ÉXODO 6:1 - Dios Rimashca Shimicunami

¹ Shina nijpi Mandaj Diosca Moisestaca: –Faraonta ñuca imata rurajtaca cunanmi ricungui. Ñuca maquihuan sinchita llaquichijpimi paipaj llajtamanta richun saquinga. Ñuca maquihuan sinchita llaquichijpimi pai quiquintaj richun saquinga– nircami.

ÉXODO 6:1 Iomraidhean Croise

2 REYES 7:19

Diospaj runa chashna nijpipish jatun mandajpaj alli maqui shina runaca: “Mandaj Dios jahua pacha ventanacunata pascajpipish, can nishca shinaca mana tucuipajchu yuyachin” nircami. Shina nijpica Diospaj runaca: “Ñuca nishca shina tucujta cambaj quiquin ñahuihuan ricushpapish, chaitaca mana micunguichu” nishcami carca.

2 REYES 7:2

Chaimi jatun mandajpaj alli maqui shina runaca, Diospaj runataca: –Mandaj Dios jahua pacha ventanacunata pascajpipish, mana can nishca shinatajca tucuipajchu yuyachin– nijpi Eliseoca: –Ñuca nishca shina tucujta cambaj quiquin ñahuihuan ricushpapish, chaitaca mana micunguichu– nirca.

2 CRÓNICAS 20:17

Cunanpica mana cancuna macanacunachu canguichij, ashtahuanpish casijlla shayanguichijlla. Chashnami ñucataj cancunata quishpichijta ricunguichij. Judá llajtapi causajcunapish, Jerusalenpi causajcunapish ama manchaichijchu, ama huashayaichijchu. Cayataj tupanaman llujshichij. Mandaj Dios ñucatajmi cancunahuan casha ninmi” nircami.

SALMOS 12:5

Mandaj Diosca cashnami nin: “Huajchacunataca llaquichicuncunami, ima illajcunaca aij, nishpami mañacuncuna. Paicunamantaca ñucami shayarigrini. Llaquimanta llujshichihuai nishpa shungu llujshishpa mañashcamantaca quishpichishami” ninmi.

SALMOS 12:6

Mandaj Dios rimashca shimicunaca chuyami. Pai rimashca shimicunaca allpa hornopi canchis cutin rupachishpa, tucui mapata anchuchishca chuya cullqui shinami.

SALMOS 136:12

Tucuita rurai tucuj paipaj maquihuan paipaj rigrahuan llujshichijta alabaichigari. Pai llaquij canaca huiñaipajmari.

SALMOS 89:13

Tucuita rurai tucuj rigraca quiquinpajmari. Quiquinpaj maquica tucui rurai tucujmari. Quiquinpaj alli lado maquica tucuicuna jatunyachishcamari.

ÉXODO 11:1

Mandaj Diosca Moisestaca: –Faraonpaj, cai Egiptopi causajcunapaj jahuamanca yallitaj llaquitami apamugrini. Chaipimi cancunataca paica richun saquinga. Paitajmi cancunataca shuj cutin llujshichishpa cachanga.

ÉXODO 12:31

Chai tutallataj Moisesta, Aaronta cayachishpami faraonca: –Cancunapish, tucui israelcunapish cai llajtapi causaj ñuca runacunapaj chaupimanta llujshishpa cancuna nishca shinallataj cancunata Mandaj Diospajta ruranaman richij.

ÉXODO 12:33

Egipciocunaca: “Tucuicunami ña huañugrinchij” yuyashpami, israelcunataca: “Cai llajtamanta utca richij” nishpa llujshichishpa cacharcacuna.

ÉXODO 12:39

Israelcunaca Egiptopi tandata ruracushpa levadurata manaraj churashca masata apashpa llujshishcallatami tortillata rurashpa cusashpa micurcacuna. Egipciocuna utca llujshichij nicujpimi israelcunaca paicunapaj micunata allichinataca mana pajtarishca carcacuna.

ÉXODO 13:14

Caya mincha cambaj huahua: ¿Imapajtaj cashnaca ruranguichij? nijpica: Egipto llajtapi huatashca shina llaquinayajta causacujpimari Mandaj Diosca ñucanchijtaca tucuita rurai tucuj paipaj maquihuan llujshichimurca.

