ÉXODO 6:12 - Dios Rimashca Shimicunami

¹² Chaimi Moisesca, Mandaj Diostaca: –Israelcunapish mana uyancunachu, faraoncarin maitataj uyangari. Ñucaca rimangapajpish c'allu huataricujmari cani– nirca.

ÉXODO 6:12 Iomraidhean Croise

ÉXODO 3:11

Chaimi Moisesca Taita Diostaca: –Faraonpajman rishpa, israelcunata Egiptomanta llujshichimungapajca ñucaca ¿pitaj caniyari?– nirca.

ÉXODO 3:13

Shina nijpipish Moisesca Taita Diostaca: –Israelcunapajman ñuca chayashpaca: Cancunapaj ñaupa yayacunapaj Diosmi ñucataca cancunapajman cachan nijpi, paicunaca: Paipaj shutica ¿ima shutitagari? nijpica, ¿imatataj nishari?– nircami.

ÉXODO 4:1

Chaimi Moisesca: –Ñuca chashna nijpipish paicunaca mana cringacunachu, ñuca nishcataca mana uyangacunachu. Ashtahuanpish: Mandaj Diosca maitataj canman ricurinman carcari ningacunami– nirca.

ÉXODO 4:10

Chaimi Moisesca, Mandaj Diostaca: –¡Aij, Jatun Dioslla! Cambajta ruraj ñucahuan quiquin manaraj rimajpipish cunanpish saruncunamanpish ñucaca manamari alli rimaj canichu. Ñucaca mana utca rimai tucuj imata rimangapajpish c'allu huataricujmari cani– nircami.

ÉXODO 6:13

Chaimi Mandaj Diosca: –Israelcunata imallata nishpa, Egiptota jatun mandaj faraonta imallata nishpa israelcunata Egiptomanta llujshichichun Moisestapish Aarontapish– mandarca.

ÉXODO 6:30

Shina nijpimi Moisesca: –Mandaj Dioslla, ñucaca rimangapajca c'allu huataricujmari cani. ¿Maitataj faraonca ñucataca uyahuangari?– nirca.

ÉXODO 6:9

Moisesca Dios ima shina nishca shinallatajmi israelcunamanca tucuita huillarca. Ashtahuanpish israelcunaca yallitaj sinchi trabajohuan cashpa, yallitaj llaquihuan cashcamantaca imata mana uyashun nircacunachu.

ISAÍAS 6:5

Chaimi ñucaca: “¡Aij, ñucalla ña huañunimi nircani! Ñucaca mapa shimicunata rimaj runamari cani. Mapa shimicunata rimaj runacunapaj chaupipipishmari causani. Chashna runami ñuca ñahuicunahuantaj Jatun Mandajta ricuni. Tucuita Mandaj Diostamari ricuni” nircanimi.

JEREMÍAS 1:6

Shina nijpica, ñucaca cashnami nircani: “¡Mandaj Jatun Dioslla, ama chashna nihuaichu. Ñucaca alli rimanallatapish manaraj yachaj huambramari cani!” nircanimi.

JEREMÍAS 6:10

“Cai runacunaca rinrin huichcashcamari, mana uyashun nincunaca. ¿Pitataj rimashpa cunashari? Can Mandaj Diospaj shimitaca, ima pinganayaj shimicunata shina mana munancunachu” nircani.

JEREMÍAS 9:26

Egiptopi, Judapi, Edompi, Amonpi, Moab llajtapi causajcunata, shinallataj shitashca pambapi tucui causajcunatapishmi llaquichisha. Chai tucui runacunaca, charishca aicha mirga carata mana p'itichishcacunami. Israelcunacarin shungumanta millai yuyaita mana p'itishcacunami.

LEVÍTICO 26:41

Chashna huillajpipish ñucaca paicunahuan p'iñarishcamantaca paicunata p'iñajcunapaj llajtamanmi cachasha. Chaipimi paicunaca shungupi mana circuncisionta rurashcacuna shinallatajmari millaita ruracushcanchij ningacuna.

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.

DEUTERONOMIO 30:6

Mandaj Dios cancunapaj Taita Diosmi, cancunatapish cancunapaj huahua huahuacunatapish shungupi circuncisionta ruranga. Mandaj Dios cancunapaj Taita Diosta tucui shunguhuan, tucui almahuan paillata c'uyashpa causachunmi chashna ruranga.