ÉXODO 6:2 - Dios Rimashca Shimicunami

² Taita Diosca Moiseshuan cutin rimashpaca: –ÑUCACA MANDAJ DIOSMI CANI.

ÉXODO 6:2 Iomraidhean Croise

GÉNESIS 15:7

Mandaj Diosca: –Ñucaca caldeocuna causacun Ur pueblomanta canta llujshichimuj Mandaj Diosmi cani. Cai llajtata canman cungapajmi llujshichimurcani– nircami.

ÉXODO 12:12

Chai tutaca Egipto llajtatami puricusha. Chai llajtapi causajcunapaj punta huacharishcacunataca gentecunapajtapish, animalcunapajtapish punta huacharishca c'ari huahuacunataca tucuitami huañuchisha. Chashnami egipciocunapaj dioscunaca yangalla cashcata, ñucaca Mandaj Diostaj cashcata ricuchisha.

ÉXODO 14:18

Faraonpi, paipaj carrocunapi, paipaj caballopi tiyarishca soldadocunapi ñucaca tucuita rurai tucuj cashcata ricuchijpimi egipciocunaca ñucaca Mandaj Diostaj cashcata yachangacuna– nircami.

ÉXODO 15:3

Mandaj Diosca alli macanacujmi. Paipaj shutica Mandaj Diosmi.

ÉXODO 17:1

Tandanacushca tucui israelcuna Sin nishca shitashca pambamanta rishpaca, Mandaj Dios mandashca shina asha ashata causashpa rishpaca, Refidimman chayashpami chaipi carpa huasicunata shayachishpa tiyarircacuna. Chaipica yacu mana tiyajpimi imata mana ubyai tucurcacuna.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 3:14

Taita Diospish Moisestaca: –ÑUCACA ÑUCAMI CANI– nircami. Israelcunamanca: ÑUCAMI CANI nijmi cancunapajman cachan ningui– nircami.

ÉXODO 3:15

Taita Diosca Moisestaca cashnapishmi nirca: –Israelcunamanca: Cancunapaj ñaupa yayacunata Mandaj Taita Dios Abrahampaj, Isaacpaj, Jacobpaj Diosmi cancunapajman cachan ningui. Ñuca shutica, huiñaipaj chaillatajmi. Chai shutipimi, ñucataca huiñaita yuyaringacuna.

ÉXODO 6:29

–Ñucaca MANDAJ DIOSMI cani. Ñuca tucui imallata canman nishcata Egipto llajtata jatun mandaj faraonman huillagri– nircami.

ÉXODO 6:6

Chaimanta israelcunataca cashna ni: Ñucaca MANDAJ DIOSMI cani. Egiptocuna yallitaj sinchita trabajachicunmantaca ñucami llujshichisha. Huatashcata shina paicuna cancunata rurachicunmantaca paicuna ima shina cancunata llaquichishca shinallatajmi ñuca rigrata chutashpa paicunatapish llaquichishpa cancunataca cacharichisha.

ÉXODO 6:8

Abrahamman, Isaacman, Jacobman ñuca maquita alzashpa cai llajtataca cancunaman cushatajmi nishca llajtamanmi cancunataca yaicuchisha. Chai llajtataca ñucami cancunapaj quiquin llajta cachun cusha. Ñucaca MANDAJ DIOSTAJMI cani ninmi nigri– nircami.

ISAÍAS 42:8

Ñucaca, Mandaj Diosmi cani. Ñuca shutica chaimi. Ñuca jatun canataca, pi shujtajman mana cushachu. Ñucata alabanapaj randi, rurashcalla dioscunata alabachun mana saquishachu.

ISAÍAS 43:11

Ñucaca Mandaj Dios ñucami cani. Pi shujtaj quishpichij mana tiyanchu” ninmi.

ISAÍAS 43:15

Ñucaca jucha illaj cancunapaj Mandaj Diosmi cani. Israelcunata callarichij paicunapaj jatun Mandajmi cani.

ISAÍAS 44:6

Israelcunata Jatun Mandajca, israelcunata quishpichijca, tucuita Mandaj Diosca cashnami nin: “Callarichijpish ñucami cani, tucurichijpish ñucami cani. Shujtaj Diosca mana tiyanchu.

JEREMÍAS 9:24

Ashtahuanpish maijan cushicusha nishpaca, Mandaj Dios ñucata rijsishpa, ñuca ima nishcatapish cazuj cashpa, cai pachapipish ñucaca c'uyaihuan tucuicunapaj allita ricushpa, cashcata ruracujta rijsij cashpa cushicuchun. Ñucaca chaimanta cushicuchunmi munani” ninmi Mandaj Diosca.

EZEQUIEL 20:5

cashna ningui: Mandaj Jatun Diosca cashnami nin: Jacobopaj huahua huahua israelcunata agllai punllallatajmi, paicunamanca ñuca maquita alzashpa ari nircani. Paicuna Egipto llajtapi cajpiraj paicunaman rijsichirishpami, ñuca maquita alzashpa: Ñucaca cancunata Mandaj Taita Diosmi cani nircani.

MALAQUÍAS 3:6

Jacobpaj huahuacuna, Mandaj Dios ñucaca manataj shujtajyanichu. Chaimantami cancunaca mana chingachishca canguichij.