ÉXODO 7:4 - Dios Rimashca Shimicunami

⁴ Chaipipish faraonca cancunataca mana uyangachu. Ashtahuanpish Egipto llajta jahuapi ñuca maquita churashpa yallitaj llaquichishpami, ñuca agllashca israelcunataca soldadocunata shina cada mirgapi churashpa Egiptomantaca llujshichimusha.

ÉXODO 7:4 Iomraidhean Croise

ÉXODO 10:1

Mandaj Diosca Moisestaca: –Faraonpajmanca cutinllataj rilla. Ñucallatajmi paitapish, paipajta rurajcunatapish rumi shunguta rurarcani. Ñucaca imatapish rurai tucuj cashcata paicunallamantaj ricuchingapajmi chashna rurarcani.

ÉXODO 11:9

Cutinpish Mandaj Diosca Moisestaca: –Egipto llajtapi mancharinacunata ñuca ashtahuan rurachunmi faraonca cancuna nishcataca manaraj uyanga– nircami.

ÉXODO 12:51

Mandaj Diosca chai punllallatajmi pai agllashca israelcunataca, soldadocunata shina mirga mirgapi ch'icanchishcata Egiptomanta llujshichirca.

ÉXODO 13:3

Chaimi Moisesca israelcunataca: “Egiptopi huatashca shina ruracujta Mandaj Dios tucuita rurai tucuj maquihuan cai punllapi llujshichishcataca yuyaricunallami canguichij. Chai punllapica levadurayuj tandataca ama micunguichijchu.

ÉXODO 13:9

Cai ruraicunaca Mandaj Dios tucuita rurai tucuj maquihuan Egiptomanta canta llujshichimushcataca cambaj maquipi, mana cashpaca ñahui patapi ricunapaj churashca shinami yuyachicungalla. Mandaj Dios mandashca cambaj shimipi cachunmi chashna canga.

ÉXODO 18:8

Moisesca paipaj suegromanca, Mandaj Diosca israelcunata c'uyashcamantaca faraontapish, egipciocunatapish imallata rurashcata, israelcunahuan ñanpi cashpa imalla llaquicunata apashcata Mandaj Dios ima shinalla paicunata quishpichishcatapishmi parlarca.

ÉXODO 3:19

Egiptota jatun mandaj cancuna richun mana saquina cashcataca yachanimi. Ashtahuanpish sinchi maquihuan llaquichijpimi saquinga.

ÉXODO 3:20

Ashtahuanpish Egiptopi causajcunataca, ñuca maquita chutashpa chai llajtapi mancharinacunata rurashpa paicunata llaquichijpimi, israelcunataca richun saquinga.

ÉXODO 6:1

Shina nijpi Mandaj Diosca Moisestaca: –Faraonta ñuca imata rurajtaca cunanmi ricungui. Ñuca maquihuan sinchita llaquichijpimi paipaj llajtamanta richun saquinga. Ñuca maquihuan sinchita llaquichijpimi pai quiquintaj richun saquinga– nircami.

ÉXODO 6:26

Aaronpish, Moisespish tucui chai huahua huahuacunapurallatajmi carcacuna. Paicunatami Mandaj Diosca: “Cancunami Egipto llajtamantaca israelcunataca soldadocunata shina mirga mirgata ch'icanchishpa llujshichinguichij” nircami.

ÉXODO 6:6

Chaimanta israelcunataca cashna ni: Ñucaca MANDAJ DIOSMI cani. Egiptocuna yallitaj sinchita trabajachicunmantaca ñucami llujshichisha. Huatashcata shina paicuna cancunata rurachicunmantaca paicuna ima shina cancunata llaquichishca shinallatajmi ñuca rigrata chutashpa paicunatapish llaquichishpa cancunataca cacharichisha.

ÉXODO 7:13

Ashtahuanpish faraonpaj shunguca Mandaj Dios nishca shinallataj rumi tucushpami mana uyasha nirca.

ÉXODO 7:16

paitaca: Mandaj Dios hebreocunapaj Taita Diosmi ñucataca cambajman cashna nichun cachan: Ñuca agllashcacuna shitashca pambapi ñucapajta ruranaman richun saqui. Ashtahuanpish canca cunancama manamari uyanguichu.

ÉXODO 8:15

Ashtahuanpish faraonca ña ima llaquicuna illajpica, Mandaj Dios nishca shinallataj rumi shungu tucushpami mana uyarca.

ÉXODO 8:19

Chaimi brujocunaca faraontaca –Caitaca Taita Diospaj maquimi ruracun– nircacuna. Ashtahuanpish faraonca Mandaj Dios nishca shinallataj, rumi shungu tucushpami mana uyarca.

ÉXODO 9:12

Mandaj Diosllataj faraonta rumi shunguta rurajpimi, Mandaj Dios Moisesman nishca shinallataj mana uyarca.

ÉXODO 9:3

Mandaj Diosca can mandacun llajtapi caj caballocunata, burrocunata, camellocunata, vacacunata, ovejacunatami paipaj maquihuan yallitaj jatun ungüihuan huañuchinga.

PROVERBIOS 19:29

Mana cazushpa asijcunataca, jatun llaqui chaparacunmi. Rumi shungucunapajpish macana anguca, allichishcami shuyacun.

ISAÍAS 26:9

Tutapish ñuca almahuanmi quiquintaca munani. Ñucapi caj espíritu ñucapi causashca camaca cada tutamantami quiquinta utca mashcasha. Cai pachapi quiquin cashcata rurashpa mandajpimi, cai pachapi causajcunaca cashcata ruranaca ima cashcata yachangacuna.

LAMENTACIONES 3:3

Tucui punllamari cutin cutin tigrashpa macahuarca.

EZEQUIEL 14:21

Chaimantami Mandaj Jatun Diosca cashna nin: “Jerusalenta llaquichingapajca, chuscu jatun llaquicunatami cachasha. Chai pueblopi causaj runacunata, animalcunata huañuchingapaj espadatapish, yaricaitapish, p'iña animalcunatapish, jatun ungüicunatapishmi cachasha.

EZEQUIEL 25:11

Shinallataj Moab llajtatapish llaquichishatajmi. Chashna rurajpimi ñucataca, Mandaj Diostaj cashcata yachangacuna” nircami.

EZEQUIEL 30:14

Patros llajtataca chingachishami, Zoán pueblopica, ninatami japichisha. Tebas pueblopi causajcunataca, paicuna imalla rurashcatami ricusha.

EZEQUIEL 30:19

Egipto llajtataca llaquichishallatajmi. Chashna rurajpimi ñucataca, Mandaj Diostaj cashcataca yachangacuna” ninmi.

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.

Apocalipsis 16:7

Altar chaimantaca shujtajpish: “¡Tucuita Rurai Tucuj Mandaj Taita Dios, canca cashcatataj rurashpami llaquichingui!” nijtami uyarcani.

Apocalipsis 19:2

Paica, imatapish ima shina cashcatataj ricuchishpa llaquichijmi. Chashna cashpami huainayashpalla causaj huarmi paipaj huainayanahuan allpa pachapi causajcunata yallitaj millaita rurachishcamantaca ña llaquichishca. Diospajta rurajcunata paipaj maquihuan huañuchishcamantami paitapish tigra llaquichirca” nircacunami.

JUECES 2:15

Maipi macanacungapaj llujshishpapish Mandaj Dios paicunata nishca shinallataj paipaj maqui paicunata llaquichicujpimi, paicunata p'iñajcunataca manataj mishai tucurcacuna. Mandaj Diosca pai nishca shinallataj manataj mishachijpimi, israelcunaca jatun llaquita apacurcalla.