ÉXODO 7:17 - Dios Rimashca Shimicunami

¹⁷ Mandaj Diosca: Mandaj Diostaj ñuca cashcataca caita ricushpami rijsingui ninmi: Chaimanta cunan ñuca maquipi charicun caspihuan jatun yacupi huajtajpica, chai yacuca yahuarmi tucunga.

ÉXODO 7:17 Iomraidhean Croise

1 REYES 20:28

Chaipimi israelcunata jatun mandajpajman Diospaj runa shamushpaca: –Mandaj Diosca cashnami nin: Siriocunaca ñucataca Mandaj Diosca, urcucunapi causaj Diosmi, mana pambacunapi causaj Dioschu nincunami. Chaimantami cai yallitaj achcacunataca cambaj maquipi churagrini. Chashna rurajpimi ñucataca Mandaj Diostaj cashcata yachangui ninmi– nircami.

2 REYES 19:19

Cunanca Mandaj Dios, ñucanchij Dioslla quishpichihuayari. Tucui cai pacha llajtacunapi causajcuna quiquin Mandaj Dioslla Diostaj cashcata yachachunmi chai jatun mandajpaj maquimanta quishpichichun rogani” nishpami mañarca.

SALMOS 105:29

Yacucunatapish yahuarman tigrachishpami, chalhuacunatapish huañuchirca.

SALMOS 78:44

Chaipica ama ubyai tucuchunmi callpacuj yacucunataca yahuarman tigrachirca.

SALMOS 83:18

Chaipimi quiquinpaj shutica Mandaj Dios cashcata yachangacuna. Jahua pachapi caj Taita Diosca quiquinlla cashcata, quiquinlla tucui cai pachata mandaj cashcata yachangacuna.

SALMOS 9:16

Mandaj Diosca paicunataca paicuna ima shina cashcatataj ricuchishpami llaquichin. Chashnami paica Diostaj cashcata ricuchin. Millaicunaca shujtajcunata urmachingapaj paicunapaj maquihuan churashcallapitajmi urmancuna. Higaión. Selah

ÉXODO 1:22

Faraonca pai mandacun gentecunataca: “Israelcunapaj c'ari huahua huacharijpica, tucuicunata jatun yacupi shitaichij. Huarmi huahua huacharijpica causachun saquinguichijlla” nishpami mandarca.

ÉXODO 10:2

Egipto llajtapi imallata rurashcata, paicunapurapi milagrocunata rurashcata cambaj churicunaman, cambaj nietocunaman huillachunmi chashna rurarcani. Chaita ricushpami cancunapish ñucataca Mandaj Dios cashcata yachanguichij– nircami.

ÉXODO 4:9

Cai ishqui señalcunata ricushpapish mana crijpi, can rimashcatapish mana uyajpica, jatun yacumanta yacuta japishpa allpapi tallingui. Chai yacuca allpapica yahuarmi tucunga– nircami.

ÉXODO 5:2

Ashtahuanpish faraonca: –¿Pitaj chai Mandaj Diosca pai nishcata uyashpa israelcunata richun ñuca saquingapajca? Mandaj Diosca pipishchari, mana rijsinichu. Israelcunatapish richun mana saquishachu– nircami.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ÉXODO 7:20

Moisespish, Aaronpish Mandaj Dios nishca shinallatajmi rurarcacuna. Aaronca pai charicushca caspihuan faraonpaj, faraonpajta rurajcunapaj ñaupajpi jatun yacuta huajtajpica, tucui chai yacucunami yahuar tucurca.

ÉXODO 7:5

Egipto llajta jahuapi ñuca maquita chutashpa paicunapaj chaupimanta israelcunata llujshichijpimi, egipciocunaca ñucataca Mandaj Dios cashcata yachangacuna– nircami.

EZEQUIEL 25:17

Paicunataca millaita ruranata jarcashpami, yallitaj p'iñarishpa llaquichisha. Paicunataca ñuca p'iñarishpa chashna jatunta llaquichijpimi, ñucataca Mandaj Diostaj cashcata yachangacuna” nircami.

EZEQUIEL 29:9

Egipto llajtaca llaquinayaj, shitashcami saquiringa. Chashna rurajpimi ñucataca, Mandaj Diostaj cashcataca yachangacuna. Canca: Nilo yacuca ñucapajmi, ñucamari rurarcani nircanguimi. Chaimantami chashna llaquichisha.

