ÉXODO 7:6 - Dios Rimashca Shimicunami

⁶ Moisespish, Aaronpish Mandaj Dios paicunata ima shinalla mandashca shinami tucuita rurarcacuna.

ÉXODO 7:6 Iomraidhean Croise

GÉNESIS 22:18

Ñuca mandashcata can cazushcamantami, cambaj huahua huahuacunamantaca tucui cai pachapi causajcunapish alli nishca cangacuna– nircami.

GÉNESIS 6:22

Noeca, chashnatajmi rurarca. Taita Dios mandashca shinami tucuita rurarca.

GÉNESIS 7:5

Noeca Taita Dios mandashca shinami tucuita rurarca.

SALMOS 119:4

Quiquin mandashcacunataca tucuita chaitataj pajtachichunmi cushcangui.

ÉXODO 12:28

Israelcunaca Moisesta, Aaronta Mandaj Dios ima shinalla mandashca shinami chaitataj tucuita rurarcacuna.

ÉXODO 39:43

Moisesca tucui chaicunataca, Mandaj Dios mandashca shinallataj sumajta rurashcatami ricurca. Chaimantami paicunataca allitami rurashcanguichij nirca.

ÉXODO 40:16

Moisesca Mandaj Dios mandashca shinatajmi tucuita rurarca.

ÉXODO 7:10

Moisespish, Aaronpish faraonpajman rishpaca, Mandaj Dios mandashca shinallatajmi rurarcacuna. Aaronca paipaj caspitaca faraonpaj, paipajta rurajcunapaj ñaupajpi shitajpimi, chai caspica culebra tucurca.

ÉXODO 7:2

Tucui imalla ñuca mandashcataca Aaronmanca canmi huillangui. Israelcunata paipaj llajtamanta richun saquichunca cambaj huauqui Aaronmi faraonhuanca rimanga.

ÉXODO 7:20

Moisespish, Aaronpish Mandaj Dios nishca shinallatajmi rurarcacuna. Aaronca pai charicushca caspihuan faraonpaj, faraonpajta rurajcunapaj ñaupajpi jatun yacuta huajtajpica, tucui chai yacucunami yahuar tucurca.

Juan 15:10

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Juan 15:14

Ñuca ima shina mandashca shinatataj rurashpaca, ñucahuan alli apanacujcunami canguichij.