ÉXODO 6:26 - Dios Rimashca Shimicunami

²⁶ Aaronpish, Moisespish tucui chai huahua huahuacunapurallatajmi carcacuna. Paicunatami Mandaj Diosca: “Cancunami Egipto llajtamantaca israelcunataca soldadocunata shina mirga mirgata ch'icanchishpa llujshichinguichij” nircami.

ÉXODO 6:26 Iomraidhean Croise

GÉNESIS 2:1

Jahua pachatapish, cai pachatapish, chaipi tucui imalla tiyajcunatapish chashna rurashpami tucuchirca.

1 CRÓNICAS 6:3

Amrampaj churicunaca: Aarón, Moisés shuticunami carca. María shuti ushushipishmi carca. Aaronpaj churicunaca: Nadab, Abiú, Eleazar, Itamar shuticunami carca.

SALMOS 77:20

Quiquinpaj cajcunataca ovejacunata shinami pushamurcangui. Moisespaj, Aaronpaj maquihuanmi pushamurcangui.

SALMOS 99:6

Moiseshuan Aaronhuanca Taita Diospaj curacunapurami carca. Samuelca paipaj shutipi mañajcunapurami carca. Mandaj Diosta paicuna mañajpica, paica cutichijmi carca.

ÉXODO 12:17

Levadura illajlla tandata micuna punllacunapica amataj saquishpa ruracunguichijlla. Chai punllacunallapitajmi cancunataca achca tandanacushcacunata Egiptomanta llujshichimurcani. Chaimanta cai mandashcataca cancunapaj huahua huahuacunapish huahua huahua huiñaita pajtachicuchunllacuna.

ÉXODO 12:41

Ña 430 huatacuna pajtai punllami, Mandaj Dios agllashcacunaca soldadocuna shina mirga mirgapi ch'icanchishca Egiptomanta tucuicuna llujshircacuna.

ÉXODO 12:51

Mandaj Diosca chai punllallatajmi pai agllashca israelcunataca, soldadocunata shina mirga mirgapi ch'icanchishcata Egiptomanta llujshichirca.

ÉXODO 13:18

Taita Diosca israelcunataca shitashca pambata Puca Cuchaman rina ñanta muyuchishpami pusharca. Israelcunaca Egiptomantaca tucuicunami soldadocuna shina mirga mirgapi ch'icanchishca huichiyarcacuna.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 32:1

Moisés chai urcumanta mana utca uriyamujpimi, israelcunaca tandanacushpa Aaronpajman c'uchuyashpaca: –Egiptomanta ñucanchijta llujshichimuj Moisestaca ima tucushcataca mana yachanchijchu. Jatari, ñucanchijta ñaupashpa richun dioscunata rurai– nircacuna.

ÉXODO 32:11

Chaimi Moisesca paita Mandaj Taita Diospaj ñaupajpi: –Mandaj Dioslla, cambaj tucuita rurai tucuj maquihuan, cambaj poderhuan Egiptomanta llujshichimushca israelcunahuanca ama chashna jatunta p'iñarihuaichu– nishpa mañarca.

ÉXODO 32:7

Mandaj Diosca Moisestaca: –Egiptomanta can llujshichimushca gentecunaca millaitami ruracuncuna. Paicunapajman uriyashpa rilla.

ÉXODO 6:13

Chaimi Mandaj Diosca: –Israelcunata imallata nishpa, Egiptota jatun mandaj faraonta imallata nishpa israelcunata Egiptomanta llujshichichun Moisestapish Aarontapish– mandarca.

ÉXODO 6:20

Amramca paipaj tía Jocabedtami paipaj huarmi cachun japirca. Jocabed huarmipaj huahuacunami Aaronpish, Moisespish carca. Amramca 137 huatacunatami causarca.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ÉXODO 7:4

Chaipipish faraonca cancunataca mana uyangachu. Ashtahuanpish Egipto llajta jahuapi ñuca maquita churashpa yallitaj llaquichishpami, ñuca agllashca israelcunataca soldadocunata shina cada mirgapi churashpa Egiptomantaca llujshichimusha.

MIQUEAS 6:4

Ashtahuanpish Egipto llajtapi huatashca shina causacujtaca ñucamari llujshichircani. Cancunata pushamuchunca Moisesta, Aaronta, Mariatami cacharcani.

NÚMEROS 33:1

Israelcuna Egiptomanta llujshimushpa, maillapi carpa huasicunata shayachishpa shamushcaca cashnami: Paicunaca cada aillumi soldadocuna shina cada mirga, mirga Moiseshuan, Aaronhuan mandashca shamurca.

JOSUÉ 24:5

Chaimanta llujshichingapajca Moisesta, Aaronta cachashpami, Egiptopi causajcunataca jatunta llaquichishpa, cancunataca paicunapaj chaupimanta llujshichimurcani.

1 SAMUEL 12:6

Shina nijpi Samuelca israelcunataca: –Moisestapish, Aarontapish pushaj cachun churashpa cancunapaj ñaupa yayacunata Egiptomanta llujshichij Mandaj Dios ricucunmi.

1 SAMUEL 12:8

Egiptoman Jacob yaicujpi cancunapaj ñaupa yayacunata llaquichijpi paicuna Mandaj Diosta caparishpa mañajpimi, Mandaj Diosca Moisesta, Aaronta cachashpa, cancunapaj ñaupa yayacunataca Egiptomanta llujshichishpa cai llajtapi churarca.