EZEQUIEL 30:19

Egipto llajtataca llaquichishallatajmi. Chashna rurajpimi ñucataca, Mandaj Diostaj cashcataca yachangacuna” ninmi.

EZEQUIEL 30:8

Egipto llajtapi ninata japichishpa, paita ayudajcunandij tucuita chingachijta ricushpami ñucataca, Mandaj Diostaj cashcataca yachangacuna.

EZEQUIEL 32:15

Shinallataj Egipto llajtata shitashcata saquijpi, chaipi imalla tiyajcunatapish quichushpa tucuita apajpi, chaipi causajcunatapish tucuita huañuchijpimi, ñucataca Mandaj Diostaj cashcataca yachangacuna.

EZEQUIEL 32:6

Cambaj yahuartaca can causacun llajtallapitajmi jichasha. Cambaj yahuarca urcucunacamami regaringa, yacu rina huaicucunapipishmi jundanga.

EZEQUIEL 38:23

Chashna rurashpami, shujtaj llajtacunapi causajcunapaj ñahuipica, ima juchachina illajlla casha, jatunyachishcapishmi casha. Chashna rurajta ricushpami ñucataca, Mandaj Diostaj cashcataca yachangacuna ninmi ningui.

EZEQUIEL 39:28

Shujtaj llajtacunapi prezu causacunmanta shujllatapish mana saquishpa llujshichishpami, tandachishpa quiquin llajtapi causachun churasha. Chashna rurajpimi ñucataca, Mandaj Diostaj cashcataca yachangacuna.

DANIEL 4:17

Chaitaca jucha illaj cuidajcunami chashna tucuchun nishpa parlanacushpa chashna rurashca. Cai pachapi causajcunaca runacuna mandacun jahuapica jahua pacha Taita Dios mandacushcata yachachunmi chashna rurashca. Mandaj cachunca Taita Diosca pita pai churasha nishcata churaj cashcata yachachun, mandaj canapica tucuicunamanta yalli manataj jatun tucujta churaj cashcata yachachunmi chashna rurashca nircami.

DANIEL 4:32

Gentecunapuramanta anchuchishpa animalcunahuan chagrutami churanga. Paicunahuanmi causangui. Huagrata shinami michingacuna. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacama canchis huatacunacamami chashna causangui” nircami.

DANIEL 4:37

Chaimi cunanca Nabucodonosor ñucaca jahua pacha Jatun Mandajta alabani. Jatunyachini. Sumajyachini. Pai rurashcacunaca ima mana pandachu, cashcatataj rurashpa yachachijmi. Jatun tucushcacunataca cumurichijmi.

DANIEL 5:21

Gentecunapuramanta anchuchishcami carca. Paipaj yuyaitaca animalcunapaj yuyaita shinami rurarca. Sacha burrocunahuanmi causarca. Huagraman shinami q'uihuata cararca. Paipaj cuerpopish jahua pacha garhuahuanmi shutujyarca. Runacuna mandacun jahuapica jahua pacha Taita Dios mandacushcata, mandaj cachunca Taita Dios pita pai churasha nishcata churaj cashcata yachangacamami chashna rurarca.

DANIEL 5:23

Ashtahuanpish jahua pacha Jatun Diosta c'ariyashpa jatun tucushpami, paipaj huasimanta apamushca vasocunata cambaj ñaupajman apaj cachashpa, canpish can churashca mandajcunapish, cambaj huarmicunapish, cambaj caishuj huarmicunapish chaipi vinota ubyashcanguichij. Chashna rurashca jahuapish cullquimanta, curimanta, broncemanta, fierromanta, caspimanta, rumimanta rurashca mana ricuj, mana uyaj, mana imata yachaj dioscunatamari alabangui. Ashtahuanpish cambaj causaita paipaj maquipi charicuj, pai munashpalla can imatapish rurachun saquij Taita Diostaca manamari shuj cutinllapish alabanguichu.

Apocalipsis 11:6

Dios huillachishcata paicuna huillacui punllacunapi ama tamyachun, jahua pachata huichcai tucujcunami. Yacutapish yahuarta rurai tucujcunami. Cai pachatapish paicuna mashna cutin munashcata shujtaj shujtaj llaquicunahuan llaquichi tucujcunami.

Apocalipsis 8:8

Puntapaj q'uipa ángel trompetapi tocajpica, shuj jatun urcu ninahuan rupacuj shinatami, mama cucha yacupi shitarca. Chaihuanca quimsapi chaupishca shuj parte mama cucha yacumi yahuar tucurca.