpa caparircacuna. Paicuna yallitaj sinchi trabajopi cashpa caparishcaca Taita Diospajmanmi chayarca.

ÉXODO 7:8

Mandaj Diosca Moisestapish, Aarontapish:

NÚMEROS 33:39

Aaronca, 123 huatacunayuj cashpami, Hor shuti urcupi huañurca.

Hechos 7:23

Chuscu chunga huatayuj tucujpimi, Moisespaj shungumanca paipura Israel huauquicunata ricugrina yuyai shamurca.

Hechos 7:30

Chuscu chunga huatata causashca q'uipami, Sinaí urcu c'uchu shitashca pambapi cashpa shuj zarza yura rupacujta ricurca. Chai nina rupacun chaupipica shuj angelmi ricurirca.

DEUTERONOMIO 29:5

Ñucami cancunataca chuscu chunga huatacunata shitashca pambata pushamurcani. Chai huatacunapica cancunapaj churanacunapish, mana tucurircachu. Cancunapaj pargatecunapish mana tucurircachu.

DEUTERONOMIO 31:2

cashnami nirca: “Ñucaca ñami 120 huatacunata charini. Ñucaca pushashpa llujshinata, pushashpa tigrachinata mana valinichu. Ashtahuancarin Mandaj Diosmi ñucataca: “Cai Jordán yacutaca ña mana ch'imbanguichu” nirca.

DEUTERONOMIO 34:7

Moisesca 120 huatacunata charishpami huañurca. Huañuna punllacama paipaj ñahuicunaca allimi ricurca. Paica chairaj sinchi runami carca.

JOSUÉ 24:5

Chaimanta llujshichingapajca Moisesta, Aaronta cachashpami, Egiptopi causajcunataca jatunta llaquichishpa, cancunataca paicunapaj chaupimanta llujshichimurcani.