ÉXODO 13:16

Mandaj Dios tucuita rurai tucuj maquihuan Egiptomanta llujshichimushcataca cambaj maquipi, mana cashpaca ñahui patapi ricunapaj churashca shinami cancunataca yuyachicungalla nishpa huillanguichij” nircami.

ÉXODO 13:3

Chaimi Moisesca israelcunataca: “Egiptopi huatashca shina ruracujta Mandaj Dios tucuita rurai tucuj maquihuan cai punllapi llujshichishcataca yuyaricunallami canguichij. Chai punllapica levadurayuj tandataca ama micunguichijchu.

ÉXODO 13:9

Cai ruraicunaca Mandaj Dios tucuita rurai tucuj maquihuan Egiptomanta canta llujshichimushcataca cambaj maquipi, mana cashpaca ñahui patapi ricunapaj churashca shinami yuyachicungalla. Mandaj Dios mandashca cambaj shimipi cachunmi chashna canga.

ÉXODO 14:13

Chaimi Moisesca israelcunataca: –Ama manchashpa sinchi sinchi caichijlla. Ricunguichij cunan ima shinami Mandaj Dios cancunata quishpichinga. Cunan punlla cancuna ricushca egipciocunataca cutinca ña manataj ashtahuan ricunguichijchu.

ÉXODO 15:6

Mandaj Dioslla, cambaj alli maquica tucuita rurai tucujmari. Mandaj Dioslla cambaj alli maquica p'iñajcunataca chingachishcamari.

ÉXODO 7:4

Chaipipish faraonca cancunataca mana uyangachu. Ashtahuanpish Egipto llajta jahuapi ñuca maquita churashpa yallitaj llaquichishpami, ñuca agllashca israelcunataca soldadocunata shina cada mirgapi churashpa Egiptomantaca llujshichimusha.

ÉXODO 7:5

Egipto llajta jahuapi ñuca maquita chutashpa paicunapaj chaupimanta israelcunata llujshichijpimi, egipciocunaca ñucataca Mandaj Dios cashcata yachangacuna– nircami.

ISAÍAS 63:12

¿Paipaj tucuita rurai tucuj rigrahuan Moisespaj alli maquihuan pushachijca maitagari? ¿Paicunapaj ñaupajpi jatun cucha yacuta chaupishpa paica huiñaipaj cashcata ricuchij Diosca maipitagari?

NÚMEROS 11:23

Mandaj Diosca Moisestaca: –Mandaj Diospaj maquitaca pi mana p'itishcachu. Ñuca nishca chashnataj pajtajta mana pajtajtaca cunanmi ricungui– nircami.

NÚMEROS 23:23

Jacobpaj huahua huahuacunata llaquichingapajca brujocunaca mana tiyanchu. Israelcunata llaquichingapajca adivinocunaca mana tiyanchu. Ashtahuanpish Taita Dios Jacobpaj, israelcunapaj sumaj allicunata rurashcata ricushpaca cunan shinallatajmi mancharingacuna.

Hechos 13:17

Ñucanchij israelcunapaj Taita Diosca, ñucanchij ñaupa yayacunatami agllarca. Paicunataca Egipto llajtapica, carumanta rishcallacuna cajpipish achcatami mirachirca. Chai q'uipaca Taita Diosca tucuita rurai tucuj cashcahuanmi Egiptomantaca llujshichirca.

DEUTERONOMIO 32:39

Cunanca ñucalla Taita Diostaj cashcataca alli ricuichij. Ñuca shina Diosca pi shujtaj diosca mana tiyanchu. Ñucami causaita quichuni, ñucallatajmi causaita cuni. Ñucami chugrichini, ñucallatajmi alliyachini. Ñuca maquimantaca pi mana quishpiri tucunchu.

DEUTERONOMIO 4:34

Maijan diostaj shuj llajtapaj chaupimanta shuj llajtata paipajlla cachun llaquicunahuan, ricuchinacunahuan, milagrocunahuan, jatun macanacuicunahuan paipaj tucuita rurai tucuj maquihuan, paipaj rigra chutashcahuan mancharinacunata rurashcahuan llujshichinata yuyarishcari. Mandaj Dios cancunapaj Taita Diosmi Egiptomantaca cancunapaj ñaupajpi tucui chaicunata rurashpa cancunataca llujshichimurca.