ÉXODO 6:3 - Dios Rimashca Shimicunami

³ Abrahamman, Isaacman, Jacobman ricurishpaca Ñucalla Tucuita Rurai Tucuj Dios cashcatami ricuchircani. Ashtahuanpish paicunamanca ñuca shuti, MANDAJ DIOS cashcataca mana huillarcanichu.

ÉXODO 6:3 Iomraidhean Croise

GÉNESIS 13:18

Chaimi Abramca, paipaj carpa huasita pascashpa apashpa rishpa Hebrón pueblo c'uchupi caj encina yuracuna tiyan allpapi causarca. Chai allpaca, Mamre runapajmi carca. Abramca Mandaj Diosta mañangapajmi chaipipish shuj altarta rurarca.

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

GÉNESIS 22:14

Chaimi Abrahamca chaitaca: “Ima illashcata Mandaj Dios cuna urcu” shutita shutichirca. Chaimi cunancama: “Ima illashcataca Mandaj Diospaj urcupimi cunga” nincuna.

GÉNESIS 28:3

Pailla Tucuita Rurai Tucuj Taita Dios, canmanca achca allicunata cuchun. Cambaj huahuacunatapish yallitaj achcata mirachichun. Yallitaj achcacuna tucungacama mirachichun.

GÉNESIS 35:11

Taita Diosca chaillapitajmi cashnapish nirca: “Ñucaca Ñucalla Tucuita Rurai Tucuj Taita Diosmi cani. Canca huahuacunayuj tucushpa achcata mirarilla. Canmantami shuj jatun llajtapish, achca aillucunapish tucunga. Cambaj huijsamanta llujshishca huahua huahuacunaca jatun mandajcunami canga.

GÉNESIS 48:3

Josetaca: –Pailla Tucuita Rurai Tucuj Taita Diosmi, Canaanpi caj Luz pueblopi ñucaman ricurishpa alli cashca cachun nishpaca,

SALMOS 68:4

Taita Diosta cantaichij. Paipaj shutipi salmocunata cantaichij. Caballopi tiyarishca jahua pachata puricujta jatunyachichij. Paipaj shutica Jahmi: Paipaj ñaupajpi cushicuichij.

SALMOS 83:18

Chaipimi quiquinpaj shutica Mandaj Dios cashcata yachangacuna. Jahua pachapi caj Taita Diosca quiquinlla cashcata, quiquinlla tucui cai pachata mandaj cashcata yachangacuna.

ÉXODO 15:3

Mandaj Diosca alli macanacujmi. Paipaj shutica Mandaj Diosmi.

ÉXODO 23:21

Paipaj ñaupajpica cazuj, alli cangui. Pai ima nishcata uyangui. Paitaca ama c'ariyangui. Can c'ariyashcataca paica mana perdonangachu. Ñuca shutica paipimi.

ÉXODO 3:14

Taita Diospish Moisestaca: –ÑUCACA ÑUCAMI CANI– nircami. Israelcunamanca: ÑUCAMI CANI nijmi cancunapajman cachan ningui– nircami.

ISAÍAS 42:8

Ñucaca, Mandaj Diosmi cani. Ñuca shutica chaimi. Ñuca jatun canataca, pi shujtajman mana cushachu. Ñucata alabanapaj randi, rurashcalla dioscunata alabachun mana saquishachu.

ISAÍAS 44:6

Israelcunata Jatun Mandajca, israelcunata quishpichijca, tucuita Mandaj Diosca cashnami nin: “Callarichijpish ñucami cani, tucurichijpish ñucami cani. Shujtaj Diosca mana tiyanchu.

JEREMÍAS 16:21

Chaimantatajmari cunanca ñuca maquihuanca, ñuca tucuita rurai tucuj cashcata rijsichigrini. Chashna rurajpimi, ñucataca Mandaj Dios shutitaj cashcata yachangacuna.

JEREMÍAS 33:2

“Mandaj Diosca cai pachata rurajmi. Tucuita rurashpa sinchita churajmi. Paica Mandaj Dios shutimi, paimi cashna nin:

EZEQUIEL 20:5

cashna ningui: Mandaj Jatun Diosca cashnami nin: Jacobopaj huahua huahua israelcunata agllai punllallatajmi, paicunamanca ñuca maquita alzashpa ari nircani. Paicuna Egipto llajtapi cajpiraj paicunaman rijsichirishpami, ñuca maquita alzashpa: Ñucaca cancunata Mandaj Taita Diosmi cani nircani.

EZEQUIEL 37:13

Ñuca agllashca israelcunalla, cancunataca pambashca jutcucunamanta llujshichijta ricushpami, Mandaj Diostaj cashcataca yachanguichij.

EZEQUIEL 37:6

Shinallataj cancunapica angucunata churashpa, aichata jundachishpami, jahuataca carahuan tapachisha. Chai q'uipami espirituta cancunapi churasha. Chashna rurajpimi, cutin causaita charinguichij. Chaita ricushpami ñucataca, Mandaj Diostaj cashcataca yachanguichij ninmi ni” nircami.

Juan 8:58

Shina nijpi Jesusca: –Abraham manaraj tiyajpimi, ñucaca ña tiyarcani. Chaica chashnatajmi– nirca.

Apocalipsis 1:4

Ñucaca Juanmi cani. Asia llajtapi caj canchis pueblopi tandanacushca crijcunamanmi quillcani: Diosca cunanpish, sarunpish shamunapaj cajpish paillatajmi. Paipaj jatun tiyarina ñaupajpi caj canchis espiritupaj mana c'uyaipajta c'uyashcapish sumaj causaita cushcapish cancunahuan cachun.

RUT 1:20

Chaimi Noemica: –Ñucataca ama Noemí nihuaichijchu. Ashtahuanpish Mara nihuaichij. Tucuita Rurai Tucuj Diosca, jatun llaquitamari rurahuarca.