ÉXODO 7:13 - Dios Rimashca Shimicunami

¹³ Ashtahuanpish faraonpaj shunguca Mandaj Dios nishca shinallataj rumi tucushpami mana uyasha nirca.

ÉXODO 7:13 Iomraidhean Croise

2 CRÓNICAS 36:13

Jatun mandaj Nabucodonosortapish c'ariyarcami. Chai jatun mandajca paihuan tandalla canata shuj yuyailla cachunca, Diospaj shutipimi paitaca ari nichishca carca. Chashna ari nishca jahuami, mana pajtachirca. Shinallataj ch'ahuan shungu tucushpami, israelcunata Mandaj Diosmanca manataj cutirisha nirca.

ÉXODO 10:1

Mandaj Diosca Moisestaca: –Faraonpajmanca cutinllataj rilla. Ñucallatajmi paitapish, paipajta rurajcunatapish rumi shunguta rurarcani. Ñucaca imatapish rurai tucuj cashcata paicunallamantaj ricuchingapajmi chashna rurarcani.

ÉXODO 10:20

Mandaj Diosllataj faraonpaj shunguta rumi shunguta rurajpimi, paica israelcuna richunca mana saquirca.

ÉXODO 10:27

Mandaj Dios faraonpaj shunguta rumi shunguta rurajpimi, israelcuna richunca mana saquishpa,

ÉXODO 14:17

Egipciocunapaj shungutaca ñucami rumi shunguta rurashpa cancunata ashtahuan catina yuyaita cugrini. Chaipica ñucaca faraonpi, paipaj tucui soldadocunapi, paipaj carrocunapi, paipaj caballopi tiyarij soldadocunapimi ñuca tucuita rurai tucuj jatun cashca ricurisha.

ÉXODO 4:21

Mandaj Diosca Moisestaca: –Egiptoman tigrashpaca, jatun mancharinacunata rurachun ñuca cambaj maquipi churashcataca faraonpaj ñaupajpi tucuita rurashpa ricuchingui. Ashtahuanpish paipaj shunguta ñuca sinchiyachijpimi, israelcuna richunca mana saquinga.

ÉXODO 7:12

Paicunapaj caspicunata pambapi shitajpica, chai caspicunapish culebracuna tucurcallami. Ashtahuanpish Aaronpaj caspica, paicunapaj caspicunatami millpurca.

ÉXODO 7:14

Chai q'uipami Mandaj Diosca, Moisestaca: –Faraonca sinchi shungu tucushpami, israelcuna rishun nijpica mana saquisha nin.

ÉXODO 7:22

Shinallataj Egipto llajta brujocunapish, brujocuna rurana cashca shina rurashpaca, Moiseshuan, Aaronhuan milagrota ruraj shinallatajmi rurarcacuna. Chaimi faraonpaj shunguca Mandaj Dios nishca shinallataj rumi tucushpa mana uyarca.

ÉXODO 8:11

Sapocunaca canmantapish, cambaj huasicunamantapish, cambajta rurajcunamantapish, can mandacun gentecunamantapish anchushpami jatun yacucunallapi saquiringa– nircami.

ÉXODO 8:15

Ashtahuanpish faraonca ña ima llaquicuna illajpica, Mandaj Dios nishca shinallataj rumi shungu tucushpami mana uyarca.

ÉXODO 8:19

Chaimi brujocunaca faraontaca –Caitaca Taita Diospaj maquimi ruracun– nircacuna. Ashtahuanpish faraonca Mandaj Dios nishca shinallataj, rumi shungu tucushpami mana uyarca.

ÉXODO 8:28

Chaimi faraonca: –Cancunata Mandaj Diosman shitashca pambapi animalcunata cushpa rupachinaman richun ñucaca saquinimi. Ashtahuanca ama yalli caruta ringuichijchu. Ñucamantapish mañapanguichij– nirca.

ÉXODO 9:12

Mandaj Diosllataj faraonta rumi shunguta rurajpimi, Mandaj Dios Moisesman nishca shinallataj mana uyarca.

ÉXODO 9:35

Mandaj Dios Moisesman nishca shinallatajmi, faraonca rumi shungu tucushpa israelcunataca mana cacharisha nirca.

ÉXODO 9:7

Israelcunapaj animalcuna huañushcata mana huañushcata ricuchun faraón cachajpica, shujllapish mana huañushcatami ricurcacuna. Chaita yachashpapish paica rumi shungu tucushpami, israelcuna richunca manataj saquisha nirca.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

Romanos 2:5

Ashtahuanpish cambaj rumiyashca, mana cutirisha nij shungumantami, Taita Dios p'iñarishpa ima shina rurashcatataj ricuchishpa llaquichina punllapaj cambajllataj huaquichicungui.

DEUTERONOMIO 2:30

Ashtahuanpish Hesbón llajtata jatun mandaj Sehonca, paipaj llajtata pasachunca mana saquisha nircachu. Mandaj Dios, cancunapaj Taita Diosmi chai llajtata cancunapaj maquipi entregangapaj chai llajtata jatun mandajpaj yuyaitapish, shungutapish sinchiyachirca. Chaimi cunancama chai llajtaca cancunapaj.

Hebreos 3:13

Chaipaj randica ima millaita rurana yuyaicuna cancunata umashpa, mana uyasha nijta ama rurachun cunan causacushparaj punllanta caishuj chaishuj yuyachinacuichij.

1 SAMUEL 6:6

¿Ima nishpataj cancunaca egipciocuna shina, Faraón shina rumi shungucuna tucunguichij? Paicunatapish cunan llaquichij shinallataj llaquichijpimi, israelcunata richun saquijpi israelcunaca rircacuna.