ÉXODO 7:18 - Dios Rimashca Shimicunami

¹⁸ Chai jatun yacupi tiyaj chalhuacunaca huañungami. Chai yacupish ashnacujmi tucunga. Chaimi egipciocunaca millanachishpa chai yacutaca mana ubyangacuna ninmi– nircami.

ÉXODO 7:18 Iomraidhean Croise

ÉXODO 7:21

Chai jatun yacupi tiyaj chalhuacunapish huañujpi, yacupish yallitaj ashnacuj tucujpimi egipciocunaca mana ubyai tucurcacuna. Egiptopica tucui llajtapimi yahuar tucurca.

ÉXODO 7:24

Chai jatun yacumantaca mana ubyai tucushpami, egipciocunaca tucuicuna yacuta ubyangapajca jatun yacu urindijta pugyucunata allarcacuna.

ISAÍAS 19:6

Yacu chaquirijpi yacu larcacunapish ashnacujmi saquiringa. Callpacuj yacucunapish chaquirishpami catinga. Carrizocunapish, juncocunapish tucuimi chaquiringa.

NÚMEROS 11:20

Ashtahuanpish shuj quilla jundacama, cancunapaj singacunaman llujshingacama, mana micunachishpa millanachingacamami micugringuichij. Cancunapaj chaupipi caj Mandaj Diosta yanganchishpa paipaj ñaupajpi huacashpa: Egiptomantaca imapajchari caimanca llujshimurcanchij nishcamantami chashna micugringuichij ningui– nircami.

NÚMEROS 21:5

Taita Diostapish, Moisestapish juchachishpa cashna rimarcacuna: –Egiptomantaca ¿imapajtaj huichiyachimurcangui? Cai shitashca pambapi huañuchunllamari llujshichimushcangui. Caipica micunapish, yacupish mana tiyanchu. Cai yanga micunallataca, ña aminchijmi– nircacuna.