ÉXODO 7:10 - Dios Rimashca Shimicunami

¹⁰ Moisespish, Aaronpish faraonpajman rishpaca, Mandaj Dios mandashca shinallatajmi rurarcacuna. Aaronca paipaj caspitaca faraonpaj, paipajta rurajcunapaj ñaupajpi shitajpimi, chai caspica culebra tucurca.

ÉXODO 7:10 Iomraidhean Croise

SALMOS 135:9

Egiptopica señalcunata, mancharinacunata rurashpami ricuchirca. Faraontapish tucui paipajta rurajcunatapish llaquichishpami chashna ricuchirca.

ÉXODO 12:28

Israelcunaca Moisesta, Aaronta Mandaj Dios ima shinalla mandashca shinami chaitataj tucuita rurarcacuna.

ÉXODO 4:3

Mandaj Dios: –Pambapi shitai– nijpi Moisés pambapi shitajpica, chai caspi culebra tucujpimi, Moisesca chaimanta anchushpa callpai callarirca.

ÉXODO 7:15

Cayandij tutamantaca faraonpajman ri. Pai jatun yacuman shamucujpica canca culebra tucushca cambaj caspita apashpa chai yacu uripi tupashpa,

ÉXODO 7:20

Moisespish, Aaronpish Mandaj Dios nishca shinallatajmi rurarcacuna. Aaronca pai charicushca caspihuan faraonpaj, faraonpajta rurajcunapaj ñaupajpi jatun yacuta huajtajpica, tucui chai yacucunami yahuar tucurca.

ÉXODO 7:6

Moisespish, Aaronpish Mandaj Dios paicunata ima shinalla mandashca shinami tucuita rurarcacuna.

ÉXODO 7:9

–Faraón: Shuj milagrota rurashpa ricuchi nijpica, Aarontaca: Culebra tucuchun cambaj caspita japishpa faraonpaj ñaupajpi shitai ningui– nircami.

AMÓS 9:3

Carmelo urcu puntapi miticugrijpipish, mashcashpami japisha. Ñuca ñahuimanta miticungapaj mama cucha asientoman yaicujpipish, yacupi causaj culebratami canichun cachasha.

Marcos 16:18

Culebracunata maquihuan japijpipish, ima huañuipajta ubyajpipish imata mana rurangachu. Ashtahuanpish ungushcacunapaj jahuapi maquita churashpa alliyachingacunami– nircami.

Lucas 10:19

Cancunamanca culebracunata, escorpioncunata saruna poderta, p'iñaj diablota cazuchina podertami cuni. Chaimanta cancunataca imata mana rurai tucungachu.